ahmedalhasan313.wordpress.com
53
Sual 26: Hədislərə əsasən bildik ki, dəstəmaz üzvləri olan üz və qollar yuyulmalı
və baş ilə ayaqlar izah edilən çərçivədə məsh edilməlidir. Bəs üz ilə qolları
yuyarkən, onları yumaq üçün neçə ovuc sudan istifadə edilməlidir?
Cavab: Hədislərə əsasən üzümüzü və qollarımızı yuyarkən, hərəsinə 1 ovuc su tökə
bilərik. 2 və ya 3 dəfə su tökmək dəstəmazı batil edər. Və 2-3 dəfə su tökmək, dinə
yenilik gətirmə cəhdi, xurafat və bidətdir! Bu barədə çoxlu sayda rəvayətlər
mövcuddur ki, onlardan bəzilərinə nəzər salaq:
İmam Cəfəri Sadiq (ə.s) buyurur: “And olsun Allaha ki, Allah Rəsulunun (s.ə.v.v)
dəs-təmazı, üzə və iki qolun hərəsinə 1 dəfə (bir ovuc) su tökərək alınan
dəstəmazdan başqa bir dəstəmaz deyildir.”
- Vəsailuş-Şiə, cild 1/hədis: 1150. İstibsar, cild 1/bab 70, hədis: 212. Fəqih, cild 1/bab 25,
hədis: 76
Digər hədisdə deyilir:
İmam Cəfəri Sadiq (ə.s) buyurur: “Peyğəmbər (s.ə.v.v) üzünə və iki qolunun
hərəsinə 1 dəfə (bir ovuc) su tökərək dəstəmaz alardı. Bu cür alınan dəstəmaz
düzgün dəstəmazdır. Uca Allah ondan başqa dəstəmazla namazı qəbul etməz.”
- Vəsailuş-Şiə, cild 1/hədis: 1151. Fəqih, cild 1/bab 25, hədis: 77
Digər bir hədisdə isə deyilir:
İmam Cəfəri Sadiq (ə.s) buyurur: “İmam Əlinin (ə.s) dəstəmazı üzə və 2 qolun
hərəsinə 1 dəfə (bir ovuc) su tökərək alınan dəstəmazdan başqa bir dəstəmaz
deyildir.”
- Vəsailuş-Şiə, cild 1/hədis: 1147. Təhzib, cild 1/bab 80, hədis: 207. İstibsar, cild 1/bab 70,
hədis: 212. Kafi, cild 3/bab 27, hədis: 9
Sual 27: Üz və qolları 2 dəfə yuyan və həmçinin dəstəmaz içində hədislərdə
olmayan işlərə əncam verənlərin, o cümlədən məsh yerinə ayaq yuyanların
hökmü nədir?
Cavab: İmam Cəfəri Sadiq (ə.s) buyurur: “Kim dəstəmazda qoyulan həddi aşsa,
onun dəstəmazı naqisdir! ”
Qeyd: Yəni dəstəmazı düzgün deyildir və o cür dəstəmazla qıldığı namazlarıda
batildir.
ahmedalhasan313.wordpress.com
54
- Vəsailuş-Şiə, cild 1/hədis: 1153-1164. Fəqih, cild 1/bab 25, hədis: 79
Başa və ayağa məsh çəkməyin hökmləri
Sual 28: Başa haradan məsh çəkirlər?
Cavab: İmam Cəfəri Sadiq (ə.s) buyurur: “Qabaq hissəsindən (başın tük çıxan
yerindən ta alına qədərki tük dibinə qədər olan yerə qədər) məsh çəkin.”
- Vəsailuş-Şiə, hədis: 1067. Təhzib, cild 1/bab 91, hədis: 241. Kafi, cild 3/bab 29, hədis: 2
Sual 29: Əgər bir adamın başında əmmamə papaq varsa, başına necə məsh
çəksin?
Cavab: İmam Cəfəri Sadiq (ə.s) buyurur: “Əmmaməni ( papağı) barmaq girən
qədər qaldırsın, sonra da başının qabaq hissəsinə məsh çəksin.”
