insan faktoru təşkil edir
. Təsərrüfatçılığın hər bir
səviyyəsində mürəkkəb idarə etmək sistemini yaradan və rəhbərlik edən insandır.
Ona görə də, obyektin səmərəli idarəolunması – bu istedadır və hər bir şəraitdə
menecerin
məharətini idarə edir. Çox hallarda xarici ədəbiyyatlardakı
mübahisələrdə idaprəetmənin istedad və ya dəqiq elm olması ilə əlaqədar fikirlərdə
istedad qalib gəlir. Lakin bəzi alimlərin qeyd etdiyi kimi, istedad özü sonrakı
elementləri birləşdirir; məqsədin əsaslandırılması; bilik – menecerin yüksək
səviyyədə savadı olmalıdır. Müasir dövrdə kompüter sistemi, başqa müasir texnika
və s. olması qəbul ediləcək qərarların nəticəsini əsaslandırmaq və ehtimal etmək
olar. Lakin bu zaman idarəetməni bacaran istedad kimi qalacaqdır.
Qeyd etmək lazımdır ki,
bazar iqtisadiyyatında risk və rəqabət mövcuddur,
müəyyən məqsədə çatmaq yolunda küllü miqdarda maneələr var, ona görə də,
çətinlikləri dəf etmək üçün mütləq optimal qərar qəbul olunmalıdır ki, bu özü də
yüksək bacarıq və istedad tələb edir.
Təcrübədə müəssisənin maliyyə fəaliyyətinin əsas məqsədinə aşağıdakılar
daxil edilir:
1. Fəaliyyətin müsbət maliyyə nəticələrinin alınması;
2. Gəlir və daxil olmaların həcminin artırılması;
3. Mənfəətin həcminin artırılması (maksimuma çatdırılması);
4. Müəssisənin əmlakının dəyərinin artırılması;
5. Təsərrüfat subyektinin maliyyə sabitliyinin təmin edilməsi;
6. Təsərrüfatın rentabelliyinin yüksəldilməsi;
7. Cari aktivlərdən istifadənin səmərəliliyinin yüksəldilməsi və sair.
68
Müəssisə
və
təşkilatlarda
maliyyənin
idarəolunmasında
maliyyə
menecmentinin metod, forma, vasitə, alət və s. istifadə edilir.
Müəssisənin əsas məqsədinə çatmaq üçün həyata keçirilən bu və ya digər
əməliyyatlarda risk mövcuddur:
Risk maliyyə menecmentinin ən mühüm alətlərindən biridir.
Risk
müəssisənin təsərrüfat fəaliyyətinin bütün sferalarında meydana çıxa bilər.
Maksimum mənfəət almaq məqsədi ilə idarəetmə fəaliyyəti ilə əlaqədar riskin
səviyyəsi də yüksəlir. Beləliklə, müəssisələrdə qəbul olunmuş qərarların həyata
keçirilməsinin əsas məqsədi –
iki kateqoriya ilə yəni, mənfəət və risklə əlaqədardır.
Lakin
risk və mənfəət müəssisədə başqa maliyyə göstəricilərindən də asılıdır ki,
həmin göstəricilərə də daxildir:
- xərclərin səviyyəsi və quruluşu;
- kapitalın səviyyəsi və quruluşu;
- pul vəsaitinin hərəkəti.
Maliyyə
menecmentinin
istehsal
proseslərinin
müvəffəqiyyətlə
tənzimlənməsində birinci dərəcəli rolu ondan ibarətdir ki, baş verən əməliyyatları,
fəaliyyəti və s. pul resursları ilə təmin etməkdir. Pul vəsaitinin hərəkəti,
səfərbərliyə alınması və istifadəsi maliyyə menecmentinin vacib obyektini təşkil
edir.
Müəssisənin maliyyə fəaliyyəti – pul daxil olmaların mənbələrinin
axtarılması, onların səfərbərliyə alınması, xərclənməsi, daha səmərəli resursların
müəyyən edilməsi və onların istifadəsi üsulları və onlardan müsbət son nəticələrin
əldə edlilməsi üçün istifadə olunması üzrə ağıllı fəaliyyət deməkdir. Maliyyə
fəaliyyətinin köməyi ilə pul resursları istehsal, texniki, iqtisadi və sosial tədbirlər
üçün istifadə olunur. Bununla maliyyə fəaliyyətinin əsas vəzifələrinə aşağıdakılar
daxildir:
- təsərrüfat subyektinin fəaliyyətini arası kəsilmədən təmin etmək;
- müsbət maliyyə nəticələrinin əldə edilməsi.
Beləliklə, müəssisənin maliyyə fəaliyyəti bilavasitə pul resurslarının hərəkəti
ilə əlaqədardır. Pul resurslarının hərəkəti müəssisədə istehsal prosesləri ilə paralel
69
baş verir. Bununla əlaqədar qəbul edilən maliyyə qərarları aşağıdakıları
tənzimləyir:
1. pul vəsaitinin hərəkətini;
2. material və əmək resurslarının formalaşması və istifadəsi qiymətləndirilir
və aktiv təsir göstərilir;
3. müsbət maliyyə nəticəsi ilə əlaqədar əməliyyatlar qiymətləndirilir.
