Qiyməti 50 qəpik 27 may 2016-cı IL №29-32 (9035)
Yüklə 21,68 Mb. Pdf görüntüsü
|
A Z R B A Y C A N X Z R D N Z G M L Y
И ИЧИ И И
27 may 2016-cы il № 29-32 (9035) 7 ən böyük səyahət gəmisinin təqribən 1 milyard avroya inşa edildiyi bildirilir Fransanın qərbindəki Saint-Nazaire tərsanəsində inşa edilən dünyanın ən böyük səyahət gəmisi Sauthemptona, oradan isə Aralıq dənizinə yola düşüb. “Mail online”nin məlumatına görə, “Dənizlərin harmoniyası” adlan- dırılan laynerin uzunluğu 362, eni 66, hündürlüyü isə 73 metrdir. 6300 sərnişin, 2000 heyət üzvü üçün nəzərdə tutulub. Gəmi buz meydançası, kazino, konsert zalı, alpinistlər üçün divar və basketbol meydançasının olduğu 16 göyərtədən ibarətdir. Fransanın STX şirkəti tərəfindən hazırlanan gəminin təqribən 1 mil- yard avroya inşa edildiyi bildirilir. Dənizdəki ən sürətli internetə malik laynerdə 7 günlük səyahət azı 1200 dollara başa gələcək.
Dəniz sularında yeni növ yaşayış məntəqəsi artıq 2020-ci ildə yarana bilər. Bu şəhərdə yaşayış evlərinin hər kvadratmetri alıcıya 5425 dollara başa gələcək. İnstitutun mütəxəssisləri üzən şəhərin layihəsi üzərində artıq bir neçə ildir işləyir, eyni zamanda internet vasitəsi ilə öz layihələri üçün vəsait toplayırlar. Layihə müəllifləri üzən şəhərin özünün muxtar siyasi və sosial təhsil, iq- tisadiyyat və vergi sisteminin olacağını bildirirlər. İndi onlar bu cür yaşayış məntəqələrinin hüquqi statusunu müəyyən edən müvafiq beynəlxalq razı- laşmanın hazırlanması ilə məşğuldurlar. İlk üzən şəhərin həmin razılaşmanı imzalayan dövlətin yaxınlığında yerləşəcəyi istisna edilmir. Hazırda Sakit okeanın bəzi ada dövlətləri ilə belə bir şəhərin tikilməsi üçün ilkin məsləhət- ləşmələr aparılır. YarıZarafat, YarıgerÇək hər şeyin yerindən əvvəl hər kəs öz ye- rini bilməlidir. şəxsiyyət olmayanlara şəxsiyyət vəsiqə- si vermək cinayət deyil? kiminsə pişiyinin ağaca dırmaşdırılma- sına yəqin ən çox siçanlar sevinir. Yalanın zamanı yoxdur. Yalan bütün za- manlarda işləyib və işləyir. mən hələ də bəzilərini başa sala bil- mirəm ki, igidin yaraşığı ehtiyatdır, ehtiyac yox. deyirəm bahaçılığın xeyri də var. Yəqin bundan sonra məni də ucuz satmayacaqlar. Bu, bizə çoxmu lazımdır? adamın qanı- nı qaraltmağın min yolunu bilirik. sizə elə gəlir ki, hər “Baş üstə!” deyənin başı var? həqiqət adama həyatı anlamağı, yalan isə həqiqətdən qaçmağı öyrədir. Xırda işləri görə bilməyəcəyinə əmin olanlar adətən böyük işlərdən yapışırlar. Yalanın