19
minbərə çıxmaram!” İmamın yaxınları Əbu-Musaya xəbərdarlıq etsələr də, o deyilənlərə məhəl qoymadı və
minbərə qalxdı. Əbu-Musa dedi: “Ey xalq! Biz oturduq və düşündük. Belə bir nəticəyə gəldik ki, İslam
məmləkəti üçün nə Əli münasibdir, nə də Müaviyə. Buna görə də müsəlmanlar özlərinə rəhbər seçməlidir.”
Əbu-Musa bu sözləri deyib minbərdən düşdü. Həzrət Əlinin (ə) səhabələrinin çöhrəsi tutuldu. Bu nadan insan
möhkəm büdrəmişdi. Sonra Əmr As ayağa qalxıb minbərə çıxdı və dedi: “Xütbələri Əbu-Musa oxudu. Siz
eşitdiniz ki, o öz sahibini xilafətdən kənar elan etdi. Mən də qəbul edirəm ki, Əlidə xilafət ləyaqəti yoxdur.
Buna görə də əlimdəki üzüyü bu barmağımdan çıxardığım kimi Əlini xilafətdən kənarlaşdırıram. Amma
Müaviyəni xilafət üçün ən layiqli şəxs sayıram. Sağ əlimdən çıxardığım üzüyü sol əlimə taxdığım kimi
Müaviyəni xəlifə təyin edirəm.”
Bəni-Üməyyə səs-küy salıb şadlandı. Əlinin (ə) şiələri Əbu-Musanın üstünə töküldülər və onu ciddi
məzəmmət etdilər. O da Əmr Ası söydü. Əmr ona belə cavab verdi: “Sən kitab yüklənmiş eşşək kimisən.”1
İmam Əlinin (ə) şəhadəti
Əli (ə) yolunu azmış müqəddəsnümaları nəsihət etdi. Biz də öz dövrümüzdə belələrini görmüşük. Xəvaric
bir neçə Quran ayəsi oxuyurdu və alınlarında səcdə nişanəsi vardı. Onlar canlı Quran və din olan Əli ibn Əbi-
Talibə dedilər: “Sənin dinin yoxdur! Sən Quranı anlamırsan!” Bir sözlə, Xəvariclə savaş başladı. Onların bir
hissəsi öldürüldü, bir hissəsi baş götürüb qaçdı. Nəhayət, mübarək ramazan ayının 19-cu gecəsi Xəvaricdən
olan İbn-Mülcəm həzrət Əlini (ə) ibadət mehrabında şəhadətə çatdırdı.
Müsibət zikri
Məhərrəmin dördüncü gecəsidir. Kərbəla və imam Hüseynin (ə) yoldaşları mövzusu o qədər dərindir ki, on-
on iki gecə müddətində onun həqiqətini çatdırmaq olmur. İmam Hüseynin (ə) hər bir səhabəsi haqqında mütaliə
etdikdə görürük ki, onların əksəri ən üstün hədisçilər, Quran ustadları, xalis abidlər olmuşdur. Onlar təkcə yaxşı
döyüşçü deyildi.
Həzrət Əlinin (ə) səhabələrindən olan iki dost – Müslim ibn Ovsəcə və Vəhəb ibn Məzahir öncədən bilirdilər
ki, imam Hüseynin (ə) haqq uğrunda savaşında şəhid olacaqlar. Onlar illərcə qabaq bütün dostlarına bu barədə
xəbər vermişdilər. Artıq Kərbəlada idilər və fədakarlıq məqamı çatmışdı. Onlar hər ikisi yaşlı idi. Amma
əzəmətli ruhları vardı. Meydana öncə Müslim çıxdı. O şücaətlə vuruşdu, küfr qoşununun böyüklərindən
bəzilərini öldürdü, özü də zərbə alıb yerə yıxıldı.
