http://www.amu.edu.az
28 fevral 2015-ci il
6
u Fevralın 20-də ATU-nun ictimai fənlər
kafedrasında mərhum alim-filosof, profes-
sor Qurban Bayramovun anadan olmasının
80 illiyinə həsr olunmuş elmi konfrans keçi-
rildi. Konfransı giriş sözü ilə açan universi-
tetin tədris işləri üzrə prorektoru, professor
Sabir Əliyev Qurban müəllimin xatirəsini
həmişə əziz tutan insanları salamlayaraq
qeyd etdi ki, ölkəmizdə ulu öndərin qoydu-
ğu gözəl bir ənənə var. Həmişə xalqımız,
millətimiz, elmimiz, təhsilimiz, səhiyyəmiz
qarşısında böyük xidmətləri olan insanların
xatirəsi anılır, yubileyləri keçirilir. Bu ənənə
universitetimizdə də daim qorunur. Hörmətli
rektorumuz universitetimizdə böyük nüfuz qa-
zanmış müəllim və professorlarımızın yubiley
mərasimlərinin keçirilməsinə xüsusi diqqət
yetirir.
Bu gün 80 illik yubileyinə toplaşdı-
ğımız Qurban Bayramovun da məhz
belə şəxslərdən biri olduğunu, sadəliyi,
insanpərvərliyi, tələbələrə, bütövlükdə in-
sanlara olan sevgisi ilə seçildiyini deyən
prorektor işıqlı xatirələrini də tədbir iştirak-
çıları ilə bölüşdü: “Təsadüf elə gətirdi ki,
1963-1964-cü tədris ilində Qurban müəllim
Tibb İnstitutunda ilk dəfə bizim qrupa gəldi.
Cavan, nurlu bir adam girdi auditoriyaya.
Dərsə başlayan kimi gördük ki, qeyri-adi
bir müəllimdir. Tələbələrə münasibəti də
indiyədək bizə dərs keçən müəllimlərin ço-
xundan fərqlənirdi. Sinif nümayəndəsi oldu-
ğum 62-ci qrup isə bir qədər narahat qrup
sayılırdı. Çox vaxt özünü təkəbbürlü apa-
ran müəllimləri qəbul eləmirdik. Amma 3-4
dərsdən sonra Qurban müəllimə o qədər
böyük sevgi, məhəbbət yarandı ki, hətta
başqa qrupların tələbələri də onlara Qurban
müəllimin dərs deməsini istəyirdilər. Get-
gedə bu nüfuz, bu hörmət ictimailəşdi.
Həm də öyrəndim ki, Qurban müəllim
Göyçə mahalındandır. Tanışlığımız və xoş
münasibətlərimiz həmin dövrdən başladı.
Tərəddüdsüz deyə bilərəm ki, həmin tarixi
dövrü Azərbaycan Tibb Universitetinin inti-
bah dövrü də adlandırmaq olar. Düşünürəm
ki, fikrimi əsaslandırmaq üçün Mustafa bəy
və İbrahim bəy Topçubaşovlar, Cahan-
gir Abdullayev, Cəlil Hüseynov, Zülfüqar
Məmmədov, Əhəd Həsənov, Kamil Balakişi-
yev, Faiq bəy və Emin bəy Əfəndiyevlər, Adil
Nəcəfov kimi akademik və professorların
adlarını çəkmək kifayətdir”.
Belə şəxsiyyətlər arasında böyük nü-
fuz qazanmağın nə qədər çətin olduğunu
söyləyən S.Əliyev həmin elm fədailərinin
Qurban Bayramova necə sonsuz sevgi,
qayğı və diqqətlə yanaşdıqlarını da yada
saldı. Ömründə heç kəsi incitməyən, yer-
siz bir ifadə işlətməyən Qurban müəllimin
elmi fəaliyyətini və təşkilatçılıq bacarığını da
yüksək qiymətləndirən prorektor onun bö-
yük nüfuz sahibi professor Adil Nəcəfovdan
sonra fəlsəfə kafedrasına uğurla rəhbərlik
etməsini, kollektivdə mehriban bir mühit ya-
ratmasını xüsusi vurğuladı.
