ahmedalhasan313.wordpress.com
59
Peyğəmbər (s.ə.v.v) buyurur: “Qiyamət günü insanların ən çox həsrət çəkəni
(təəssüf edib peşman olanı) o kəsdir ki, öz dəstəmazını başqasının dərisində
görəcəkdir.”
Qeyd: Yəni, xuffeynə məsh çəkməyə işarədir, çünki xuffeynin dərisi insanın öz
dərisi deyil, heyvan dərisidir.
- Vəsailuş-Şiə, cild 1/hədis: 1220
Sual 45: Xuffeynin və ya corabın üstü açıq olsa, onun üzərindən məsh çəkmək
olarmı?
Cavab: İmam Cəfəri Sadiq (ə.s) buyurur: “Peyğəmbər (s.ə.v.v) üçün həbəşistan
(Efiopiya) kralının (Nəcaşinin) ona hədiyyə etdiyi xuffeyndən başqa bir xuffeyn
tanınmamış-dır və onun üst tərəfi yarıq (aralı) olmuşdur buna görə də Peyğəmbər
(s.ə.v.v) ayağında həmin xuffeyn ola-ola ayaq pəncələrinin üzərinə məsh
çəkmişdir.Bəs ona görə də camaat səhvən deyir ki: Həqiqətən Peyğəmbər (s.ə.v.v)
xuffeynin üzərinə məsh çəkmiş-dir və bu cür söylənilən hədis düzgün deyildir.”
- Vəsailuş-Şiə, cild 1/hədis: 1221
Bir dəstəmazla növbəti vaxtın namazını qılmaq
Sual 46: Sübh namazının dəstəmazı ilə günorta namazını, günorta namazının
dəstəmazı ilədə axşam namazını qıla bilərəmmi?
Cavab: İmam Cəfəri Sadiq (ə.s) buyurur: “Əgər hədəs (qüslü, dəstəmazı pozan
şeylər) olmamışdırsa, qıla bilər.”
- Vəsailuş-Şiə, cild 1/hədis: 989. Kafi, cild 3/bab 63, hədis: 4
Dəstəmaz suyu ilə davranmanın hökmü
Sual 47: Dəstəmaz alarkən su ilə necə davranaq?
Cavab: İmam Cəfəri Sadiq (ə.s) buyurur: “Peyğəmbər (s.ə.v.v) deyərdi ki:
Dəstəmaz alarkən suyu üzünüzə (möhkəm) çırpmayın və lakin (ovucunuzdakı
suyu üzünüzə) axıtmaqla (ehmallıca tökməklə) dəstəmaz alın.”
- Vəsailuş-Şiə, cild 1/hədis: 1139. Təhzib, cild 1/bab 357, hədis: 1072. İstibsar, cild 1/bab 69,
hədis: 208
ahmedalhasan313.wordpress.com
60
Yağış suyu ilə alınan dəstəmazın hökmü
Sual 48: Bir nəfər dəstəmazlı halda olmasa və yağışa düşsə və yağış suyu onun
başını, saqqalını, üzünü, bədənini, qollarını, qədəmlərini islatmışdırsa, bu cür
islanması onun dəstəmazlı olmasına kifayət edərmi və əlavə olaraq gedib
dəstəmaz almasa olarmı?
Cavab: İmam Cəfəri Sadiq (ə.s) buyurur: “Əgər yağış onu tam islatsa, bu ona
kifayətdir.”
Qeyd: Bir şərtlə ki, bu tamamilə islanan adam, yağışın altında olanda, gərək
islanarkən dəstəmaza niyyət edə!
- Vəsailuş-Şiə, cild 1/hədis: 1201. İstibsar, cild 1/bab 75, hədis: 231. Təhzib, cild 1/bab 359,
hədis: 1082
Yara, gips və sarğılı üzvlər olduğu zaman
dəstəmazın qaydası
Sual 49: Əgər bir şəxs namaz üçün dəstəmaz almalıdırsa, amma bədəni
sarğılıdırsa və ya dəstəmaz üzvlərindən hansısa yeri gipsdədirsə və ya açıq
yarası varsa, nə etsin?