Gözlərini açıb imam Hüseyn (ə) və Həbibi başı üstündə gördü. Həbib dedi: “Qardaş! Baxmayaraq ki, mən də
növbəti saatda sənə qovuşacağam, əgər vəsiyyətin varsa, mənə de, əməl edim.” O, gözünün yanı ilə Həbibə
baxdı və əli ilə imam Hüseyni (ə) işarə edb dedi: “Vəsiyyətim yalnız budur ki, Hüseynə (ə) yardımçı ol!” 2
Züheyr, o böyük insan keçmişdə Osmanın tərəfdarı olmuşdu. İmam Hüseyn (ə) böyük mübarizə yolunda
Züheyrlə rastlaşıb onu öz dəstəsinə dəvət etmişdi. O, imamın xeyməsindən çıxıb yoldaşlarına dedi: “Xeymələri
Hüseynin (ə) xeymələrinin arxasında qurun.” Züheyr sonra zövcəsinə üz tutub dedi: “Get və Hüseynin (ə)
ailəsinə qoşul. Mən artıq Hüseynçi oldum.”3 Aşura gecəsi qoşun başçılarından bəziləri deyirdilər: “Züheyr!
Biz səni Əli və Hüseyn şiəsi kimi tanımırıq. Məgər sən Osmanın tərəfdarı deyilsən?” Züheyr dedi: “Bəli, mən
fəxr edirəm ki, bu ailənin və Hüseynin şiəsi olum və bu yolda canımı verim.” İmam Hüseyn “azadsınız, gedə
bilərsiniz” dediyi vaxt Züheyr dedi: “Burada bir ölüm var. Ey kaş min dəfə sənin yoluna öldürülüb, tikə-tikə
doğranaydım.”4 O, aşura günü döyüşdə ətrafındakılara deyirdi: “Namaz qıldığınız vaxt sizi qoruyacağam.” O
Səid ibn Abdullah Hənəfi ilə birlikdə imamın qarşısında dayandı, imam namaz qıldı. Səid ibn Abdullah Hənəfi
1
“Əl-imamət vəl-siyasət”, c. 1, s. 118
2
“Məqtəli-müqərrəm”, s. 241
3
“Bihar”, c. 4, s. 371,372
4
“Məqtəlul-Hüseyn”, s. 214
20
həmin böyük insandır ki, İmam Zaman (ə) onun haqqında buyurur: “Sən ilahi kəramət əldə etdin. Allahdan
istəyirəm ki, bizi də sizə qovuşdursun.” Bu iki vəfalı yoldaş sinələri ilə oxların qarşısını alıb, imamı qoruyurdu.
Bəziləri yazır: “Namaz başa çatdıqda Səid ibn Abdullahın bədənində 70 ox vardı.” Yazırlar ki, imam Hüseyn
(ə) ona yetişdikdə hələ yarıcan idi. İmama belə dedi: “Mən öz əhdimə vəfa etdimmi?”1 Belə vəfalı yoldaşlarını
itirib, onların cəsədlərinin tikə-tikə doğrandığını görən kəs, şübhəsiz ki, onlara xitab edər. İmam son saatda öz
yoldaşları ilə belə vidalaşdı: “Ey haqpərəstlik cəngəlinin şirləri, ey cihad aləminin canından keçənləri, nə üçün
mənim çağırışıma cavab vermirsiniz? Oyanın bu yuxudan və Allah rəsulunun hörmətini müdafiə edin.”2
Beşinci məclis
Haqq və batil cəbhələrinin üslubları arasındakı fərq
Bir nöqtəni nəzərdən qaçırmamalıyıq ki, batil əhli haqpərəstlər kimi əməl etmək istəsə, bir an olsun davam
gətirə bilməz. Allah-təala Quranda buyurur: “Haqq gəldi, batil məhv oldu. Batil məhv olasıdır.”3
Batil haqqın qarşısında dayanmaq gücündə deyil. Batilin yalnız bir cilvəsi var.4
Haqqın qiyamı ədalət, iman, təqva və kəramətə əsaslanır. Batilin isə bu qəbildən heç bir məqsədi yoxdur.