Böyük filosoflar Firudin Köçərli, Tofiq
Köçərli, İzzət Rüstəmov, Cəmil Əhmədli
və digər tanınmış alimlərimizin də Qurban
müəllim haqqında yüksək fikirdə olduq-
larını xatırladan S.Əliyev cəmi 61 il ömür
sürən dəyərli alimin onu tanıyanların yadda-
şında daim yaşayacığını dedi. Qurban Bay-
ramovu eyni zamanda gözəl ailə başçısı
kimi də xarakterizə edərək bugünkü yubiley
tədbirini onun xatirəsinə layiq ehtiram kimi
dəyərləndirdi və sözü ictimai fənlər kafed-
rasının müdiri, professor Qoşqar Əliyevə
verdi.
İnsan həyatını sonu görünməyən bir
məkana, ömrü isə bu məkanda alovlanıb
şölələnən məkandaxili əlamətə bənzədən
Q.Əliyev bildirdi ki, hər bir insan bu
məkanda öz ömrünü, Tanrının ona verdiyi
qisməti yaşayır. Özündən sonra böyük bir
irs də qoyub gedə bilər, boşluq da yarada
bilər. O insan xoşbəxtdir ki, özündən sonra
bir iz qoyur. Belə insanlardan biri də bu gün
böyük hörmətlə xatirə yubileyini keçirdiyimiz
Qurban Balı oğlu Bayramovdur: “Qurban
müəllim Azərbaycan Tibb Universitetində
işlədiyi müddətdə istər pedaqoji fəaliyyəti,
istər elmi fəaliyyəti, istərsə də ictimai
fəaliyyəti ilə onu tanıyanların qəlbində özü-
nün çox böyük əbədi heykəlini ucaltmış-
dır. Qurban müəllim insanlığın ən yüksək
səviyyəsində duran bir insandır desək səhv
etmərik. Qurban müəllimin rəhbərliyi altında
uzun illər Tibb Universitetində çalışdığım-
dan onun əxlaqı, mənəviyyatı, ədəb-ərkanı,
insanlarla ünsiyyəti gözümün qarşısındadır.
Yazdığı əsərlər təkcə sovet dövrü baxımın-
dan deyil, bu gün də aktuallığını itirməyən
problemlərə həsr olunmuş əsərlərdir”.
Q.Əliyev gənclərimizin bu əsərlərə müraciət
edərək insanın fəaliyyətinə, dialektikasının
açılmasına dair dəyərli məsləhətlərdən,
tövsiyələrdən bəhrələnməsinin vacibliyinə
də toxundu. Bildirdi ki, “Təvazökarlıq fağır-
lıq, yazıqlıq deyil. Təvazökarlıq vüqarlılıqdır,
ululuqdur, comərdlikdir. İnsan özünü dərk
edəndən sonra təvazökar ola bilər”-deyən
Qurban Bayramovun bütün əsərləri həm də
bir halallıq nümunəsi olduğu üçün öz tarixi
əhəmiyyətini itirmir. Qurban müəllimin elmi
fəaliyyətində 3 istiqamət əsas götürülməlidir.
Birincisi sırf elmi, fəlsəfi, ikincisi bilavasitə
insanla bağlı olan problemlərdir. Üçüncü
istiqamət isə onun xatirələridir.
Çıxışının sonunda həyatı boyu saflıq,
əməksevərlik, insansevərlik mücəssəməsi
olan, cəmiyyətimiz tərəfindən birmənalı
qəbul edilən, hamı tərəfindən sevilən Qur-
ban müəllimin əziz xatirəsinin onu sevənlərin
qəlbində daim yaşayacağını söylədi.
ATU-nun Tədris Terapevtik Klinikasının
direktoru, professor Surxay Musayev 19
ildən sonra da Qurban müəllim haqqında
keçmiş zamanda danışmağın çətin oldu-
ğunu dedi: “Burada deyildiyi kimi, əgər əcəl
macal versəydi bu gün biz o nurlu insanın,
alimin yubileyini öz sağlığında qeyd edərdik.
