www.kitabxana.net
– Milli Virtual-Elektron Kitabxananın e-nəşri
Zərdüşt peyğəmbər
Avesta
21
müxtəlif dövrlərdə olmuş səyyahlar və alimlər — alman
səyyahı E.Kempfer(1683), fransız səyyahı, yezuit Villot (1689),
alman həkimi İ.Y.Lerx (1732-35), ingilis səyyahı C.Hanvey (1740-
47), rus səyyahları — akademikS.Q.Qmelin (1770)
və S.Bronevski (1803) məlumat vermişlər. Hanveyin və Qmelinin
məlumatlarına əsasən hələ 18-ci əsrdə Suraxanıda daşdan tikilmiş
bir neçə qədim od məbədi mövcud idi, lakin zərdüştilər yalnız
birindən istifadə edirdilər. Suraxanıdakı qədim od məbədləri bizim
günlərədək qorunub saxlanmamışdır: Hanvey orada mövcud olan
məbədlər haqqında xəbər verdiyi halda, Qmelin ―yalnız bəzi
yerlərdə ilkin tikililərin dağıdıldığını‖ göstərir, Bronevski isə
məbədlərdən ―yalnız dağıntılar qaldığını‖ bildirir. Pars
alimi C.C.Modinin fikrinə görə, Suraxanıdakı Atəşgah məbədi daha
qədim məbədin yerində tikilmişdir. O qeyd edir ki, ―...bizim
kitablarımızda Xəzər dənizinin qərb sahilində yerləşən
Azərbaycanda bir neçə atəşpərəst məbədinin mövcudluğu haqqında
yazılıb‖. Mənbələrdə Suraxanıdakı odlara gəbrlərin, eləcə də
hindlilərin (parslar) sitayiş etdiyi göstərilir (―gəbrlər‖ məfhumunun
yerli zərdüştiləri nəzərdə tutduğunu söyləmək olar). Lakin 18-ci
əsrin sonu — 19-cu əsrin birinci yarısına aid məlumatlarda gəbrlər
haqqında, demək olar ki, heç bir xatırlama yoxdur. Atəşgahda
yalnız ziyarətçi parsların olduğu göstərilir. Beləliklə, hələ 17-18-ci
əsrlərdə Suraxanıda qədim od məbədləri mövcud olmuş, orada yerli
zərdüştilər — gəbrlər ibadət etmiş, 19-cu əsrin əvvəllərindən isə
onları parslar əvəz etmişlər.
www.kitabxana.net
– Milli Virtual-Elektron Kitabxananın e-nəşri
Zərdüşt peyğəmbər
Avesta
22
Məhsuldarlıq və astral ayinlərlə bağlı Avesta simvolik obrazları
sistemi özünün parlaq ifadəsini Azərbaycan dekorativ-tətbiqi
sənətində tapmışdır. Əsrlər boyu Avesta kosmologiyasının obrazları
— ağac ətrafında heyvanlar, caynağında otyeyən heyvan tutmuş
quş, zebuya hücum edən şir, mifık Simurq quşu, ―dünya ağacı‖ və s.
Azərbaycan xalça ornamentalistikasının formayaradan motivləri
olmuşdur. Bu günə kimi gəlib çatmış Avesta simvollarının
zənginliyini gözəl Azərbaycan xalçaları əyani nümayiş etdirir və
təsdiqləyir. Bu xalçalarda xalqın ənənəvi dünya baxışında, dayanıqlı
bitəəlşüur assosiasiyalarında təsbit olunmuş və uzaq keçmişin
müqəddəsləşdirdiyi simvollar əksini tapmışdır.
Müəlliflər:Aflq Sultanov, Rauf Məlikov
Azərbaycan Milli Ensiklopediyası
www.kitabxana.net
– Milli Virtual-Elektron Kitabxananın e-nəşri
Zərdüşt peyğəmbər
Avesta
23
Qatalar
Yəsna, 28-ci Hat, “Əhnəvəydqat”
1.
Ey Məzda, əllərimi duaya qaldıraraq birinci, varlıq
nemətini almış bütün yaranmışlar üçün Sipəntəməinudan
(müqəddəs ağıldan) rifah istəyirəm. Həm də, ey
Ordibehişt, Bəhməni və Keuşurvəni sevindirəcəyimi
(istəyirəm).
2.
Ey Məzda Əhura, uğurlu düşüncə ilə üzümü sizə çevirib
(istəyirəm) Ordibehişt vasitəsilə maddi və mənəvi
dünyanın abadlığını mənə bağışlayasınız ki, dindarların
həyatında genişlik yaransın.
3.
Ey Ordibehişt, eləcə də Bəhmən, Məzda Əhura və o
şəxslər ki, Sipəndarmuz əbədi ölkəni onlar üçün
www.kitabxana.net
– Milli Virtual-Elektron Kitabxananın e-nəşri
Zərdüşt peyğəmbər
Avesta
24
çiçəkləndirmişdir, mən (sizin yardıma) çağıranda mənim
yardımıma gəlin.
4.
Mən dərk etmişəm ki, ruhu uğurlu düşüncə və davranışla
qorumalıyam. Çünki Məzda Əhuranın əməllərə mükafat
verəcəyindən də agaham. Nə qədər gücüm, bacarığım var
(insanları) öyrədəcəyəm ki, doğru din ardınca getsinlər.
5.
Ey doğruluq (friştəsi), bilikli bir şəxs kimi səni və uğurlu
düşüncəni, davranışı, eləcə də Əhuranın ən qüdrətli
sarayını və onun izi ilə gedənləri nə vaxt görəcəyim?
Ziyankarları da bu yüksək sözlərimlə, dilimlə nə vaxt
yola gətirəcəyim?
6.
Uğurlu düşüncə, davranışla öz düzgün sözlərindən
Zərdüştə əbədi doğruluq bağışla, ey Məzda, bizə güclü
himayəni göstər, ey Əhura, biz düşmənlə mübarizədə
qələbə çalaq.
7.
Ey Ordubehişt, sən ey Sipəndarmuz, Gəstaspa (vəd
etdiyin) o mükafatı-uğurlu düşüncəni, davranışı, onun
diləyini ver, ey Məzda, ey padişah, mənə o qüvvəni (
şəraiti) ver ki, sizin peyğəmbəriniz sitayiş üçün nəğmələr
qoşsun.
8.
Ey hamıdan yüksək, ey uğurlu doğruluqla birgə olan
Əhura, Fraşaoştra üçün, özüm üçün və sən
bağışlayacağım hər adam üçün səndən ən yaxşı- əbədi
uğurlu düşüncə və davranış istəyirəm.
9.
Et Əhura Məzda, Ey Ordubehişt və ey uğurlu düşüncə,
davranış, bu yaxşılıq üçün sizi incitməməli. Sizə sitayiş
etməyə çalışmalıyıq. Diləyi xeyirli ölkəyə (behiştə)
getmək arzusunu tezliklə yerinə yetirən sizsiniz.
10.
Ey Məzda Əhura, doğruluq, uğurlu davranış və
düşüncədə yararlı bildiyin bilikli adamlara öz arzularına