28 fevral 2015-ci il
http://www.amu.edu.az
3
u
Azərbaycan Respublikasında təhsilin inkişafı üzrə Dövlər Strategi-
yası əsasında fevralın 12-14-dək Heydər Əliyev Mərkəzində “Saba-
hın Alimləri” IV Respublika müsabiqəsi keçirilmişdir. Müsabiqə Təhsil,
Gənclər və idman nazirlikləri, Heydər Əliyev Mərkəzi, Azərbaycan Təhsil
İşçiləri Azad Həmkarlar İttifaqı Respublika Komitəsi və İntel İSEF-in
birgə təşəbbüsü ilə baş tutub.
Müsabiqənin əsas məqsədi yuxarı sinif şagirdlərində mü-
asir düşüncə tərzinin formalaşdırılması, onların idarəetmə və
tədqiqatyönlü fəaliyyətə cəlb edilməsi, o cümlədən gənçlərə elmi
təfəkkür tərzi və tədqiqatçılıq vərdişlərini aşılamaqdan ibarət ol-
muşdur.
“Sabahın Alimləri” IV Respublika müsabiqəsində 204 şagird
106 elmi layihə ilə iştirak edib. Onların 39-u fərdi, 67- si kollektiv
layihə olmuşdur. Müsabiqəyə Bakı şəhəri ilə yanaşı, bölgələrin
ümumtəhsil məktəblərinin şagirdləri də layihələr təqdim etmişlər.
Müsabiqəyə təqdim olunan layihələr münsiflər heyəti tərəfindən
səkkiz nominasiya üzrə qiymətləndirilib, nəticədə 47 layihə I, II və
III yerlərə layiq görülüb.
Bu maraqlı müsabiqəyə Azərbaycan Tibb Universitetinin alimləri
də qoşulmuşdur. Belə ki, Bakı şəhəri, Yasamal rayonunun 60 saylı
məktəbinin rəhbərliyi Azərbaycan Tibb Universitetinin rəhbərliyinə
müraciət edərək Elmi Tədqiqat Mərkəzində hazırlanmış “Dep-
resiya əleyhinə fitokompazisiya” mövzusunda elmi-tədqiqat işi-
nin müsabiqəyə hazırlanmasında köməklik istəmişlər. Bununla
əlaqədar olaraq Elmi Tədqiqat Mərkəzinin direktoru, ə.e.x., profes-
sor Qalib Qarayev öz tərəfindən farmakologiya şöbəsinin müdi-
ri, professor Ramiz Axundova təqdim olunan mövzunu şagirdlərin
iştirakı ilə araşdırmağı xahiş etmişdir.
Professor Ramiz Axundov ilk növbədə şagirdləri laboratoriya
avadanlıqları və təcrübə heyvanlarına qulluq qaydaları ilə tanış
etməklə, mövzuya aid ədəbiyyat məlumatlarının toplanılmasın-
da şagirdlərə qiymətli məsləhətlər verdi. Aparılan elmi tədqiqat
işlərinin nəticəsində “Azadepressin” fitokompazisiyanın heyvan-
larda bəzi davranış effektləri araşdırıldı. Müəyyən olundu ki, “Aza-
depressin” heyvanların ümumi əhval-ruhiyyəsini yaxşılaşdırır, dav-
ranışı fəallaşdırır və yorğunluğu aradan qaldırır.
Fevralın 14-də Heydər Əliyev Mərkəzində müsabiqənin
qaliblərinin mükafatlandırılması mərasimi olmuşdur. Aparılan
elmi tədqiqat işlərinin nəticələri “Sabahın Alimləri” IV Respublika
müsabiqəsinə təqdim olundu və üç gün müddətində davam edən
müsabiqədə Yasamal rayonunun 60 saylı məktəbinin 9-10-cu sinif
şagirdlərindən Atabəyli Məlik, Həsənova Maya və Həsənli Lalə
müsabiqədə münsiflər heyəti tərəfindən yüksək qiymətləndirilərək
2-ci yerə (gümüş medala və sertifikatlara) layiq görülüblər. Belə
müvəffəqiyyətin qazanılmasında həmin məktəbin direktorunun və
biologiya müəlliməsi Rəhimova Səfurə xanımın fəaliyyəti və xüsusi
rolu danılmazdır.
Azərbaycan Tibb Universitetinin əməkdaşları bundan sonra da
gələcəkdə bu istiqamətdə fəaliyyətlərini davam etdirən gənc
alimlərə tədqiqat işlərini aparılması üçün lazım olan şəraitin yara-
dılmasında öz köməyini əsirgəməyəcək.
Kollektiv müsabiqədə iştirak edən bütün şagirdlərə bu şərəfli
işdə uğurlar arzulayır.
Şimid QASIMOV,
ETM-in bioloji fəal maddələrin sintezi şöbəsinin baş elmi
işçisi, dosent
F
evralın 16-da ATU-
nun Tədris Cər-
rahiyyə Kli ni kasında
“Bakı-2015” Birinci Av-
ropa Oyunları Əməliyyat
Komitəsinin
(BAOƏK)
mütəxəssisləri tələbələrlə
görüşüblər.