dalınca sürünmək istəmirsənsə, həqiqətin arxasınca qaç. Balalarınıza özünüzdən sonra təmiz ad qoyun. qalan şeyləri onlar özləri də qaza- na bilərlər. Bildiyini babasına verməyən də böyük- lərə ehtiramdan danışır. olsa, bəxt hər şeydən yaxşıdır. mərifətli adamın savadı olmasa da olar. savadlı adamın mütləq mərifəti olmalıdır. allah adama gün verir. işığı “Bakıelekt- rikşəbəkə” verir. haqqın öz yerini tutması üçün haqdan yaxşı tutmaq lazımdır. hərə bildiyi qədər danışsa, elə sakitlik olar ki... Yaxşı ki, 200 il yaşamırıq. 200 ilə gör nə qədər pislik etmək olar?! Yalan həmişə hər yerə həqiqətdən tez çatır. hər kəs düz yolda olduğunu düşünür. neçə düz yol var ki? Yıxmaq sənət deyil. lap dağ boyda evi yıxsan da. gedəsi yer olmayanda... güzəştə gedir- lər. Bu dünyada adama ən çox vəd verirlər. hətta allah da, əməllərimizə görə bizə cən- nət və ya cəhənnəm vəd edir. Bir atımlıq barıt uzağı haraya çatır? Bəziləri burunlarını, burundan uzağı görə bilmədiklərinə görə kəsdirirlər? Yalanda zərrəcə oksigen yoxdursa, bə- ziləri yalanla necə nəfəs alır? nə boydadır ki, başı heç nədən çıxmır? Yüz yerə işləyənlər işgüzar adamlardır? adam var, ağzını açan kimi, görünür ki, çörəyi diz üstədir. Çox bilənlər qulaq asdığımız qədər, az bilənlər zəhlə tökənə kimi danışırlar. Yaxşı adam olmağın nəyi pisdir ki, çoxu yaxşı adam olmaq istəmir? ən çox gözlərim ağrıyır. Özünü gözə soxan nə qədər olar? Yaşamaq üçün günü günə neçəyə sat- maq lazımdır? Bəzi adamlara üz əvəzinə dərhal astar göstərmək lazımdır. Yemək acandan-acana, ümid həmişə yaxşıdır. adam var, üç gündən bir “donos” yaz- masa, özünü birtəhər hiss edir. it nə qədər çox olsa, it hürən tərəfə ge- dən də bir o qədər çox olar. lap min kişidən biri ol, amma kişi ol! arxada danışanların çoxu üzə gülənlər- dir. inanmırsınızsa, dönüb baxın... minnət ən yüksək faizdən də pisdir. lap neft çıxsa da, başqasının ayağının altını qazmaq kişilikdən deyil. Bir dildə anlamaq üç-dörd dildə danış- maqdan yaxşıdır. üzə bilməyənə bir maşın saman da kömək eləməz. düşmənə çevrilən keçmiş dost digər düşmənlərdən daha təhlükəlidir. Pişiklərini ağaca dırmaşdıracaqların- dan qorxduqları üçün çox adam ağaclara qənim kəsilib? Yaxşı ki, kök deyiləm. Bəziləri adamın ətini yeməyə hazırdır. olsa, pul çox yaxşı şeydir, olmasa, əlbət- tə ki, əl çirkidir. Rasif TAHİRoV XX əsrin 60-cı illərində Yeni Qvineyada itkin düşmüş Rokfellerlər ailəsinin varisi Mayklın Asmat qəbiləsinin üzvləri tərəfindən