ahmedalhasan313.wordpress.com
68
Cavab: Hədis Ravisi Abdullah İbn Abdullah İbn Süleyman deyir: “İmam Cəfəri
Sadiq (ə.s) çox möhkəm ağrıyırdı və həm də boynuna cənabət qüslü düşmüşdü və
soyuq bir yerdə idi.
İmam (ə.s) belə buyurdu: Qulamları (orta yaşlı xidmətçi kişiləri) çağırdım və
onlara dedim: Məni götürün və mənə qüsl verin, sonra onlar məni götürdülər və
taxta parçasının üzərinə qoydular, sonra mənim üzərimə su töküb mənə qüsl
verdilər.
(Qeyd: İmamın (ə.s) xəstələnməsi, İmamın (ə.s) qüsl üçün köməyə möhtac qalması
İmamın (ə.s) boynuna Cənabət qüslü gəlməsindən məqsəd, İmamın (ə.s) hikmət
üzrə bu halətə düşməsi və İmamın (ə.s) adi insanlara bunun necə edilməsini başa
salması üçündür. Yoxsa, həqiqi mənada hikmətsiz yerə İmamda (ə.s) bu halların
baş verməsi mümkün deyildir. Və İmam (ə.s) bu kimi məxluqata aid sifətlərdən
münəzzəhdir.)
(Təhzibul-Əhkam, cild 1/575-198. İstibsar, cild 1/563-162. Vəsailuş-Şiə, cild 1/səhifə 478,
hədis: 1270)
Dəstəmaz əzaları kəsilmiş və ya olmayanların
hökmü
Sual 72: Dəstəmaz əzaları (əl-ayağı) kəsilmiş insanların dəstəmaz almaq hökmü
necədir?
Cavab: İmam Cəfəri Sadiq (ə.s) buyurur: “Ondan (dəstəmaz əzasından) kəsilən
yerləri yuyar.”
(Qeyd: Yəni əli dirsəkdən kəsilmişsə, o zaman, kəsilən yeri yuyar. Əgər dirsəkdən
aşağı kəsilmişdirsə, o zaman dirsəkdən kəsilmiş yerə qədər yuyar. Həmçinin ayağı
kəsilibsə və məsh yerindən bir hissəsi qalıbsa o hissəyə məsh çəkər, qalmayıbsa
məsh çəkməz.)
(Kafi, cild 8/səhifə 29. Vəsailuş-Şiə, cild 1/hədis: 1271)
Dəstəmaz və Qüsl üçün istifadə edilən su miqdarı
Sual 73: Dəstəmaz və Qüsl üçün nə qədər su kifayətdir?
ahmedalhasan313.wordpress.com
69
Cavab: İmam Muhəmməd Baqir (ə.s) buyurur: “Peyğəmbər (s.ə.v.v) belə buyurub:
Dəstəmaz 1 müdd (750 qram) su ilə alınar, qüsl isə 1 sa (3 litr) su ilə alınar və
tezliklə məndən sonra qövmlər gələcəklər ki, bu miqdarı az hesab edəcəklər. Bəs
onlar mənim sünnəmin əksinə olarlar. Mənim sünnəmdə sabit olanlar (möhkəm
qalanlar) isə cənnətdə mənimlə birlikdə olarlar.”
(Mən Lə Yəhzuruhul-Fəqih, cild 1/70-23. Vəsailuş-Şiə, cild 1/hədis: 1280)
Qüsldən sonra dəstəmaz almağın hökmü
Sual 74: Qüsl edəndən sonra qüslüm pozulmasa dəstəmaz almalıyam?
Cavab: İmam Muhəmməd Baqir (ə.s) buyurur: “Qüsl etmək dəstəmaza da kifayət
edər (yəni qüsl etməklə eyni zamanda dəstəmaz əzaları da yuyulur və əlavə
dəstəmaz almağa ehtiyac yoxdur) və qüsl dəstəmazdan daha (yaxşı) pakedicidir.”
(Vəsailuş-Şiə, cild 2/hədis 2055. Təhzib cild 1/səhifə 390-139. İstibsar, cild 1/səhifə 427-126)
Sual 75: Cümə qüslündə namaz üçün dəstəmaz da alınırmı?
