bütün dünyanın görkəmli xadimlərindən iqtibaslar gətirib.
Maraqlı məqamlardan biri C.Nehru ilə M. Kazım bəyin
daban-dabana zidd olan fikirlərinin verilməsidir.
Kitabda maraqlı məqamlardan biri K.Marksın, F.Engelsin,
V.İ.Leninin və İ.V.Stalinin bu vaxta kimi geniş oxucu
kütləsinə məlum olmayan qüsurlu cəhətlərinin obyektiv
təhlilinin verilməsidir. Həqiqətən Sovet Hökuməti və Kom-
munist Partiyası tarixi şəxsiyyətlərin mənfi xüsusiyyətlərini
məxfi saxlayırdı.
Hitler, Stalin və ya Neron kimi adamlar hər əsrdə olur,
ancaq onların hakimiyyəti qəsb etməsinə, xalqı fəlakətə
sürükləməsinə imkan vermək lazım deyildir. Yeri gəlmişkən
qeyd etmək lazımdır ki, Stalin, Beriya və Bağırovun xalqlara
etdiyi zülm yerdə qalmamış, öz haqlı cəzalarını almışlar.
Kitabda "Gənclik, Ailə, Düşüncələr" bölməsində çox
dəyərli fikirlər öz əksini tapmışdır.
Nəsihətamiz kəlamlar gənc ailələr üçün istiqamətverici
əhəmiyyət daşıyır.
Müəllif dərin elmi araşdırmalar, nəzəri təhlillər aparmış,
böyük maraq doğuran tədqiqat əsəri hazırlamışdır.
İrşad İbrahimovun yazdığı bu əsər xırda iradları nəzərə al-
masaq, ciddi nailiyyətdir. Bu yolda ona müvəffəqiyyət arzu
edirəm.
***
Mən 2005-ci il tarixdə Məşhəd ziyarətində oldum.
Məşhəd ziyarətində olarkən İran dövləti haqqında lazım
olan bütün sənədlərlə tanış oldum və o ölkənin Möcüzələr
ölkəsi olduğu qənaətinə gəldim.
Zəkanın gücü
337
MÖCÜZƏLƏR ÖLKƏSİ
İran İslam Respublikasına səfərimin məqsədi bu ölkə ilə
tanışlıq, İslam dövlətinin nəyə qadir olduğunu gözlərimlə
görmək idi. Bu, mənim çoxdankı arzum idi. Bu ölkədə
səfərdə olmuş pedaqoji elmlər doktoru Əjdər Ağayevin bu
ölkə haqqında təəssüratları arzumun reallaşmasını artırdı.
Əjdər müəllim Respublikamızda 13 ildən artıq bir dövrdə
fəaliyyət göstərən İmam Xomeyni adına "İmdad" Cəmiyyə -
tinə, bu işlə məşğul olan Məşhədi Tahirə müraciət etməyi
məsləhət gördü.
Məşhədi Tahir kiçik cüssəli, ağ saqqallı, çevik, gülər üzlü,
mehriban bir insandır. Öz işinə məsuliyyətlə yanaşan, geniş
dünyagörüşünə malik təmkinli, savadlı insan təsiri bağışlayır.
Söhbət zamanı mən ona Azərbaycan Respublikası Elmlər
Akademiyasının müxbir üzvü Ramiz Qurbanovun salamını
yetirdim. O, bu tanışlıqdan xoşhal oldu. Təəssüf etdi ki, keçən
il üzrlü səbəbdən Ramiz müəllimin səfəri baş tutmadı. "Onun
bu səfərə getməsi mümkün deyil, səhhəti imkan vermir"
dedim.
Beləliklə, o, lazımi olan sənədləri hazırladı, tərtib etdi,
xaricə getmək üçün pasport alıb, ona təqdim etdim.
Avqustun 17-də "İmdad" Cəmiyyətinin sədri Bəhram
Kazımzadə bizi qəbul etdi. Çox mehriban, yüksək intellektə
malik olan bu şəxs səfərin əsas məqsəd və məramını açıqladı.
Növbəti görüşün vaxtını müəyyən etdi və İran İslam
Respublikasının səfiri cənab Əşrəf Süleymaninin bizi qəbul
edəcəyini söylədi.
Sahib Sailov
338
Üç gün sonra biz İran İslam Respublikasının Azər-
baycandakı səfiri Əşrəf Süleymaninin qəbulunda olduq.
Əşrəf Süleymani bu cəmiyyətin 13 ildən artıq fəaliyyət
göstərdiyini, respublikada 60 min üzvü olduğunu bildirdi.