yeyildiyi ehtimal olunur. Vestifinance.ru saytının yazdığına görə, Maykl Rokfellerin itkin düşməsi ilə nəticələnən hadisələr zənciri 1957-ci ildən başlayıb. Həmin il onun atası, Nyu-York ştatının qubernatoru Nelson Oldriç Rok- feller primitiv sənətlər muzeyi açır. Nelson hazırda Rokfeller ailəsinin başçısı olan 99 yaşlı Devid Rok- fellerin böyük qardaşıdır. Muzeyin qəyyumlar şurasının üzvləri arasında 19 yaşlı Maykl da vardı. Harvard Universitetinin tarix üzrə bakalavr dərəcəsini fərqlənmə ilə bitirən və ABŞ ordusunda 6 ay xidmət edən Maykl atası tərəfindən təsis edilmiş muzeyin kolleksiyasına öz töhfəsini vermək qərarına gəlir. Bu məqsədlə 1961- ci ilin martında universitetin nəzdindəki Pibodi arxeologiya və etnoqrafiya muzeyinin təşkil etdiyi ekspedisiyaya qoşulur. Ekspedisiya Niderland Yeni Qvineyasında yaşayan Dani qəbiləsinin həyat tərzi- ni öyrənmək üçün təşkil olunmuşdu. Bir müddət sonra Maykl bu ekspedisiyadakı fəaliyyətini dayandırır və bütün diqqətini həmin ərazilərdə yaşayan Asmat qəbiləsinin tədqiqinə yönəltməyi qərara alır. 1961-ci ilin oktyabr ayında o, antropoloq Rene Vassinqlə birgə holland patrul- larının birindən əldəqayırma katamaran alır və üç həftə ərzində aborigenlərin 13 kəndini dolaşır. Belə səfərlərin birində, 1961-ci il noyabrın 17- də sahildən 5 kilometr aralıda güclü dalğalar qayığı aşırır və gənc Rokfeller itkin düşür. Onun tapılması üçün göstərilən böyük səylər heç bir nəticə vermir və 1964-cü ildə Maykl rəsmən həlak olmuş sayılır. Ölümə səbəb kimi suda boğulma göstərilsə də, ver- siyalar içərisində onun sahilə çıxdıqdan sonra As- mat qəbiləsi tərəfindən öldürülərək yeyilməsi də yer alır. 2014-cü ilin martında Amerika yazıçısı Karl Hoffman bu versiyanı öz kitabında detallarına qədər qələmə alır. Hoffmanın sözlərinə görə, o, bu versi- yanı təsdiqləyən yüzlərlə müxtəlif sənəd - Niderland hökumətinin yerli missionerlərlə yazışmalarına dair teleqram və məktublar əldə edə bilib. Həmin dövrdə Niderland hakimiyyəti koloniya üzərində nəzarəti saxlamağa çalışdığından varisin ölümünün dəhşətli təfərrüatını gizlətməyə çalışıb. Qeyd edək ki, Nyu-Yorkdakı primitiv sənətlər muzeyi 1976-cı ildən fəaliyyətini dayandırıb. Maykl Rokfeller və Rene Vassinqin gətirdiyi Asmat qəbilə- sinə məxsus sənət nümunələri isə Nelson Rokfeller tərəfindən 1979-cu ildə Nyu-Yorkdakı Metropoli- ten Muzeyinin kolleksiyasına bağışlanılıb. Hazırda onlar muzeydə Maykl Rokfellerin adı ilə nümayiş edilir.