- Vəsailuş-Şiə, hədis: 1068. Təhzib, cild 1/bab 90, hədis: 238. İstibsar, cild 1/bab 60, hədis:
178
Sual 30: Bir adamın ayağında xuffeyn (ayaq geyimidir, coraba oxşayır və onun
kimi geyilir, dəridəndir, qışda geyinilir) varsa və cırılıb üstü açılıbsa ayağında
üstü açıq şəpi olan vyetnamka varsa, ayağındakını çıxarmadan açıq yerin üstünə
məsh yeri yaş olacaqsa məsh çəkə bilərmi?
Cavab: İmam Cəfəri Sadiq (ə.s) buyurur: “Bəli.”
- Vəsailuş-Şiə, hədis: 1074. Fəqih, cild 1/bab 30, hədis 98. Kafi, cild 3/bab 31, hədis: 10.
Təhzib, cild 1/bab 65, hədis: 185
Sual 31: Qadın elə bir yerdə olsa ki, başına məsh çəkmək üçün hicabını aça
bilməsə, nə etsin?
Cavab: İmam Muhəmməd Baqir (ə.s) buyurur: “Qadına kifayətdir ki, dəstəmaz
alanda başına məsh çəkərkən 3 barmaq eni ölçüsündə başının qabaq hissəsinə məsh
çəksin və bu zaman hicablarını başlarından açmasınlar.”
- Vəsailuş-Şiə, hədis: 1084. Təhzib, cild 1/bab 77, hədis: 195. Kafi, cild 3/bab 30, hədis: 5
Sual 32: Başımıza və ayaqlarımıza məsh çəkmək üçün neçə barmaqdan istifadə
etməliyik?
ahmedalhasan313.wordpress.com
55
Cavab: İmam Cəfəri Sadiq (ə.s) buyurur: “Başa məsh çəkmək zamanı 3 barmaq eni
qədər məsh çəkmək kifayətdir və qədəmlərin üzərinə çəkilən məsh də, həmçinin bu
cürdür.”
- Vəsailuş-Şiə, hədis: 1088. Kafi, cild 1/bab 29, hədis: 1
Sual 33: Bəs istəsəm 2 barmaqdan istifadə edərək məsh çəkə bilərəmmi?
Cavab: İmam Əli İbn Musa Ər-Riza (ə.s) buyurur: “Xeyr.”
- Vəsailuş-Şiə, hədis: 1085. Təhzib, cild 1/bab 91, hədis: 243. Təhzib, cild 1/bab 4, hədis: 179.
Kafi, cild 3/bab 30, hədis: 6. İstibsar, cild 1/bab 62, hədis: 184
Sual 34: Ayaqlarıma məsh çəkərkən hansı ayağımdan başlayım?
Cavab: İmam Cəfəri Sadiq (ə.s) buyurur: “Sağ ayaqdan başla.”
- Vəsailuş-Şiə, hədis: 1088. Kafi, cild 3/bab 29, hədis: 3
Sual 35: Sünni məzhəbli şəxslər məsh çəkməli olduqları halda ayaqlarını
yuyurlar. İmamlar (ə.s) bu barədə nə deyir?
Cavab: Hədis Ravisi Muhəmməd İbn Mərvan deyir ki, İmam Cəfəri Sadiq (ə.s) ilə
bir yerdə oturmuşduq və İmam (ə.s) buyurdu: “Elə olur ki, bir nəfər 60-70 yaşına
çatıb, amma Uca Allah ondan heç bir namazı qəbul etməyibdir.” Dedim: Bu necə
olur? İmam (ə.s) buyurdu: “Çünki dəstəmazda Allah məsh etməyə əmr etdiyi
yerləri həmin şəxs yuyur! ”
- Vəsailuş-Şiə, hədis: 1089. Kafi, cild 3/bab 31, hədis: 9
Sual 36: Baş və ayağıma məsh çəkərkən məsh yerində əlimi irəli-geri hərəkət
etdirsəm dəstəmazım pozularmı?
Cavab: İmam Cəfəri Sadiq (ə.s) buyurur: “Heç bir qorxusu yoxdur.”
- Vəsailuş-Şiə, cild 1/hədis: 1054. Təhzib, cild 1/bab 58, hədis: 161. İstibsar, cild 1/bab 57,
hədis: 169
Sual 37: Əgər dəstəmaz alanda başıma məsh çəkməyi unutsam və dəstəmaz
alandan sonra yadıma düşsə, nə edim?
Cavab: İmam Cəfəri Sadiq (ə.s) buyurur: “Əgər saqqalında yaş qalıbsa, onunla
əlini yaş edib başına məsh çək.”