Dedi ki, cəmiyyət respublika ictimaiyyəti içərisində böyük
nüfuza malikdir və bu işdə Ağa Bəhram Kazımzadənin əməyi
xüsusi qeyd olunmalıdır. "İmdad" Cəmiyyəti çox böyük
xeyriyyəçilik missiyasını həyata keçirir.
Səfir alimlər qrupunun göndərilməsini yüksək qiymət -
ləndirdi. O, öz çıxışında bir çox mühüm məsələlərə toxundu.
O dedi: "Dövlətlərimiz arasında iqtisadi, siyasi, mədəni
əlaqələr getdikcə artır. Ölkə prezidentlərinin səfərləri,
genişlənən iqtisadi əlaqələr iki ölkənin inkişafına xidmət edir.
Bu bir həqiqətdir ki, 1994-cü ildə ilk dəfə Heydər Əliyevin
dəvətilə, İran İslam Respublikasının prezidenti Rəfsənca ninin
ölkəmizə rəsmi səfəri və bir çox müqavilələrin bağlanması
iqtisadi əlaqələrin təməlini qoydusa, son illərdə İran İslam
Respublikasının prezidenti, islahatçı kimi tanınan Məhəm -
məd Hatəminin ölkəmizə, Azərbaycan prezidenti – İlham
Əliyevin İran İslam Respublikasına qarşılıqlı səfərləri bu
əlaqələrin genişlənməsinə yol açdı. Sədr öz çıxışında bildirdi
ki, hərbi-strateji məsələlərlə əlaqədar bağlanan müqavilələr,
hər iki ölkənin hərbi nazirlərinin qarışılıqlı səfərləri
beynəlxalq aləmdə böyük əks səda doğurmuşdur.
Cənab səfir Əşrəf Süleymani öz çıxışında mədəni
əlaqələrin, mədəniyyət, incəsənət, idman və digər sahələrin
gələcəkdə inkişaf etdirilməsinə xüsusi yer ayırdığını, bu
baxımdan kollektiv səfərlər, xüsusən də alimlərin səfəri,
Zəkanın gücü
339
onların ölkənin iqtisadi, siyasi, mədəni, ictimai həyatında baş
verən bütün sahələri öz gözləri ilə görmələri bizim üçün çox
əhəmiyyətlidir, dedi. Hər bir ölkənin xalqlarının adət-
ənənələri var. Ölkələrimizin xalqları bir çox cəhətləriylə bir-
birinə yaxındır. Odur ki, bu oxşarlıq bir-birimizi daha böyük
amallara səsləyir. İncəsənət və ədəbi əlaqələr getdikcə
genişlənir. Bu həm kollektiv, həm də fərdi xarakter daşıyır.
Xüsusilə incəsənət xadimlərinin fərdi və kollektiv səfərlərini
genişləndirməli və cəmiyyət gələcəkdə bu sahəyə daha çox
fikir verməlidir.
Cənab səfir yarı ciddi,yarı zarafatla dedi ki, gördüyünüz
çatışmayan cəhətləri də qeyd edərsiniz. Əlbəttə, hər bir
ölkənin və onun xalqlarının özünə məxsus adət-ənənələri var.
Bizim xalqların adət-ənənələri biri birinə çox oxşayır.
Xüsusilə azərbaycanlıların yaşadığı Təbriz və onun ətraf
rayonlarında xalqın yaşayış tərzi, adət-ənənələri biri-birinə
çox yaxındır.
İran dövlətinin keçmişini araşdırsaq, aşağıdakı xüsusiy -
yətlər mütləq nəzərə alınmalıdır. Bizim nümayəndə heyətinin
ayrı-ayrı üzvləri arasında dövlət haqqında olan fikirlər də
fərqli idi. Biz bir-birimizlə fikir mübadiləsi etdikdə, aydın
oldu ki, bu səfər bütün alimlərimizin fərqliliyinin səbəbinə
aydınlıq gətirəcək. Etiraf etmək lazımdır ki, İranın son
dövrdəki mütərrəqi inkişafını vaxtilə orada elmi ezamiy -
yətlərdə olan, müxtəlif sahələrdə işləyən iki nəfər alimin
yəqinliklə təsdiq etdikləri kimi etiraf etmək lazımdır.
Cəmiyyət çox düzgün olaraq, elmi əlaqələri genişləndirmək
tərəfdarıdır. Şəksiz bunun böyük əhəmiyyəti var.
Sahib Sailov
340
Dostları ilə paylaş: |