Tahir DADAŞoV Bu ilin martında ABŞ-ın dəniz məsələləri üzrə eksperti Ronald o’Rurk tərtib etdiyi “Çinin dəniz qüvvələrinin modernləşdirilməsi: Amerika Birləşmiş Ştatlarının Hər- bi Dəniz Qüvvələri üçün nəticələri” adlı hesabatı Konqresə təqdim edib. Hesabatda o’Rurk amerikalı ekspert və natiqlərin çıxışlarına istinadən, Çinin sualtı qayıqlarının sayı barədə fərziyyələr irəli sürüb. Ekspert iddia edib ki, hələ 2015-ci ildə Çinin sualtı qayıqlarının ümumi sayı 66-75 arasında göstərilirdisə, 2020-ci ildə onların sayı 69-78, 2026-cı ildə 72- 81 və 2030-cu ildə isə böyük ehtimalla 99-a çata bilər. Amerikalı ekspertin ehtimalına görə, Çinlə müqayisədə 2026-cı ilə amerikalıların sualtı qayıqlarının ümumi sayı 61-ə çata bilər və 2030-cu ilə qədər bu gəmilərin yalnız 53-ü istismar müddəti- ni başa vurmamış olacaq. Lakin bütün bunlarla ya- naşı, Amerika gəmilərinin sayının az olmasına bax- mayaraq, onların əksəriyyəti nüvə arsenalı ilə təchiz ediləcək. Amerika sualtı gəmilərindən fərqli olaraq, Çin sualtı gəmilərinin ən yaxşı halda yalnız yarısı nüvə arsenalı ilə təchiz edilə bilər. Vaşinqton Stra- teji və Beynəlxalq Araşdırmalar Mərkəzi qeyd edir ki, Çinin ballastik raketlərlə təchiz edilmiş “Çzin” layihəli sualtı gəmiləri ABŞ sahillərinə gözlənilməz hücum etmək iqtidarında deyil. Belə ki, bu sualtı qa- yıqların yerini səsinə görə hidrolokatorlarla müəy- yən etmək çox asandır. Məsələ ondadır ki, Çinin yeni layihə əsasında hazırlanan sualtı qayıqları, ötən əsrin 70-ci illərində sovetlər tərəfindən istismardan çıxarılan “Kalmar” sualtı gəmilərindən daha çox səs çıxarır. Çinin sualtı donanmasının ikinci zəif nöqtə- si rabitə ilə bağlıdır. Çinin bu istiqamətdə, daha doğrusu, ultra-aşağı tezliklər ilə ünsiyyət üzərində iş aparması ilə bağlı məlumatlar olsa da, Amerika kəşfiyyatı bu barədə səhih məlumata malik deyil və nəhayət ABŞ-ın Çin sualtı donnamasında zəif hədəf kimi dəyərləndirdiyi məsələlərdən ən önəmlisi sual- tı baza ilə bağlıdır. Belə ki, Çinin Haynan adasında yerləşən bazası ABŞ qüvvələri və onların müttə- fiqləri üçün o qədər də əlçatmaz hədəf deyil. Lakin bütün bunlara baxmayaraq, amerikalılar özləri də Çinin Sakit okeanda möhkəmlənməyə can atdığını etiraf etmək məcburiyyətindədirlər. Buna əyani sü- but kimi, Çinin son illər Vudi adasında “Yer-hava” raketlərini yerləşdirməsini, Cənubi Çin dənizində yeni baza inşa etməsini göstərirlər. Xatırladaq ki, aprelin ortalarında Filippinə səfər edən ABŞ-ın mü- dafiə naziri Eşton Karter 2020-ci ilə qədər Cənubi Çin dənizinə pilotsuz sualtı qayıq göndərəcəkləri barədə məlumat verib. Çinin sualtı donanması təkcə ABŞ-ı deyil, qonşu ölkələri də narahat edir. “Reu- ters” xəbər verir ki, Çinin hərbi fəallığından narahat olan Hindistan ABŞ-la qarşılıqlı hərbi yardım barə- də danışıqlara başlayıb.
