www.kitabxana.net
– Milli Virtual-Elektron Kitabxananın e-nəşri
Zərdüşt peyğəmbər
Avesta
6
Zərdüştün həyatı və ailəsi
Zərdüşti ədəbiyyatından məlumdur ki, Zərdüştün atası
Poruşasp, anası isə Duqdova olmuşdur. O, anadan gülə-gülə
doğulmuşdur. Kiçik yaşlarında qeyri-adi və heyrətləndirici
hərəkətlər etdiyinə görə sehrlə məşğul olub qeybdən xəbər
verən muğlar ona kin və qəzəb bəsləyir, onu öldürmək fikrinə
düşmüşlər, lakin buna müvəffəq olmurlar. Zərdüşt 21 yaşında
adamlardan uzaqlaşaraq guşənişin olmuş və 30 yaşında
Daitiya çayı kənarlarında peyğəmbər olduğunu elan edərək
təktanrılığa çağırmağa başlamış və təktanrılığı təbliğ etməyi
Əhura Məzda tərəfindən ona tapşırıldığını bildirmişdir. Əzəli
olan müqəddəs uğurlu düşüncə friştəsi onu Əhura Məzdanın
yanına aparmışdır. Bundan sonra turanilər və səqalar arasında
öz dinini təbliğ etmişdir. Lakin o zamankı din başçıları onun
əleyhinə çıxmış, yeni dinin yayılmasına mane olmuşdur.
Əhura Məzda tərəfindən ona tapşırılır ki, İranın şərqinə,
Gəştasbın yanına getsin. O, tapşırığı yerinə yetirir. İki il
çalışdıqdan sonra Zərdüşt Gəştasbı öz dininə gətirir. Bu işdə
Gəştasbın vəziri Camasbın böyük rolu olur. Daha sonra
Camasb Zərdüştün qızı Poruçista ilə evlənir.
İranın şərqində hökmranlıq edən Gəştasb Zərdüştün dinini
qəbul etdikdən sonra bu din İran, Hindistan və Kiçik Asiya
yayılmağa başlamışdır. Zərdüşt ömrünün axırında öz dinini
yaymaq uğrunda müharibələrdə iştirak etmiş, turani
mənbələrinə görə hunlarla müharibədə öldürülmüşdür. Hun
qoşunlarının başçısı Ərcətspə (Ərcasb) və turanlı Tisrə
Əmrvəxşə Zərdüştü qətlə yetirmişlər. Purdavud Zərdüştün
həyatı haqqında deyir:
Zərdüştün İsadan 660 il əvvəl doğulmuş, 20 yaşında guşənişin
olub, 30 yaşında peyğəmbərliyini elan etmişdir. O, Urmiyada
gölünün yaxınlığında, Savalan dağında, Musanın Tur Sinada
vəhy aldığı kimi qeybdən vəhy almışdır. Buna görə də
Savalan dağı ən qədim zamanlardan bu günədək müqəddəs
www.kitabxana.net
– Milli Virtual-Elektron Kitabxananın e-nəşri
Zərdüşt peyğəmbər
Avesta
7
sayılmış və ziyarətgah olmuşdur. Zərdüşt 40 yaşında ikən
Keygəştasbı öz dininə gətirmişdir. İsadan 585 il əvvəl 70 yaşı
olarkən Ərcasbın qoşunları hücum etdikdə Bəlxin
atəşgədəsində, ―Bundəhiş‖də qeyd edildiyi kimi Brak Rukrəş
adlı bir turanlının əli ilə öldürülmüşdür. Keygəştasb Zərdüşt
dinini qəbul etdiyi üçün Ərcasb onun əleyhinə müharibəyə
başlamışdır.
Qatalardan məlum olduğuna görə, Zərdüşt heyvandarlıqla
məşğul olan bir ailədə doğulmuşdur. Bunu 46-cı Yəsnanın 2-
ci bəndindən bilmək olar. Orada deyilir: ―Ey Məzda, mən
bilirəm ki, nə üçün uğur əldə edə bilmirəm. Çünki yoxsulam
adamlarım (yəni tərəfdaşlarım) azdır...‖ Zərdüşt İranın şərqinə
mühacirət etdikdə oğlanlarından biri (əvvəlki arvadından olan
oğlu) onunla birlikdə getmişdir. Zərdüşt 54-cü Yəsnada öz
yardımçılarından danışarkən oğlunu da onların içərisində
sayır. Lakin onun adı verilmir. Tədqiqatçıların dediklərinə
görə, pəhləvi dilində yazılmış Zərdüşti ədəbiyyatından
məlumdur ki, Zərdüşt onu ən böyük oğlu olaraq İst-Vastra
adlandırmışdır.
Oğlundan
savayı,
Zərdüştün
yaxın
adamlarından biri də onunla mühacirət etmişdir. 59-cu
Yəsnanın 19-cu bəndində bu şəxs Maidiomanghə (yaxud
Medyumah) adlanır və müasir Zərdüşti ədəbiyyatında
Medyumah kimi verilir. Pəhləvi dilində yazılmış ―Zatspərəm‖
əsərindən məlum olduğu kimi, Medyumah Zərdüştün əmisi
oğludur. Avestada deyilir ki, Zərdüşt dinini ilk qəbul edən o
olmuşdur.
10-cu əsr ərəb tarixçisi Məsudi Zərdüştün sülaləsini aşağıdakı
kimi qeyd edir:
1.
Mənuşəhr, 2. Durşirin, 3. Ərcə, 4. Hayəzm, 5. Vandəst,
6. Sbiman, 7. Hərdar, 8. Ərcədəs, 9. Batir, 10. Həxiş,
11. Həcdəsəf, 12. Ərikdəsəf, 13. Fəzrasəf, 14. Burşəsf,
15. Zəraduşt.
www.kitabxana.net
– Milli Virtual-Elektron Kitabxananın e-nəşri
Zərdüşt peyğəmbər
Avesta
8
―Bundəhiş‖ əsərində də Zərdüştün sülaləsi bu cür qeyd
edilir.
Zərdüşt Qatalarda qızı Poruçistanı ən cavan qızı
adlandırır. Bundan məlum olur ki, Zərdüştün ondan
başqa qızları da var imiş. Avestanın digər hissələrində
və pəhləvi dilində yazılmış ədəbiyyatda Zərdüştün 3
oğlu və 3 qızı göstərilir. Zərdüştün oğlanları İst-
Vastra,
Urvatat-Nara,
Hvare-Çitra
adlandırılır.
―Fərvərdin yəştin‖ 98-ci bəndində İst-Vastra, Ərvətə-
Nara və Xuvr-Çitra kimi verilir. Müasir Zərdüşti
ədəbiyyatında isə: İsdvastr, Ərəvətədnər və Xorşidçehr
kimi qeyd edilir.
―Bundəşəhir‖də yazıldığına görə muğlar Zərdüştün
böyük oğlu İst-Vastra sülaləsindəndirlər; Urvatatnara
kəndlilərin rəhbəri və Xorşidçehr döyüşçülərin başçısı
kimi tanınır. Zərdüşt dinində cəmiyyətin üç sinfə
bölünməsi fikri də buradan irəli gəlir.
―Fərvərdin yəşt‖in 139-cu bəndində Zərdüştün
qızlarının adları bu cür verilir: Freni, Triti və
Poruçista.
Zərdüşt
Yəsnalarda İranın şərqində evləndiyi
Fraşaoştranın qızı Hvaqvanın adını çəkir. Fərvərdin
yəştdə isə bu ad hvovi kimi verilir.