Haqqın hərəkəti kamal və fəzilətə doğrudursa, batilin hərəkəti isə alçaqlıq, heyvanlıq və şeytənətə doğrudur.
Əgər Müaviyə öz proqramlarını Əlinin (ə) üslubunda tənzimləsəydi, bir gün davam gətirə bilməzdi. Əgər
bəziləri həzrət Əlini qoyub Müaviyəyə yaxınlaşırdısa, bunun səbəbi sırf ədalət əsasında rəftar etməsi idi.
Müaviyə üçün isə ədalət adlı bir süzgəc yox idi. Əgər Əli beytül-maldan bircə dirhəmi israf etmirdisə, Müaviyə
bütün beytül-malı nəfs istəkləri yolunda xərcləməkdən çəkinmirdi. Həzrət Əlinin (ə) ədalətinə qardaşı Əqil də
dözmədi və Müaviyənin hiyləsinə sığındı. O, Müaviyəyə tikanlı və kobud sözlər dedi. Müaviyə onun sözlərinə
gülüb bir kisə pul verdi və “Əqil bizi şad etdin” dedi.5
Müaviyənin həyat tarixçəsini araşdırdıqda görürük ki, onun proqramları nəfs istəkləri üzərində qurulub.
Amma məsum imamlar ilahi hökmləri aydınlaşdırıb həyata keçirirdilər. Onların yeganə istəyi Quran
qanunlarının icrası idi. Müaviyələr üçün əsas məsələ hakimiyyətdir. Haqpərəstlər isə heç vaxt belə bir məqsəd
izləməmişlər. Rəyasət və qüdrət onları maraqlandırmır. Müaviyə və onun tərəfdarları hiylə və yalan üzərində
qurulmuş taktikaları ilə zahirdə də olsa Əli ibn Əbi-Talibi aciz qoydular. Məgər Əli (ə) Müaviyədən aciz idimi?
Heç vaxt! Həzrət Əli (ə) Müaviyəni dəvət edib buyurdu: “Əsas məsələ mənəm və sənsən. Xalq isə müsəlmandır
və namaz qılır. Müşkül hansımızın hakimiyyətə layiqli olmasının aydınlaşmasındadır. Çıx meydana, söz və
qılıncla vuruşaq və kimin zəif olduğunu görək.” Əmr As Müaviyəyə dedi: “Əli (ə) səninlə ədalətli davranır.”
Müaviyə dedi: “Ey Əmr! Sən çox xəyanətkarsan və məni ölümə vermək istəyirsən. Mən Əli (ə) ilə meydana
çıxsam, bu meydandan salamat qurtara bilərəmmi?! Əli ilə döyüşdən sağ çıxan olubmu?!”6
Bəs nə üçün həzrət Əli (ə) belə bir vəziyyətə düşdü? Həzrət 18 ay məəttəl qaldı və bir iş görə bilmədi.
Həmin müddət ərzində Məkkə və Mədinənin qəbilə və qoşun başçıları Əlinin (ə) şücaətli də olsa hərbi biliyə
malik olmadığını iddia etdi. Həzrət Əli (ə) xütbədə onlara belə cavab verir: “Allah onların atasını bağışlasın.
Onlar nə danışır? Mən cavan olduğum vaxt ən üstün cəngavər idim. İndi isə yaşım 60-ı ötüb! Həmin vaxt həzrət
Əli (ə) bəşər tarixinə həmişəlik bir elan bəyan etdi: “Xalqın itaət etmədiyi rəhbər rəy qazanıb iş görə bilməz.”7
Məzlum imam!
1
“Məqtəli-müqərrəm”, s. 246
2
“Kəlamatul-imamul-Huseyn”, s. 442
3
“İsra”, 81
4
“Ğurərul-hikəm”, h. 1024
5
“Bihar”, c. 34, s. 292
6
“Vəqəti-Siffeyn”, s. 274, 275
7
“Nəhcül-bəlağə”, x. 27