A Z R B A Y C A N X Z R D N Z G M L Y
И ИЧИ И И
27 may 2016-cы il № 29-32 (9035) Baş redaktor rasif iman oğlu tahirov ünvanımız: aZ1003, Bakı şəhəri, Xanlar küçəsi, 22 telefonlarımıZ: Baş redaktor (050) 670-33-76 redaktor (070) 252-39-02 qəzetin təsisçisi: “azərbaycan Xəzər dəniz gəmiçiliyi” qapalı səhmdar cəmiyyəti qəzet “dəniz” qəzetinin kompyuter mərkəzində yığılmış, səhifələnmiş və “azərbaycan” nəşriyyatında çap olunmuşdur şəhadətnamə: 275 tiraj: 2000 sifariş: 1457 8 “formula-1” avropa qran-prisini 190 ölkədə 500 milyondan artıq tamaşaçı izləyəcək Gələn ay Bakıda keçiriləcək “Formula-1” üzrə Avropa Qran-prisinə hazırlıq işləri plana uyğun olaraq davam edir. Trekin asfaltlan- ması prosesi artıq başa çatıb. Görülən işlər beynəlxalq qurumlar tərəfindən də yüksək qiymətləndirilib. Pit binasının tikintisi isə artıq yekunlaşıb. Hazırda orada texniki ava- danlığın quraşdırılması prosesi gedir. Bu sözləri gənclər və idman naziri Azad Rəhimov deyib. Bildirib ki, azarkeşlər üçün 18 min oturacaq quraşdırılıb. Bundan əlavə, azarkeşlərə ayaqüstü biletlər də təklif olunur ki, onlar yarışı iz- ləməklə yanaşı, konsert və əyləncə proqramlarında iştirak edə biləcəklər. Yarış sürətli şəhər treki adına malikdir. Belə ki, Qran-pri zamanı bolidlər saatda 340 kilometr sürətlə hərəkət edəcəklər. Bakı Şəhər Halqası paytax- tın gözəlliyini dünyaya çatdırmağa imkan verəcək. Yarış zamanı televizi- ya tamaşaçıları Bakının tarixi və müasir görkəminə şahid olacaqlar. Bilet satışı isə istədiyimiz kimi davam edir. Dünya pilotlarının Bakı Şəhər Halqası haqqında yüksək fikirdə oldu- ğunu bildirən nazir deyib: “Beynəlxalq Avtomobil Federasiyasının rəsmi- si Çarli Vaytinq bir müddət əvvəl ölkəmizdə səfərdə oldu və görülən işləri yüksək qiymətləndirdi. O, pilotlar və azarkeşlər üçün heç bir təhlükənin olmadığını diqqətə çatdırdı. Əcnəbi vətəndaşlar üçün viza rejimi də sa- dələşdirilib. Belə ki, yarışa qeydiyyatdan keçmiş insanlarda akkreditasi- ya, turistlərdə isə alınan bilet viza rolunu oynayacaq. Yarışa 4 min könüllü cəlb olunub. Qran-priyə kifayət qədər böyük maraq var. Bu yarışı 190 ölkədə 500 milyondan artıq tamaşaçı izləyəcək”.
Bakı Şahmat Olimpiadası Əməliy- yat Komitəsinin mətbuat xidmətinin verdiyi məlumata görə, Ümumdünya Şahmat Olimpiadasının baş hakimi Faiq Həsənov olacaq. Ümumilikdə Olimpiada vaxtı 200-ə yaxın hakim partiyalara nəzarət edəcək. Baş haki- min köməkçiləri Anastasiya Sorokina və Mahdi Abdulrahim olacaq. Beynəlxalq Şahmat Federasiyasının (FİDE) Hakimlər Komissiya- sının sədri Takis Nikolopoulos isə turnirin direktoru təyin olunub. Xatırladaq ki, Bakıda təşkil olunacaq Şahmat Olimpiadası sent- yabrın 1-də start götürəcək və ayın 14-də başa çatacaq. Ölkəmizdə ilk dəfə baş tutacaq mötəbər yarış “Crystal Hall”da keçiriləcək. Olimpia- da günlərində paytaxtımızda həm də FİDE konqresinin növbəti iclası olacaq.