Amma həyatdır, hər kəsin bir ömür payı var.
Görünür, Qurban müəllimin də ömür payı bu
qədərmiş. Bu qısa ömürdə görün nələr etdi,
nələr yaratdı, kimləri yetişdirdi və özündən
sonra necə iz qoyub getdi”.
Qurban Bayramovla ilk tanışlığının qısa
tarixçəsinə nəzər salan Surxay müəllim
diqqəti onun çox sadə bir həyat sürməsinə
yönəltdi: “ O zaman I kursda oxuyurdum,
hələ fəlsəfə də keçmirdim. Tələbələrimizin
böyük əksəriyyəti kimi mən də bu ətrafda
kirayədə qalırdım. Həmişə bizimlə bərabər
çox səliqəli geyinmiş, əsil müəllim simalı bir
nəfər də instituta gəlirdi. Bir gün elə oldu ki,
tramvaydan bir düşdük. Tibb İnstitutunda
oxumağımla, işlərimin necə getməsi ilə ma-
raqlandı. Söhbət eləyə-eləyə gəldik instituta.
Bildim ki, institutun müəllimidir. Bundan son-
ra səmimi görüşməyə başladıq. Fikirləşirdim
ki, bu boyda institutun müəllimidir, maşını
olar, filan. Yəni sadə bir həyat keçirirdi. Heç
sadə həyat tərzindən çəkinmirdi də.
Sonralar müəllim-tələbə münasibətlərimiz
birgə əməkdaşlıq səviyyəsinə yüksəldi. Mən
komsomolda işləyəndə Qurban müəllim elə
bir kafedrada çalışırdı ki, partiya, komsomol
təşkilatlarının fəaliyyəti bu kafedrasız və bu
kafedrada çalışan əməkdaşlarsız mümkün
deyildi. Qurban müəllim həmişə öndə olan,
öz sözünü deyən, ləyaqətini, mənəviyyatını
gözləyən bir insan kimi fərqlənirdi. İstər
gənclərlə işlədiyim, istərsə də partiya
təşkilatına rəhbərlik etdiyim dövrdə bir
tələbənin, bir müəllimin Qurban müəllim
haqqında hansısa mənfi fikir söyləməsini
eşitmədim. Hamı onun xeyirxahlığından da-
nışırdı. Nəyəsə etirazını da qəribə bir üs-
yankarlıqla çatdırardı: “... belə olmaz axı!”.
Heç kəsə ziyanı dəyməz, kimsənin qəlbinə
toxunan bir söz deməzdi”.
Özündən sonra xeyir əməllər, layiqli övlad-
lar qoyub gedən Qurban müəllimin unudul-
maz şəxsiyyətlər cərgəsində özünəməxsus
yer tutduğunu söyləyən S.Musayev bugün-
kü xatirə yubileyinin təşkilinə görə universi-
tet rəhbərliyinə və ictimai fənlər kafedrasının
kollektivinə təşəkkürünü bildirdi.
AMEA-nın müxbir üzvü, I cərrahi
xəstəliklər kafedrasının müdiri, professor
Nuru Bayramov Qurban müəllimin həm qo-
humu, həm tələbəsi olmaqdan qürur duydu-
ğunu deyərək dünya şöhrətli qırğız yazıçısı
Çingiz Aytmatovun “yaxşı insanlar olmasa
cəmiyyət çökər” fikrini yada saldı. Əlavə etdi
ki, belə adamlar az olsa da, o qədər güclü
olurlar ki, cəmiyyətin mənəviyyatca pozul-
masının, məhv olmasının qarşısını almağı
bacarırlar. Belə insanlardan biri də bu gün
yubileyinə yığışdığımız Qurban müəllimdir.
