100
resurslarımızın ixracının həcmini artıra bilərik. Yenə də
deyirəm ki, bu, aparılacaq danışıqlardan asılı olacaqdır.
Bu il biz müstəqilliyimizin 20 illiyini qeyd edirik. 20 il bö-
yük tarixi mərhələdir. Birinci 2 ili çıxmaq şərti ilə Azərbaycan
20 il ərzində çox uğurla və inamla inkişaf edib, ölkə qarşısında
duran bütün vəzifələr icra edilib, ölkəmiz güclənib və dünya
xəritəsində öz layiqli yerini tuta bilibdir.
Bu gözəl dövlət bayramı ərəfəsində bir daha bütün
Azərbaycan xalqını Müstəqillik bayramı – Respublika günü
münasibətilə ürəkdən təbrik edirəm, bütün Azərbaycan xalqına
uğurlar və xoşbəxtlik arzulayıram. Sağ olun.
101
TÜRKİYƏNİN QURU QOŞUNLARI TƏLİM VƏ
DOKTRİNA KOMANDANI SALDIRAY BERKİN
BAŞÇILIQ ETDİYİ NÜMAYƏNDƏ HEYƏTİ İLƏ
GÖRÜŞ
Prezident sarayı
29 may 2011-ci il
Azərbaycan Respublikasının Prezidenti İlham Əliyev
mayın 29-da Türkiyənin Quru Qoşunları Təlim və Doktrina
Komandanı Saldıray Berkin başçılıq etdiyi nümayəndə heyətini
qəbul etmişdir.
Türkiyənin Quru Qoşunları Təlim və Doktrina Komandanı
Saldıray Berk 1996–98-ci illərdə Bakıda çalışdığı zaman
xalqımızın ümummilli lideri Heydər Əliyevlə görüşlərini böyük
məmnunluq hissi ilə xatırlatdı. Türkiyəli qonaq ölkəmizə əvvəlki
səfərindən ötən dövr ərzində Bakıda çox böyük inkişafın şahidi
olduğunu vurğuladı.
Görüşdə Azərbaycan ilə Türkiyə arasında dostluq və qar-
daşlıq münasibətlərinin müxtəlif istiqamətlərdə, o cümlədən
müdafiə və hərbi sənaye sahələrində uğurla inkişaf etdiyi
bildirildi və bu sahədə əməkdaşlığın bundan sonra daha da
genişlənəcəyinə əminlik ifadə olundu.
103
MOLDOVA RESPUBLİKASININ PREZİDENTİ
VƏZİFƏSİNİ İCRA EDƏN MARİAN LUPU İLƏ
GÖRÜŞ
Roma
1 iyun 2011-ci il
Azərbaycan Respublikasının Prezidenti İlham Əliyev iyunun
1-də Romada onun üçün ayrılmış iqamətgahda Moldova
Respublikasının Prezidenti vəzifəsini icra edən Marian Lupu ilə
görüşmüşdür.
Görüşdə Azərbaycan ilə Moldova arasında ikitərəfli müna-
sibətlərin uğurlu inkişafından məmnunluq ifadə olundu, öl-
kələrimizin beynəlxalq təşkilatlarda bir-birinin mövqeyini dəs-
təkləməsinin önəmi qeyd edildi, əlaqələrimizin daha da ge-
nişləndirilməsi üçün yaxşı potensialın olduğu vurğulanaraq bu
potensialın reallaşdırılması ilə bağlı fikir mübadiləsi aparıldı.
104
İTALİYANIN «EDİSON» ŞİRKƏTİNİN BAŞ
İCRAÇI DİREKTORU BRUNO LESKÖ İLƏ
GÖRÜŞ
Roma
1 iyun 2011-ci il
Azərbaycan Respublikasının Prezidenti İlham Əliyev
iyunun 1-də onun üçün ayrılmış iqamətgahda İtaliyanın
«Edison» şirkətinin Baş icraçı direktoru Bruno Leskönü qəbul
etmişdir.
Görüşdə Azərbaycan Respublikası Dövlət Neft Şirkəti ilə
«Edison» şirkəti arasında uğurlu əməkdaşlığın həyata keçi-
rildiyi vurğulandı, Türkiyə–Yunanıstan–İtaliya qaz kəməri layi-
həsinin həyata keçirilməsinin perspektivləri ilə bağlı məsələlər
müzakirə edildi.
105
«TECHNİP-İTALY»(TEKNİP İTALİYA)
ŞİRKƏTİNİN BAŞ İCRAÇI DİREKTORU
MARKO VİLLAN İLƏ GÖRÜŞ
Roma
1 iyun 2011-ci il
Azərbaycan Respublikasının Prezidenti İlham Əliyev
iyunun 1-də onun üçün ayrılmış iqamətgahda neft-qaz və neft-
kimya sənayesi üçün mühəndis və texnoloji avadanlıq istehsal
edən «Technip-İtaly» (Teknip İtaliya) şirkətinin Baş icraçı
direktoru Marko Villanı qəbul etmişdir.
Görüşdə Azərbaycan Respublikasının Dövlət Neft Şirkəti ilə
«Technip-İtaly» şirkəti arasında müxtəlif sahələrdə əmək-
daşlığın perspektivləri ətrafında fikir mübadiləsi aparıldı.