Qitə birinciliyinin finalında qarşılaşan Portuqaliya və İspaniya milliləri arasında dueldə Portuqali- ya daha güclü olub. Azarkeşlər oyundan əvvəl möhtəşəm bağlanış şousunun şahi- di olublar. “8-ci Kilometr” qəsəbə stadi- onunda oynanılan final görüşünü çexiyalı hakim Petr Ardeleanu idarə edib. Portuqaliya millisinin start heyətində Dioqo Koşta, Dioqo Dalo, Dioqo Keyroş, Ruben Vi- naqre, Gedson Fernandeş, Joau Filipe, Jose Qomes, Kina, Mezake Dju, Dioqu Leyte və Florentino meydana çıxıblar. İspaniya yığmasının heyətində isə meydana Penya, Robles, Qar- siya, Brandariz, Sabarte, Buskets, Emboula, Morlanes, Ruis, Dias, Subias çıxıblar. İlk hissədə hücumda daha inamlı oynayan portuqaliyalılar 27-ci dəqiqədə hesabı açıblar. Di- oqo Dalot topu qapının uzaq kün- cünə göndərib. İspaniya yığması beş dəqiqə sonra hesabı bərabər- ləşdirib. Oyunun 32-ci dəqiqəsin- də Dias başı ilə bərabərlik qolunu vurub. İkinci hissə də qarşılıqlı hü- cumlar şəraitində keçib. Komanda- ların fərqlənməyə bir neçə imkanı olsa da, görüşün əsas vaxtı heç- heçə başa çatıb. Qalibi müəyyən- ləşdirmək üçün on bir metrlik zər- bələr vurulub. Penalti zərbələrini dəqiq yerinə yetirən Portuqaliya millisi tarixində ikinci dəfə Avropa çempionu adını qazanıb. Mükafatları qaliblərə UEFA rəsmiləri ilə yanaşı AFFA prezi- denti Rövnəq Abdullayev, Gənclər və İdman naziri Azad Rəhimov və digər rəsmi şəxslər təqdim ediblər. Xatırladaq ki, Portuqaliya mil- lisi finaladək qapısından bir top belə buraxmayıb. Bu yığmanın qapıçısı Dioqu Koşta 624 dəqiqə “çərçivəni” toxunulmaz saxlayıb. Hücumçu Joze Qomes isə yeddi topla turnirin ən yaxşı bombardiri olub. Helio Souzanın baş məşqçi- si olduğu Portuqaliya komandası “A” qrupunun açılış oyununda Azərbaycan yığmasına 5:0, Şotlan- diyaya 2:0 hesabı ilə qalib gələrək, ardından Belçika ilə heç-heçə edib - 0:0. Portuqaliya millisi finaladək qapısından bir top belə buraxma- yıb.
Turnirdə “D” qrupunda mü- barizə aparan İspaniya isə Hol- landiyanı 2:0, İtaliyanı 4:2 hesa- bı ilə məğlub edərək, Serbiya ilə bərabərliyə qalıb - 1:1. Nəticədə, komanda 7 xalla qrup lideri kimi mərhələ adlayıb. Dörddəbir finalda Portuqa- liya Avstriyaya 5:0, İspaniya İn- giltərəyə 1:0 hesabı ilə qalib gəlib. Yarımfinalda Portuqaliya Hollan- diyanı 2:0, İspaniya isə Almaniya- nı 2:1 hesabı ilə məğlub edib. Nəticədə, Portuqaliya və İspa- niyanın U-17 milliləri bu gün ta- rixlərində ikinci dəfə finalda üz-üzə gəliblər. 2003-cü ildə keçirilmiş həlledici qarşılaşmada Portuqaliya qələbə qazanmışdı - 2:1. Lakin hə- min çempionat qalib komandanın vətənində təşkil olunmuşdu. Portuqaliya Avropa çempiona- tının final mərhələsində 2002-ci ildən çıxış edir və bu müddətdə qı- zılla yanaşı, bürünc medalı (2004- cü il) da hesabına yazıb. Altıncı dəfə final oynayan İspaniya isə ikiqat Avropa çempionu (2007, 2008-ci il) və bir dəfə bürünc mü- kafatçı (2006-cı il) olub. Bakının ev sahiBliYi etdiYi “uefa u-17” avroPa ÇemPionatında PortuqaliYa millisi Birincilik qaZanıB Yüklə 21,68 Mb. Dostları ilə paylaş:
|