121
Topxana meşəsinə baş vurmamış geri dönməzdi. Bu baş
vurmaq da elə-belə baş vurmaq deyildi. Gördüyünü rəssam
nəzəri ilə hafizə telindən keçirir, məqam tapan kimi oturub
gördüklərini rəsm əsərinə çevirmək üçün dəridən-qabıqdan
çıxırdı. Amma istədiyi alınmırdı. Oralarda gördüyü canlı
təbiət fırçasından çıxan rəsmdə canlı görünmürdü. Bu
cansızlıq onu sıxırdı, incidirdi, qəlbinə rahatsızlıq gətirirdi.
Hələ bəzən belə hallarda bir gizli yer tapıb ağlayırdı da.
Yalnız bundan sonra özünə gəlirdi. Və bir də təkrar-təkrar o
yerlərin rəsmini çəkir, yenə də alınmayanda özünü qınayırdı.
Qınayırdı ki, bəlkə o gözəllikləri yaddaşına yazmağa gücü
çatmır? Ya bəlkə... Elə bu inamında da inadlı qalırdı. Yəni
bu yerlərin rəsmini canlı çəkmək mümkün deyildi. Tanrı bu
yerləri elə möcüzəhal yaratmışdı ki, heç Elçin yox, yüz dahi
rəssam belə bu yerlərin canlı rəsmini çəkib, yarada bilməzdi.
Təkcə bundan təskinlik tapırdı. Lakin o yerlərin xəyalı
da bir an belə yadından çıxmırdı. Elə bu şirin rahatsızlığın
diktəsi ilə atasına yanaşmış, ona arzusunu bildirmişdi.
-Ata, mənə bir fotoaparat al.
-Fotoaparatı neynirsən, bala?
-Cıdır düzünün, İsa bulağının, Topxana meşəsinin... bir
də... Xarıbülbülün şəklini çəkəcəyəm.
Atası dərinə getməmişdi. Elçinin inadını bilirdi axı. Onu
da bilirdi ki, bu şəkil çəkmək elə-belə məşğuliyyət ola
bilməzdi. Burada nə isə yenə də Elçinin gizli bir fantaziyası
dayanırdı. Axı bu uşaq hər bir işdə bir fantaziya, bir macəra
axtarırdı. Ona görə də Elçinin istəyinin üstünə getməmişdi.
Amma onun qarşısına bir şərt qoymuşdu. Demişdi ki, rübün
axırında bütün qiymətlərin beş olsa, sənə fotoaparat
alacağam.
122
Onda Elçin dodaqaltı gülümsəmişdi. Ona indidən bəlli
idi ki, rübün sonunda bütün qiymətləri beş olacaq. Və bu o
demək idi ki, atası ona fotoaparat almağa razılıq verirdi.
Vədə yetişəndə atası Elçinə o dövr üçün dəbdə olan bir
“FED” markalı fotoaparat aldı. O gündən gözünə dəyən hər
nə gözəllik var idisə, fotoaparatının yaddaşına həkk elədi,
Elçin.
Cıdır düzünün, İsa bulağının, Topxana meşəsinin,
Xarıbülbülün şəkillərini azı yüz dəfə çəkmişdi: hər profildən,
uzaqdan, yaxından, yandan, böyürdən... Çəkdiklərini
çıxarmışdı. Baxmışdı. Dönə-dönə, usanmadan, yorulmadan...
Bu şəkillərdən xoşuna gələni də olmuşdu, gəlməyəni də.
Amma hər necə olursa-olsun, fikri-zikri yenə də fırçanın,
kətanın yanında qalırdı. O, rəssamlara qibtə eləyirdi. Onları
dünyanın bəxtəvər bəndələri hesab edirdi. Çox vaxt oturub
rəssamlar, onların yaratdığı əsərlər haqqında düşünür,
düşünürdü... Və sözün, deyimin, kəlamın rəsmini çəkməyə
səy göstərirdi.
Pəncərəyə qaranlıq çökürdü,
pəncərədən boylanan Ay
sanki sənin xiffətini çəkirdi.
Bu sənsizliyin rəsmi idi, sözün qüdrəti ilə çəkmişdi Elçin
İsgəndər.
