S. X. Babadjanova, X. M. Bobojonova Dorivor o‘simliklar florasi va sistematikasi

Sistematikasi:
 
Bo‘lim.
Magnoliyatoifa (gulli, yopiq urug‘li) o‘simliklar (Magnoliophyta yoki Angyospermae) 
- Магнолиевые или Цветковые, или Покрытосеменные 
Ajdod (sinf).
Magnoliyasimonlar (ikki urug‘pallalilar) (Magnoliopsida yoki Dicotyledones) 
-
Магнолиевые или Двудольные 
Ajdodcha (sinfcha)- 
Ayiqtovonkabilar (Ranunculidae)
-
Лютиковые 
Qabila. 
Ayiqtovonnamolar (Ranunculales) 
-
Лютиковые 
Oila. 
Ayiqtovondoshlar (Ranunculaceae Juss.) 
-
Лютиковые
Turkum. 
Ayiqtovon (Ranunculus L.) 
-
Лютик 
Tur. 
Yumshoq tikanli ayiqtovon 
-
Ranunculus muricatus L.
11
. 
Bir yillik o‘simlik. Poyasi tuksiz yoki uzun tuklar bilan qoplangan, 10 25 sm. Ildiz 
oldi barglari uzun bandli, buyraksimon yoki yumaloq, uchta bo‘lakka bo‘lingan. 
Bo‘laklari keng, yirik tishli yoki 2-3 marta qirqilgan, birlamchi segmentlari bandli, 
parraksimon tishchali. Poyadagi barglarning asosi ponasimon, ko‘p marotaba uch 
bo‘lakka bo‘lingan, kam hollarda butun plastinkali, bandli yoki bandsiz. Guldor 
poyasi juda ko‘p, ingichka. Guli 1-1,5 sm enlilikda. Kosachabarglari tuklar bilan 
qoplangan. Tojbarglari cho‘ziq teskari tuxumsimon, 5-8 mm uzunlikda, 
kosachabargidan biroz uzunroq. Gulo‘rni ingichka siyrak tukli. Mevasi yulduzsimon, 
yassi, 7-8 mm. uzunlikda, tuxumsimon, biroz kengaygan chetlari qo‘sh hoshiyali, 
yonlari tikanli o‘simtalar bilan qoplangan. Tumshuqchasi qilichsimon, asosi 
yo‘g‘onlashgan, tekis yoki biroz egilgan, mevaning butun uzunligining deyarli 
yarmiga teng. Aprel – may oylarida gullab, mevasi etiladi. Daryo o‘zanlari, ariq 
bo‘ylari, yo‘l yoqalari, o‘rmonlar, o‘tloqlar, butazorlar, bog‘lar, ekin maydonlarida 
begona o‘t sifatida o‘sadi. Qashqadaryo, Surxondaryo va Samarqand viloyatlarida 
uchraydi. Umumiy tarqalishi: O‘rta Osiyo, Qrim, Kavkaz O‘rta yer dengizi atrofi, 
11
O‘. P. Pratov, M. M. Nabiyev O‘zbekiston yuksak o‘simliklarining zamonaviy tizimi., „
O'qituvchi” nashriyot- 
matbaa ijodiy uyi Toshkent 
- 2007

---

30 
Janubiy va G‘arbiy Yevropa, Eron. SHimoliy Amerika va Avstraliyaga olib borilgan. 
Kimyoviy tarkibi: γ-laktonlar: 0,3% ranunkulin. Mevasida 17,7% yog‘-moy mavjud .