O, bir mənəviyyat insanı, insanlıq simvo-
lu idi. Təkcə fəaliyyət göstərdiyi universitet
cameəsində yox, ailədə də, cəmiyyətdə
də, doğulduğu, boya-başa çatdığı Göyçə
mahalında da belə idi. “Xarakteri qazan-
maq asan, qoruyub saxlamaq çətindir”
deyiblər. Amma bütün
çətinliklərə
baxmaya-
raq o öz müsbət xarak-
terini heç zaman, heç
bir şəraitdə dəyişmədi.
Mövlanənin
təbirincə
desək, “həmişə görün-
düyü kimi oldu, olduğu
kimi göründü”.
N.Bayramov Qurban
müəllimin özünəməxsus
zarafatlarını da xatırla-
yaraq xəyalən ötən illərə
qayıtdı: “Mən II kursda
oxuyanda bir dəfə rast-
laşdıq.
–Nuru,
deyəsən
Əkbər
müəllimin
dərsini
pozmusan
,-
dedi.
Təbitcə dərsdə şuluq
salan deyildim. Ona
görə də duruxdum.
- Maraqlı bir sual
vermisən.
Yadıma düşdü ki,
“Tarixi materializm”
dərsindəki əhvalata
işarə vurur. Rəhmətlik
Əkbər müəllim o
zaman dosent idi.
Dərsdə ictimai-iqtisa-
di formasiyalardan,-
quldarlıq, feodalizm,
kapitalizm, sosializm
və kommunizmdən
danışdı. Dərsin axırı-
na yaxın sual verdim
ki, bunlar bir-birinin
ardınca gəlir, bəs
kominizmdən
son-
ra nə gələcəkdir?
Əvvəlcə əsəbiləşən
Əkbər müəllim son-
ra özünü ələ alaraq “Yaxşı, kominizm qu-
rulan kimi gələrsən yanıma, nə olacağını
deyəcəm” cavabını verdi. Qurban müəllimin
xoş bir təbəssümlə “yaxşı sualdır, amma
cavab ondan da yaxşıdır” deməsini sanki
dünən olubmuş kimi xatırlayıram”.
Qurban müəllimin böyüyüb-başa çat-
dığı mahalın, kəndin inkişafında əvəzsiz
xidmətlərindən də danışan N.Bayramov
xatırlatdı ki, o, yay tətilində ailəsi ilə birgə
kəndə gələr, davranışı, geyimi, insanlara
münasibəti və dərin biliyi ilə kənd camaa-
tına örnək olardı: “Nərimanlı kəndindən ilk
namizədlik və doktorluq elmi dərəcəsi alan
da Qurban Bayramov olmuşdu. Bu təsirin
nəticəsi idi ki, ötən əsrin 88-ci ilinə qədər
kiçik bir kənd olan Nərimanlıda 10-dan çox
elmlər doktoru, 30-dan çox elmlər namizədi
yetişdi və bu ənənə indi də davam edir. Öz
adımdan, Qurban müəllimi sevən, onun
şəxsiyyətinə hörmət edən bütün insanla-
rın adından ilk növbədə universitetimizin
rəhbərliyinə, ictimai fənlər kafedrasına və
gələn qonaqlara təşəkkür edirəm”.
Azərbaycan Dövlət Pedaqoji Universite-
tinin professoru, beynəlxalq icmalçı Yasin
Qaraməmmədli Qurban müəllimdən söhbət
açmağın da rahatlıq gətirdiyini söylədi:
“O qədər şirinsöhbətli, əsəb sakitləşdirən
xasiyyət sahibi idi ki, həmin auradan çıxmaq
istəmirəm və deyirəm ki, onu təkcə göyçəlilər
deyil, borçalılar da çox istəyirdilər”.
Y.Qaraməmmədli çıxışında “sanki bud-
da təliminin içindən çıxıb, bütün həyat
əzablarından çıxış yolunu səbirdə, təmkində
görən bir insan” kimi səciyyələndirdiyi filoso-
fun aforizmlərinə xüsusi yer ayırdı. Qurban
müəllimin tay-tuşlarına, sonrakı nəsillərə
ötürdüyü estafetin yerə düşməməsini, yəni
mənəvi bağların qırılmamasını arzuladı və
Azərbaycan milli təfəkkürünün inkişafında
xalq deyimlərinin, məsəllərin fəlsəfi tutu-
munu dərindən açmağa ehtiyac olduğunu
söyləyərək Qurban Bayramov şəxsiyyətinin
kafedra müəllimlərinin, onu tanıyanların
hərəkətlərində və qəlbində həmişə yaşaya-
cağına əminliyini bildirdi.