Məşhur rəssamların həyatından o qədər oxumuşdu ki,
sanki onların çoxunu yaxından tanıyırdı. Yüz il, iki yüz il
bundan əvvəl yaşasalar belə, onları həmyaşıdı, öz dövrünün
adamı sayırdı. Xəyalən onlarla danışır, emalatxanalarına
daxil olur, onların iş prosesini izləyir, rəssam dünyasının
cazibəsinə, sehrinə dalaraq öz indiki aləminə qayıdırdı.
Dünyanın tanınmış rəssamları haqqında bir neçə poema
yazmışdı. Van Qoq, Salvador Dali, neçə-neçə dahi rəssamlar,
123
bir də Səttar Bəhlulzadə haqqında... Ümumiyyətlə onun üçün
dünyanın bir nömrəli rəssamı Səttar Bəhlulzadə idi. Onun
yaratdığı əsərlərə baxanda sehrli hala düşür, o sehrdən
ayrılıb, özü olmağa bir müddət vaxt lazım olurdu. Və o
rəssamların
nurunda
yuyunandan
sonra,
bu
işıqda
yuyunmağı, paklanmağı insanlara da tövsiyyə eləyirdi.
Əgər Elçin İsgəndər alim olmasaydı, şair olmasaydı, çox
güman ki, rəssam olacaqdı. Onda görəsən Elçin İsgəndərin
fırçasından çıxan əsərlər alim qələmindən, şair ilhamından
daha çox tanıda biləcəkdimi onu? Bəlkə də... Çünki belə
isdedad sahibləri hansı sahədə olurlar olsunlar mütləq və
mütləq özlərini sübut eləməyi bacarırlar.
Bunları düşünəndə yaddaşımda qəribə mənzərələr
canlanır. Düşünürəm, görəsən Elçin İsgəndər rəssam olsaydı
Qarabağın məsum dərdini necə çəkəcəkdi? Qaçqın, köçkün
zavallılar onun fırçasından necə boylanıb baxacaqdılar?
Azərbaycanın dərdləri, türkün narahat ruhu onun kətanında
necə
əksini
tapacaqdı?
Dünyanın
müşkülləri
onun
rəsmlərində necə görünəcəkdi?
Bütün bunları etməyə, fırçanın qüdrəti ilə göstərməyə
onun gücü çatmadı. Amma sözlə, şeirlə gördüklərinin
rəsmini çəkməyi bacardı. Elə o sözün rəsmi də Elçin
İsgəndərin iç dünyasını bütün aydınlığı ilə hamıya göstərdi.
Hamı gördü onu. Tanıdı. Bir daha əmin oldular ki, Elçin
İsgəndər dünyaya baxan adamlardan deyil, dünyanı görən
insanlardandı. Və bu görmək onun qəlbinə nə qədər
nahamarlıq, narahatlıq gətirirsə, başqalarının könlünə bir o
qədər hamarlıq və rahatlıq bəxş edir.
124
ELMİ YARADICILIĞINA BİR NƏZƏR
Professor Elçin İsgəndərzadənin elmi yaradıcılığını
tədqiq edərkən şair-filosof Mübariz Məsimoğlunun onun
haqqında yazdığı “Elçin İsgəndərzadə: olduğu və göründüyü
kimi” kitabında yer almış bu fikirləri oxucularımla bölüşmək
istədim:
“Dahi Füzuli elmi bir qeylü-qal hesab edib. Dünyanı
dərk etməyin ayrı üsulları barədə danışıb. Ancaq fakt budur
ki, müasir insanı insan edən bir faktor da elmdir. Elmsiz
insan indiki dövrdə adi bir alətdən üstün deyil. Həmçinin,
obyektiv gerçəkliyi elmdən daha çox heç nə özündə ehtiva
etmir. Elmlər müxtəlifdir. Bu elmlərin bir qismini dəqiq
elmlər adlandırırıq. Dəqiq elmlərin atası riyaziyyatdır...
Elçin İsgəndərzadə bu elmin bütün sirlərinə vaqif olan
alimdir. O, ən çox yüksək sinifli maşın mexanizmlərinin
analizi və sitezi sahəsində tədqiqatlar aparıb. Yüksək sinifli
mexanizm anlayışı adı altında nələr başa düşülür? Bu
mexanizmlər bir düz xətt boyunca hərəkət etməyən, həm
fırlanan, həm yuxarı-aşağı, həm də sağa-sola hərəkət edən
mexanizmlərdir. Bu sahədə aparılan riyazi hesablamalar daha
mürəkkəb düstürlarla ifadə olunur...
Dostları ilə paylaş: |