129
5. Daha rasional yeni nəsil iş orqanlarının yaranmasının
elmi nəzəriyyəsi işlənmişdir.
6. Nəzəri olaraq diskli iş orqanının kinematikası və
dinamikası kombinə olunmuş torpaq becərən aqreqatların
ümumi dartı müqavimətini əhəmiyyətli dərəcədə azaltmağa
imkan verən torpağın önyumşaldıcı və 2 pilləli yarıqaçanla
deformasiyası tədqiq olunmuşdur.
7. Şum aqreqatının kütləsinin titrəyişinə sərf olunan gücün
təyin olunma düsturunun və hərəkətin sürətinin diferensial
tənliyinin çıxarılması ilə şum aqreqatının hərəkətinin
nizamlanmasının dinamik sistemi öyrənilmişdir.
8. Kotanların və kombinə olunmuş torpaq becərən maşınların
tədqiqatının xüsusiyyətləri və metodik əsasları; çoxfaktorlu
təcrübənin planlaşdırma metodikası; aqrotexniki, istismar-
texnoloji
və
energetik
qiymətləndirmənin
aparılma
metodikası; yeni texnikanın illik iqtisadi səmərəsinin hesa-
batının metodikası və yeni maşın komplekslərinin iqtisadi
qiymətləndirmə metodikası verilmişdir.
9. Respublikanın bitkiçilik ixtisaslaşması infrastrukturunda
torpağın əsas becərilməsi üçün bölgə maşın kompleksləri
kənd
təsərrüfatı
istehsalı
üçün
təklif
olunmuş
və
işlənilmişdir:
- cərgə arasında torpağın əsas becərilməsi üçün texnoloji
maşın kompleksləri;
130
- üzümlüklərdə torpağın əsas becərilməsi üçün texnoloji
maşın kompleksləri;
- cavan və barverən bağlarda torpağın əsas becərilməsi üçün
texnoloji maşın kompleksləri;
- çay plantasiyalarının cərgələri arasında torpağın əsas
becərilməsi üçün texnoloji maşın kompleksləri.
10. Respublikanın müxtəlif bölgə torpaq-iqlim şəraitlərində
tətbiq etmək məqsədilə torpağın əsas becərilməsi üçün 22
texnologiya təklif edilmişdir; o cümlədən cərgəarası
becərilən bitkilər üçün 8 texnologiya və 11 texnoloji
maşınlar kompleksi, üzümlüklər üçün 6 texnologiya və 7
texnoloji maşınlar kompleksi, bağlar üçün 5 texnologiya və 8
texnoloji maşınlar kompleksi, çay plantasiyaları üçün 3
texnologiya və 4 texnoloji maşınlar kompleksi təklif
olunmuşdur.
131
POETİK DÜNYASINA NASİR BAXIŞI
Elçin İsgəndərin dünyaya poetik baxışı lap uşaqlıq
vaxtlarından başlanmışdı. Bəlkə hələ körpə olanda anası
Elmiranın, ən çox da nənəsi Qəmərin ona dediyi laylalar
onun uşaq dünyasının ruhuna oturur, ürəyinin şah
damarından keçərək, uşaq qəlbində izaholunmaz qəribə
hisslər oyadırdı. Bilim adamları, psixoloqlar sübut ediblər ki,
lap körpə vaxtı uşağa deyilənlər daşa yazılan yazı kimi
yaddaşına əbədi həkk olunur. İnsan gələcək həyatında nə
qazanırsa, nələrə nail olursa bunun əsas mənbəyi lap
körpəlikdən beyninə yazdıqları olur.
Qəmər nənə onu həyətdə qurduğu beşiyin içində
yırğalaya-yırğalaya şirin-şəkər bayatılar deyərdi.
Əzizim bala şirin,
Bal şirin, bala şirin?
Yüz cür nemət yığıla,
Hər şeydən bala şirin.
Bu bayatılar, laylalar ana südü kimi onun canına hopur,
ruhunun şah nöqtəsində özünə yer tutur, gələcək həyatının
işıqlı yoluna cığırlar açırdı.
Onun bədii yaradıcılığında
müxtəliflik, ayrı-ayrı
mövzulara müraciət ilk baxışdan özünü büruzə verir. Ana,
torpaq, vətən, millət, etnos, türkçülük, dünyəvi problemlər
132
onun şeir və poemalarının əsas qayəsini təşkil edir. Bir də
Qarabağ mövzusu, Şuşa həsrəti.
Xarıbülbüllər səni
yuxuda görür bəlkə?-
Bəlkə səhər şehiylə ağlayır Qarabağda
bizim güllər, çiçəklər.
Hələ qan qoxuyur, barıt qoxuyur
Qarabağdan əsən yellər, küləklər...
Oyananda Qarabağsız, Şuşasız, yuxusunda Qarabağlı,
Şuşalı olan şair elə dərdli, qəmli, kədərli nöqtələrə xal vurur
ki, insan o anda bir anlıq yazıqlaşır, fağırlaşır. Lakin bir
andan sonra o yazıqlığın, o fağırlığın yerini kükrəyən at
nallarının ayaq səsləri əvəzləyir. İnsan döyüşçüyə, qisasçıya,
intiqam alana çevrilir. Öz xəyali atına süvari olur, Qarabağa
yollanır, gavurları yurddan qovaraq, torpağın yaralarına
məlhəm qoyur.