ATU-nun Tələbə Həm karlar İttifaqı Komitəsinin
sədri Elşad Novruzovun təşəbbüsü ilə baş tutan
tədbirdə çıxış edən universitetin tədris işləri üzrə
prorektoru, professor Sabir Əliyev idman sahəsində
ölkəmizin son illərdəki uğurlarının Birinci Avropa
Oyunlarının Bakıda keçirilməsinə əsas verdiyini de-
yib.
Bu məsələnin həmişə ölkə rəhbərliyinin
nəzarətində olduğunu bildirən prorektor Birin-
ci Avropa Oyunları Təşkilat Komitəsinin sədri,
Heydər Əliyev Fondunun prezidenti, YUNESKO
VƏ İSESKO-nun xoşməramlı səfiri, millət vəkili
Mehriban xanım Əliyevanın yarışların yüksək
səviyyədə keçirilməsi üçün göstərdiyi dəstəyi xü-
susi vurğulayıb. O, yeni tikilən və bərpa olunan id-
man kompleksləri, Olimpiya şəhərciyi, KİV-lər üçün
nəzərdə tutulmuş media mərkəzinin yaradılmasın-
dan söz açaraq Birinci Avropa Oyunlarına hazırlıq
işlərinin vüsətlə davam etdiyini diqqətə çatdırıb.
Bununla əlaqədar gənclərimizlə görüşlərin təşkilini
müsbət hal kimi qiymətləndirərək qeyd edib ki, ar-
tıq Olimpiya Oyunlarına bərabər tutulan Avropa
Oyunlarının Azərbaycanda keçirilməsi ölkəmizə
göstərilən ən böyük etimaddır.
S.Əliyev bu yarşlara ev sahibliyi etmək arzusun-
da olan ölkələr arasından Azərbaycanın seçilməsini
son zamanlar idmançılarımızın istər Olimpiya oyun-
larında, istərsə də Avropa və dünya çempionatla-
rında böyük uğurlara imza atması ilə əlaqələndirib.
Ölkəmizdə belə möhtəşəm yarışlarların keçirilməsi
üçün geniş imkanların mövcudluğunu dilə gətirən
prorektor müəyyən qısqanclıqlara baxmayaraq
Birinci Avropa Oyunlarının uğurla keçəcəyinə
əminliyini ifadə edib.
“Bakı-2015” Birinci Avropa Oyunlarına həsr
edilmiş video-çarx izlənildikdən sonra Birinci Av-
ropa Oyunları Əməliyyat Komitəsinin məkanların
idarə edilməsi mütəxəssisi Nəsimi Sadıqzadə bu
mötəbər yarış barədə ətraflı məlumat verərək bildi-
rib ki, bu ilin 12-28 iyununda ümumilikdə 20 idman
növü üzrə Avropanın 50 ölkəsindən olan 5 mindən
çox idmançı sülh, ədalət, dostluq və birlik prinsipləri
əsasında yarışacaq.
Komitənin insan resusları üzrə mütəxəssisi Şir-
vani Qurbanova qurumun missiyasının ölkədə və
onun hüdudlarından kənarda yenilikçi, təsiredici və
həyəcanlı tədbir təşkil etmək, növbəti Avropa Oyun-
larının təməlini qoymaq və yüksək standartların
əsasını yaratmaq olduğunu diqqətə çatdırıb: “Viz-
yonumuz isə Bakının heyranedici mühitində yüksək
səviyyəli idman yarışlarını təntənə ilə qeyd edən
ilk Avropa Oyunlarını keçirmək və Azərbaycanı
müasir və sürətlə inkişaf edən ölkə kimi tanıtmaq-
dır. Elçilərimiz azərbaycanlı, beynəlxalq və ulduz
elçilərindən ibarətdir”.
BAOƏK-in telekommunikasiya üzrə mütəxəssisi
Elman Kərimli isə test oyunları haqqında danı-
şaraq bu oyunların ölkəmizin gənc əhalisi üçün
nəzərdə tutulduğunu söyləyib: “Dünya görsün ki,
Azərbaycanın gənc nəsli idmana maraqlı və sağlam-
lığa meyillidir. Sağlamlıq deyiləndə isə ilk növbədə
tibb yada düşür. İnsan həyatında olduğu kimi, ya-
rışlarda da həkimlərin rolu böyükdür. Çünki hər bir
bir idmançı həkimlərə güvənərək yarışa çıxır. Hər
hansı bir burxulma, əzələ dartılması, zədələnmələr
baş verərsə həkimə ehtiyac yaranır. Ona görə siz
də bu komandanın bir hissəsi olacaqsız”.