Cavab: İmam Əli İbn Musa Ər-Riza (ə.s) buyurur: “Cümə gününün qüslündə və
ondan başqa qüsllərdə namaz üçün dəstəmaz yoxdur (alınmaz)”
(Vəsailuş-Şiə, cild 2/hədis 2056. Təhzib cild 1/ 397-141. İstibsar, cild 1/431-126)
Sual 76: Əgər bir şəxs cənabət qüslü və ya cümə qüslü və ya bayram qüslü alıbsa,
o adama qüsldən əvvəl və ya sonra dəstəmaz almaq vacibdirmi (almalıdırmı)?
Cavab: İmam Cəfəri Sadiq (ə.s) buyurdu: “Xeyr, ona nə əvvəl, nə də ki sonra
dəstəmaz almaq vacib deyil (almamalıdır), artıq ona qüsl kifayət edər, qadınların
hökmü də heyz qüslü və ondan başqa qüslləri verərkən bu cürdür və onlara
(qadınlara) da nə qüsldən əvvəl, nə də ki sonra dəstəmaz almaq vacib deyil
(almasınlar), artıq, aldıqları qüsl dəstəmaz üçün də kifayətdir.”
(Sənəd: Vəsail, c.2, hədis 2057; Təhzib c.1, 398/141; İstibsar, c.1, 432/127)
Sual 77: Hədislərə əsasən bildik ki, bir insan dəstəmazı və qüslü pozmayan işlər
görməsə dəstəmaz almadan gedib öz aldığı qüslü ilə namaz qıla bilər. Bəs mən
əgər istəsəm və fəzilətli olsun deyə qüsldən sonra dəstəmazı pozan şeyləri
etmədiyim halda gedib qüsldən əlavə dəstəmaz da alıb namaz qıla bilərəmmi?
ahmedalhasan313.wordpress.com
70
Cavab: İmam Cəfəri Sadiq (ə.s) buyurur: “Qüsldən sonra (dəstəmazı pozan şeylər
edilmədiyi halda) gedib dəstəmaz almaq bidətdir (dinə yenilik gətirmə və
xurafatdır)! ”
(Vəsailuş-Şiə, cild 2/hədis 2060. Təhzib cild 1/390-140. Kafi, cild 3/12-45)
Bağırsaq qurdunun dəstəmaza təsiri
Sual 78: Niyə görə adi halda heçnə ifraz etmədən, insanın arxa dəliyindən sadəcə
“Həbbul-Qaraə” deyilən enli bağırsaq qurdu və kiçik bağırsaq qurdu çıxanda
dəstəmaz batil olmur?
Cavab: İmam Cəfəri Sadiq (ə.s) buyurur: “Çünki bu qurdlar bit hökmündədir.”
(Qeyd: Yəni insanın bədənində bitin olması onun dəstəmazını pozmadığı kimi
bunlar da dəstəmazı pozmaz)
(Vəsailuş-Şiə, hədis: 670. Kafi, cild 3/bab 36,hədis: 4. İstibsar, cild 1/bab 82, hədis 256.
Təhzib, cild 1/bab 12, hədis: 22. Fəqih, cild 1/bab 37, hədis: 138)
Sual 79: Bəs bir adam namaz qılan halda ikən, ondan (arxa dəlikdən) qurd
düşübsə, bunun hökmü necə olar?
Cavab: İmam Cəfəri Sadiq (ə.s) buyurur: “Namazını sona çatdırsın (namaz batil
deyil) və belə şey onun dəstəmazını da pozmur.”
(Vəsailuş-Şiə, hədis: 671. Təhzib, cild 1/bab 11, hədis: 21. İstibsar, cild 1,bab 81, hədis: 255)
Sual 80: Bəs bir şəxsin arxa dəliyindən çıxan qurd nəcasətə bulaşmış halda
çıxıbsa, onda bunun hökmü nədir?
Cavab: İmam Cəfəri Sadiq (ə.s) buyurur: “Bu zaman həmin şəxs namazını
saxlama-lıdır və özünü təmizləyəndən sonra dəstəmazını təzədən alıb namazını
yenidən qılmalıdır.”
(Vəsailuş-Şiə, hədis: 672. Təhzib, cild 1/bab 11, hədis: 20. Təhzib, cild 1/bab 206, hədis: 597.
İstibsar, cild 1/bab 82, hədis: 258)