Əvvəlki fəsillərdə qeyd edildiyi kimi, müasir dövrdə təsərrüfat subyektlərində
maliyyə menecmenti maliyyə axınlarını idarə edir. Müəssisələrdə maliyyə
axınlarının təşkili isə maliyyə bazarı, maliyyə institutları və maliyyə alətləri
vasitəsilə həyata keçirilir. Maliyyə bazarlarında investisiyalaşma və maliyyələşmə
üzrə təkliflər səfərbərliyə alınır, investorlar və alıcılar axtarılır. Bazarların aşkarlığı
isə pul axınının optimallaşmasına səbəb olur. Lakin maliyyə bazarı iştirakçılarının
məqsədlərinin səmərəli təmin edilməsində isə müxtəlif bazar alətləri iştirak edirlər.
Beləliklə, bu istiqamətdə bütün vəzifələr maliyyə bazarlarında peşəkarcasına
fəaliyyət göstərən maliyyə institutları tərəfindən həyata keçirilir.
İqtisadi
inkişaf
səviyyəsindən
asılı
olmayaraq, istənilən ölkənin
iqtisadiyyatının hərtərəfli və dinamik inkişafında həmin dövlətin bank sisteminin
əsaslı dərəcədə böyük rolu var. Azərbaycanda da bank sistemi maliyyə sisteminin
mühüm elementi sayılır. Bu gün ölkəmizdə digər sahələr kimi, maliyyə-kredit
sisteminin də təkmilləşdirilməsi başlıca prioritetlərdəndir. İslahatların keyfiyyətlə
və nəzərdə tutulan istiqamətdə həyata keçirilməsinin ən əsas prinsipləri maliyyə
sahəsində şəffaflığın, nəzarət mexanizmlərinin və bu bazarda likvidliyin təmin
edilməsidir. Bütün islahatların əsasında maliyyə sabitliyi durur və Azərbaycan
Respublikasının Prezidenti İlham Əliyevin bildirdiyi kimi, ilk olaraq bu sahədə
dünya standartlarını tətbiq etməklə maliyyə sabitliyi, bankların, maliyyə
qrumlarının likvidliyi təmin edilməlidir. Bundan sonra isə digər sahələr üzrə əsaslı
islahatlar aparılmalıdır.
1
1
R.Baxşəliyev “Azərbaycan” qəzeti. 15 dekabr 2016
.
70
Bilavasitə maliyyə institutları vasitəsilə pul axını ilə əlaqədar əməliyyatlar
həyata keçirilir. Maliyyə institutları idarələrdir və onların fəaliyyətinin əsas təyinatı
pul vəsaitinin effektiv hərəkətini təşkil etməkdir. Belə ki, maliyyə institutlarına
banklar, investisiya şirkətləri, investisiya fondları, birja və broker firmaları və s.
daxildir.
İqtisadiyyatda pul axınlarının, maliyyə resurslarının və s. səmərəli
idarəolunmasının təşkili müasir dövrdə qarşıya qoyulan ən mühüm və zəruri
tələbdir. Bu istiqamətdə dövlət tərəfindən bir sıra mühüm qərarlar, sərəncamlar
qəbul edilmiş və edilməkdədir.
Qeyd edildiyi kimi, iqtisadiyyatda, o cümlədən, müəssisələrdə, şirkətlərdə,
xoldinqlərdə pul axının təşkilaində maliyyə bazarları və onların alətləri əsas rol
oynayır.
Maliyyə bazarlarının tənzimlənməsi və onlara nəzarətin artırılması məqsədi
ilə Azərbaycan Respublikasının Prezidenti İlham Əliyev tərəfindən 28 oktyabr
2016-cı ildə imzalanmış «Kredit büroları haqqında» Azərbaycan Respublikasının
Qanunu qəbul edildi. Belə ki, yaradılacaq kredit buroları aşağıdakı istiqamətlərdə
xidmət göstərəcəklər:
- iqstisadiyyatda risklərin azalmasına;
- fiziki və hüquqi şəxslərin kredit münasibətləri ilə əlaqədar hüquqlarının
qorunmasına;
- kredit təşkilatlarının xərclərinin azalmasına;
- sair xidmətlər.
Qeyd olunan qanunun məqsədi fiziki və hüquqi şəxslərə öz maliyyə
öhdəliklərinin icrası barədə uzunmüddətli məlumat bazasının formalaşdırılması
yolu ilə maliyyə xidmətlərinə çıxış imkanlarının yaxşılaşdırılması, borc
münasibətlərində maliyyə intizamının möhkəmləndirilməsi və ölkədə maliyyə
sisteminin sabitliyinin təmin edilməsinə dəstək verilməsidir.
1
Yaradılacaq kredit büroları – məlumat bazası rolunda çıxış edəcəklər.
1
Kredit büroları haqqında Azərbaycan Respublikasının Qanunu. Respublika qəzeti. 8 dekabr 2016-cı il. Səh.3
71
Kredit bürosunun yaradılmasından məqsəd:
1. Problemli kreditlərin həcminin azaldılması;
2. Maliyyə-kredit sisteminin sabitliyinin təmin edilməsi.
3. Fiziki və hüquqi şəxslərin maliyyə xidmətlərindən istifadə etmək
imkanlarının genişləndirilməsi;
4. İqtisadiyyatda borc intizamının gözlənilməsi üzərində nəzarətin
gücləndirilməsi.
Kredit bürolarının yaradılması haqqında Qanunun əhəmiyyəti bir də, ondan
ibarətdir ki, ölkədə problemli kreditlərin həcminin və kredit faizlərinin artmasına
imkan verməyəcəkdir. Bu isə son nəticədə ölkədə verilən kreditlərin həcminin
artmasına səbəb olacaq və bankların risklərinin (kredit riski, faiz riski) azalmasına
şərait yaradacaqdır.
|