Test oyunlarının hazırlığın səviyyəsini nüma-
yiş etdirən bir faktor olduğunu deyən mütəxəssis
bildirib ki, başlıca məqsədimiz dünya ölkələrinin
diqqətini Avropa Oyunlarına yönəltməkdir. O, test
oyunlarında Tibb Universiteti tələbələrinə üstünlük
verilməsinin önəminə də toxunaraq idman yarışla-
rında bir tibb komandasının fəaliyyət göstərdiyini
xatırladıb. Yarış ərəfəsində dopinqin yoxlanılma-
sı, zədələrin aradan qaldırılması və idmançıların
oyundan qabaq nəzarətdən keçirilməsində
həkimlərin əvəzsiz rolunu yada salaraq tibb
tələbələrini Azərbaycanı dəstəkləməyə və
qələbəmiz naminə öz töhfələrini verməyə ça-
ğırıb.
Məlumat üçün bildirək ki, Avropa Oyunları
Avropadakı bütün Milli Olimpiya Komitələrindən
(MOK) olan atletlər üçün çoxsaylı idman növü
üzrə keçiriləcək yarışdır və bu yarışlar hər dörd
ildə bir dəfə baş tutacaq. Oyunlar Avropa Olim-
piya Komitələri (AOK) tərəfindən aparılır, təşkil
edilir və idarə olunur. Avropa Oyunları 2012-ci
il dekabrın 8-də İtaliyanın paytaxtı Romada ke-
çirilmiş AOK-un Baş Assambleyasında Avropadakı
MOK-ların səs çoxluğu ilə təsis edilib. Bu yığıncaq-
da Oyunları keçirmək hüququ Azərbaycanın pay-
taxtı Bakı şəhərinə verilib.
Bakıda keçiriləcək Birinci Avropa Oyunlarından
məsul olan Təşkilat Komitəsi Azərbaycan Respubli-
kası Prezidentinin Sərəncamı ilə yaradılıb. Komitəyə
Azərbaycanın birinci xanımı, Azərbaycan Respubli-
kası Milli Olimpiya Komitəsinin İcraiyyə Komitəsinin
üzvü, YUNESKO və İSESKO-nun xoşməramlı
səfiri Mehriban Əliyeva sədrlik edir. Bakı 2015 Bi-
rinci Avropa Oyunları Əməliyyat Komitəsi (BAOƏK)
Təşkilat Komitəsi sədrinin qərarı ilə yaradılıb.
BAOƏK-in baş icraçı direktoru gənclər və idman
naziri cənab Azad Rəhimov və baş əməliyyat direk-
toru cənab Saymon Kleqdir.
Həyəcanlandırıcı və innovativ yeni layihə olan
Avropa Oyunları qitədə çoxsaylı idman növü üzrə
keçirilən birinci ən böyük yarış olacaq. Avropa
Komitələrinin bütün üzvləri yarışlarda iştirak etmək
və mübarizə aparmaq üçün Azərbaycanın Xəzər
dənizinin sahilində yerləşən paytaxtı Bakı şəhərinə
dəvət olunublar. Açılış mərasimi cümə günü - 2015-
ci il iyunun 12-də, bağlanış mərasimi isə bazar günü
- 2015-ci il iyunun 28-də təntənəli surətdə qeyd olu-
nacaq.
Bakı 2015 Avropa Oyunlarının Əməliyyat Komitəsi
(BAOƏK) oyunların yüksək standartlara uyğun
şəkildə planlaşdırmaq, sınaqdan keçirmək və icra
etmək üçün bütün lazımi təcrübə və işçi qüvvəsini
təmin etmək baxımından məsuliyyət daşıyır.
Təşkilatın iş strukturu optimallaşdırılıb və görkəmli
idman yarışlarını çox qısa planlaşdırma və sınaq
müddətində həyata keçirməyə istiqamətləndirilib.
A.KAMRANOĞLU
Сərrahiyyə Klinikasında Həmkarlar İttifaqı Komitəsinin (HİK)
yerli təşkilatının yaradılması üçün təsis yığıncağı keçirilib. Yığın-
caqda HİK-in sədri Cahangir Qasımov və komitə üzvləri iştirak
edib. Yığıncaqda çıxış edən klinikanın direktoru Hacıqulu Bağırov
yerli təşkilatın vacib olması ilə bağlı iştirakçıları məlumatlandırıb.
Təşkilat səsvermə yolu ilə 11 nəfərdən ibarət formalaşıb. Sonra
isə Mirəli Məcidov sədr, Seyfulla Cəfərov isə müavin seçiliblər.
Təşkilatın işinə nəzarət etmək məqsədilə 3 nəfərdən ibarət Təftiş
Komissiyası da təşkil olunub.
Sonda H.Bağırov və C.Qasımov yerli təşkilatın işinə uğurlar arzu-
layıb.
Cərrahiyyə Klinikansının
Həmkarlar Təşkilatı təsis olundu
BİRİNCİ AVROPA OYUNLARI ƏMƏLİYYAT KOMİTƏSİNİN
MÜTƏXƏSSİSLƏRİ TƏLƏBƏLƏRLƏ GÖRÜŞÜBLƏR
Sabahın Alimləri
“Sabahın Alimlərinə” dəstək