Cavab: İmam Cəfəri Sadiq (ə.s) buyurur: “Gərək bədəninin su yetişən yerlərini
yusun. O yerləri ki, görünəndir açıqdır və o yerləri ki, onun üzərində sarğı taxtası
(və ya gips) yoxdur. Ondan başqa yerləri saxlasın (yəni yumaya bilər), o yerlər ki,
imkan yoxdur onu yumağa və sınıq taxtasını sınığın üzərindən götürməsin və
yarasına əl vurmasın (ona toxunmaqla yaranı dərinləşdirib özünü əziyyətə
salmasın, imkan olan yerləri yusun, olmayanları isə saxlasın)”
- Vəsailuş-Şiə, cild 1/hədis: 1227
Sual 50: Əgər dirsəyimdə bir yara olsa və ya dəstəmaz üzvlərimdə bunun kimi
bir yara olsa və məndə bir şeylə onu sarıyıb bağlasam, dəstəmaz alanda məsh
çəkən zaman nə edim?
Cavab: İmam Cəfəri Sadiq (ə.s) buyurur: “Əgər su sənə əziyyət etməzsə sarğını
açıb yaranı gərək yuyasan ( məsh yeridirsə məsh çəkəsən)”
- Vəsailuş-Şiə, cild 1/hədis: 1228
ahmedalhasan313.wordpress.com
61
Sual 51: Bəs əgər qolum sınıbsa və onun gipsini açmaq mənə əziyyət verəcəksə
və ya ayağım sınıbsa və gipsdə olduğu üçün onu açıb məsh çəkmək təhlükəli
olarsa və ya yaralı olduğum üçün o hissələrdə dəri ilə dəstəmaz suyuna maneə
yaradacaq bir dərman və ya müalicəvi krem varsa, nə edim?
Cavab: İmam Cəfəri Sadiq (ə.s) buyurur: “Əgər yarasına görə qorxursa onda
dəstəmaz alarkən sınığa bağlanmış taxta parçalarının (sarığın) üzərinə məsh çəksin
və namazını qılsın.”
- Vəsailuş-Şiə, cild 1/hədis: 1234
Digər bir hədisdə isə deyilir;
İmam Cəfəri Sadiq (ə.s) buyurur: “Ona kifayət edər ki, dərman örtüyünün
(qatının) üzərinə məsh çəksin.”
- Vəsailuş-Şiə, cild 1/hədis: 1235
Əl və barmaq üzvlərində zinət əşyaları olan zaman
dəstəmazın hökmü
Sual 52: Əgər bir qadının hər hansısa bir biləyində bilərzik (braslet) olarsa və
(dəstəmaz alanda) suyun o bilərziyin altına gedib-getmədiyini bilməsə, bu qadın
dəstəmaz və qüsl alanda nə cür etsin?
Cavab: İmam Cəfəri Sadiq (ə.s) buyurur: “Bilərziyi hərəkət elətdirsin (sağa-sola və
ya irəli geri) ki, su onun altına daxil olsun və yaxud da ki, bilərziyi çıxartsın.”
- Vəsailuş-Şiə, cild 1/hədis: 1240
Sual 53: Barmağında üzük olan şəxs qüsl və ya dəstəmaz alan zaman nə etsin?
Cavab: İmam Cəfəri Sadiq (ə.s) buyurur: “Onu (üzüyü) yerindən hərəkət elətdirsin
və dəstəmaz alan zaman onu fırlatsın (sağa və ya sola) və əgər bu iş yadından çıxsa
və namaza dursa, onda məsləhət deyil ki, namazını təzədən qılsın.”
- Vəsailuş-Şiə, cild 1/hədis: 1240