“Böyük alim Qurban Bayramovun
sadə və təvazökarlığı onun təbiətindən
irəli gəlirdi”- deyən qidalanma və kom-
munal gigiyena kafedrasının müdiri, do-
sent İbrahim Əhmədov qeyd etdi ki, o,
qədim Azərbaycanın dilbər guşəsindən,
zəhmətkeş xalqın arasından dünyanın hər
keşməkeşini görüb gələn bir insan idi. El
arasında geniş yayılan “filankəsi vəzifəyə
qoysalar bilərəm necə adamdır” deyimi-
ni yəqin ki, hamı eşidib. Qurban müəllimin
vəzifədə olduğu vaxt özünü vəzifədə olma-
dığı dövrdəkindən daha təvazökar və qay-
ğıkeş aparması yalnız böyük şəxsiyyətlərə
xas keyfiyyətdir ki, bu da hər kəsə nəsib
olmur. İlk dəfə bizə dərs deyəndə tanıdı-
ğım, ictimai işlərlə bağlı təmasda oldu-
ğum Qurban müəllimin bircə dəfə səsinin
yüksəldiyini görmədim. Onun qəlbində an-
caq saflıq, mehribanlıq, qayğıkeşlik, insani
xüsusiyyətlər və mərhəmət yuva salmışdı.
Belə insanlar isə cəmiyyətimizin yaddaşın-
da həmişə qalacaq.
Ümumi cərrahiyyə kafedrasının professoru
Azər Şadlinski elmi və pedaqoji fəaliyyətinə
yaxından bələd olduğu Qurban müəllimi
həm də mehriban bir qonşu kimi xatırladı.
1972-ci ildə onunla eyni binada, eyni blok-
da ev aldığını, demək olar ki, hər gün gö-
rüşdüyünü dedi. Bütün qonşuların Qurban
müəllimə böyük ehtiramla yanaşmasından
məmnunluqla söhbət açan A.Şadlinski bil-
dirdi ki, hələ müstəqilliyimizə qovuşmadı-
ğımız illərdə onun ictimai-siyasi proseslərə
dair fikirləri hamımıza yeni və maraqlı görü-
nürdü. İşi çətinə düşənlər, məsləhətə ehtiya-
cı olanlar da ilk növbədə Qurban müəllimə
müraciət edərdilər. Tarixi hadisələrlə bağ-
lı suallarımızı da ona ünvanlayar, aldığı-
mız cavablardan razı qalardıq. Bəlkə bu
səbəbdəndir ki, unudulmaz alimin o dövrdə
yazdığı bütün əsərlər bu günümüzlə səsləşir.
Xatirəsi ehtiramla anılan alimin oğlu
Qabil Bayramov atası haqqında deyilən
xoş sözlərdən, eşitdiyi xatirələrdən qü-
rur duyduğunu deyərək ailə üzvləri adın-
dan Azərbaycan Tibb Universitetinin
rəhbərliyinə, ictimai fənlər kafedrasının
kollektivinə və konfrans iştirakçılarına
təşəkkürünü çatdırdı.
Böyük alimin xatirəsinə həsr olunmuş konf-
ransı yekunlaşdıran S.Əliyev ictimai fənlər
kafedrasının kollektivini Adil Nəcəfovun və
Qurban Bayramovun ənənələrini qoruyub
saxlamağa çağırdı. Kafedrada çalışanların
da elə bu istəkdə olduğunu vurğulayaraq
bir daha Qurban müəllimə Allahdan rəhmət,
onun doğmalarına səbir dilədi.
Arif MƏMMƏDLİ
Qurban Bayramov-80
BÖYÜK ALİMİN XATİRƏ İŞIĞINDA