Xarıbülbülə yazdığı şeirləri oxuyanda, xarıbülbülü
görməyən insanda da xarıbülbülü görmək təəssüratı yaranır.
Mənim özüm xarıbülbülü görməsəm də, Elçin İsgəndərin
xarıbülbül
haqqında
yazdıqlarını
oxuyandan
sonra
təsəvvürümdə xarıbülbülü görmüş kimi oluram. Sanki
xarıbülbülə öz əllərimlə sığal çəkmişəm, oxşamışam. Sonra
qarşısında günahkar kimi dayanıb, lal heykələ dönmüşəm.
Çünki hər zaman məndə elə hal olub ki, xarıbülbül ağlar
gözüylə bizləri qınayır, bizlərə vəfasız övladlar kimi baxır.
Bu vəfasız övladlar günahından çıxmaq üçün isə yalnız bir
yol qalır. O yol Qarabağa qayıtmaq, murdar düşmən
ayaqlarını bu yerlərdən kəsmək və xarıbülbülə yenidən
qovuşmaqdır.
133
Ümumən, Elçin İsgəndər yaradıcılığında vətən mövzusu
əsas qayələrdən birini təşkil edir. O, Azərbaycanı bölgələrə
bölmədən, ayırmadan bütöv halda görərək, onu öz şeirlərində
vəsf edir. Onun üçün vətən Təbrizdən başlanır. Sonu isə
görünmür. Vətən torpaqları uzandıqca-uzanır, bütöv halda
Böyük Azərbaycan xəritəsi yaranır.
Təbriz nə Varşavadır,
nə də Paris,
nənələrimizin toxuduqları
xalçalara bənzəyir Təbriz.
Bu yurdu xalça kimi süsləyir,
bəzəyir Təbriz.
Ərk yerimizdir Ərk Qalası,
Qılıncla yazılmış tariximizdir Babək Qalası...
Böyük Azərbaycan torpaqlarının zaman-zaman itirilərək
yadların əsarətinə düşməsi bir şair kimi onu incitsə də,
qələmini əlində titrətsə də, nikbinlik, inam, ağ işıq onu heç
zaman tərk etməmiş, xoş sabahların al şəfəqləri ruhuna sığal
çəkərək,
daha
böyük
inam
və
inadla
yazmağa
ruhlandırmışdır. Bu ruh onun türk qanından gəlir. O türk ki,
ən çətin məqamlarda, ağır zamanlarda belə özünü ələ almış,
məhv olmaqdan, tarixin arxivinə düşməkdən qurtularaq
yaşamağı bacarmışdır.
Türk sözsüz ki, dünyanın ən möhtəşəm etnoslarından
biridir. Təsadüfi deyildir ki, İslam dininin banisi,
bəşəriyyətin bir nömrəli zəka sahibi Həzrəti Məhəmməd türk
etnosu haqqında çox yüksək fikirlər söyləmişdir. Türklərin
bu dünyada əzəli və əbədi səltənətinin olacağını deyən
peyğəmbər bu etnosu Tanrının bəyəndiyi və sevdiyi
134
etnoslardan
biri
olduğunu
da
dilinə
gətirməkdən
çəkinməmişdir.
Baykal gölündən keçdik,
Qıpçaq çölündən keçdik.
Gavurlarla savaşdıq,
İdil çayını aşdıq.
Türkün alın yazısıdı
min illər bitməyən savaş.
Atının gözlərindən
öpdünmü ozan qardaş?...
Yer üzü türkün torpağı,
Göy üzü türkün bayrağı...
Türkün yer üzünün xilaskarı olduğunu desək, yəqin ki,
başqa xalqların nümayəndələri də bunu təsdiq edərlər. Təsdiq
etməyənlər isə qərəzli olanlar, türkün böyüklüyünü həzm edə
bilməyən şeytan xislətli adamcığazlardır. Elə bu böyüklüyün
savaşını verən döyüşçülərdəndir Elçin İsgəndər. Dünyanın
hansı nöqtəsinə gedirsə, haralarda olursa onun üçün şah
mövzu türkçülük və türkün təbliğidir. O, bu təbliğatı bir
millətçi kimi eləmir. Sadəcə olaraq, Həqiqətin harada
olduğunu insanlara başa salmağa çalışır. Onun bu təbliğatı
dünya üçün ziyanlı deyil, ancaq və ancaq onun xeyrinə, onun
gələcəyinə hesablanmış şüurlu bir addımdır.
Şairin yaradıcılığında klassik şeir ənənə formasını və
modern qərb şeir üslubunu görmək mümkündür. O, ənənəvi
şeir formasına öyrənmiş oxucunu da nəzərə alır, yeni şeir
formasına üstünlük verən müasir gəncliyi də. Bu da onu hər
iki tip oxucu qarşısında sevimli şairə çevirir. Bu həm də
şairin böyük intellekt və yüksək istedadından xəbər verir.
Belə üslubda yazan şairlər Azərbaycanda çox azdır və
Dostları ilə paylaş: |