ahmedalhasan313.wordpress.com
47
Və əgər dəstəmazının başlanğıcında “Bismillahir-Rəhmanir-Rəhim” desə, onun
bütün bədən üzvləri günahlardan pak olar. Və əgər dəstəmazının axırında və ya
cənabət qüsulu alıb, axırda desə ki: “Subhanəkə, Allahummə və Bihəmdikə,
Əşhədu Ən La İlahə İlla Əntə, Əstəğfirukə və Ətubu İləykə və Əşhədu Ənnə
Muhəmmədən Əbdukə və Rəsulukə və Əşhədu Ənnə Əliyyən Vəliyyukə və
Xəlifətukə Bədə Nəbiyyikə və Əmmə Əuliyaəhu Xuləfaukə və Əusiyauh.”
Tərcüməsi: “Ey Allahım Sən paksan (məxluqatın sifətlərindən) və Sənə həmd
edirəm (Nemətlərinə görə Səni öyürəm, tərifləyirəm) Şahidlik edirəm ki, Səndən
başqa ilah (ibadətə layiq şəxs) yoxdur, Səndən bağışlanmaq istəyirəm və Sənə tərəf
dönürəm və şahidlik edirəm ki, Muhəmməd (ə.s) Sənin qulun və Elçindir və
Şahidlik edirəm ki, Əli (ə.s) Sənin dostundur və Peyğəmbərdən sonra Sənin
Xəlifəndir (yer üzərindəki nümayəndəndir) və Şahidlik edirəm ki, onun (Əlinin ə.s)
Övladları Sənin xəlifələrindir və Peyğəmbərin (ə.s) Vəsiyyət etdiyi şəxslərdir.”
Və kim bu cür desə, onun günahları ağacın yarpaqları tökülən kimi tökülər və Uca
Allah onun dəstəmaz və qüsl suyunun bütün damcılarının sayı qədər mələk xəlq
edər (yaradar) ki, onlar da təsbih edər (Subhanalah deyər) və Allaha təqdis edər
(Quddus deyər) deyər və təhlil edər (La ilahə illəllah deyər) və təkbir edər (Allahu
Əkbər deyər) Və Muhəmməd Peyğəmbərlə (s.ə.v.v) Əhli-beytinə (ə.s) (Əli, Fatimə,
Həsən, Hüseyn və Hüseynin 9 övladına) salavat deyərlər və bütün bunların savabı
da həmin dəstəmaz alanın (və ya qüsl alanın) olar, sonra Uca Allah onun
dəstəmazına və ya qüsuluna (tanınma) nişanı qoyar (bir əlamət qoyar) Belə ki, ona
(dəstəmaza və qüsula) izzət (böyüklük, qüdrət) sahibi olan Allahın möhürlərindən
biri ilə möhür vurular (yəni Uca Allah onun dəstəmaz və qüsulunu həmin şəxsin öz
əməl dəftərində Qeyd elətdirib təsdiq edər)”
- Vəsailuş-Şiə, cild 1/hədis: 1040
Dəstəmazsız caiz olmayan əməllər
Sual 7: Məscidə dəstəmazsız daxil olmaq olarmı?
Cavab: İmam Cəfəri Sadiq (ə.s) buyurur: “Təharətsiz (paklanmamış, dəstəmazsız)
daxil olma!”
- Vəsailuş-Şiə, cild 1/hədis: 1003
ahmedalhasan313.wordpress.com
48
Sual 8: Dəstəmazsız Quran oxumaq olarmı?
Cavab: İmam Cəfəri Sadiq (ə.s) buyurur: “Olar. Amma yazılarına əlin dəyməsin.”
- Vəsailuş-Şiə, cild 1/hədis: 1012. Kafi cild 3/bab 50, hədis: 5. Təhzib, cild 1/bab 127, hədis:
342-343. İstibsar, cild 1/bab 113, hədis: 377
Sual 9: Dəstəmazsız halda Quran ayələrini hansısa vərəqə yazıb köçürə bilərəm?
Cavab: İmam Cəfəri Sadiq (ə.s) buyurur: “Xeyr.”
- Vəsailuş-Şiə, cild 1/hədis: 1015. Təhzib, cild 1/bab 127, hədis: 345
Dəstəmazda ardıcıllıq
Sual 10: Dəstəmaz alarkən və ardıcıllığa riayət edərkən, ardıcıllıqlar arasında
fasilə verə bilərikmi?
Cavab: İmam Cəfəri Sadiq (ə.s) buyurur: “Dəstəmazının hissələrinin birini o
birisinə tabe et.”
Qeyd: Yəni dəstəmaz üzvlərinin yuyulmasını bir-birinin ardınca çox fasilə
vermədən əmələ gətir.
- Vəsailuş-Şiə, cild 1/hədis: 1175. Kafi, cild 3/bab 34, hədis: 4
Sual 11: Əgər bir şəxs dəstəmazda ardıcıllığı pozsa və üzü yumamışdan əvvəl
qollarını yusa və ya başa məsh çəkməmişdən əvvəl qollarını yumadığını namaz
vaxtı namazdan sonra xatırlasa, nə etməlidir?
Cavab: İmam Cəfəri Sadiq (ə.s) buyurur: “Uca Allahın əmr etdiyi kimi başlasın
(Allahın qoyduğu tərtiblə dəstəmaz alsın) və bütün səhv elədiklərini təzədən əmələ
gətirsin.”
- Vəsailuş-Şiə, cild 1/hədis: 1186. İstibsar, cild 1/bab 73, hədis: 224. Təhzib, cild 1/bab 97,
hədis: 252
Sual 12: Bəs bir şəxs namaz vaxtı yox, məhz dəstəmaz almaqla məşğul olarkən
sağ qolunu yumamışdan əvvəl sol qolunu yusa və ya sol qolu yumamışdan baş
və ayaqlarına məsh çəksə və elədiyi səhvini dəstəmaz əzaları qurumamış
xatırlasa onda nə etməlidir?
Cavab: İmam Cəfəri Sadiq (ə.s) buyurur: “Onda həmin şəxs sağ qolunu yusun və
sonra sol qolunu yusun, başa və ayaqlara məsh çəksin və əgər sol qolunu yumağı
ahmedalhasan313.wordpress.com
49
unutmuşsa, onda sol əli yumaqdan başlayıb (dəstəmazı tamamlasın) və lap başdan
dəstəmaz almağa başlamasın (yəni harada səhv edibsə oradan başlasın)
Dəstəmazın hissələrini bir-birinin ardınca (tərtiblə, bir-birinə tabe olaraq) yerinə
yetir.”
Qeyd: Bu hökm o şəxsə aid deyil ki, səhvini namazda və ya namazdan sonra
xatırlamışdır, bu hökm o şəxsə aiddir ki, dəstəmaz əzaları qurumamış səhvini
anlamışdır.
- Vəsailuş-Şiə, cild 1/hədis: 1194. İstibsar, cild 1/bab 74, hədis: 228.Təhzib, cild 1/bab 99,
hədis: 259. Kafi, cild 3/bab 34, hədis: 4
Dəstəmaz alarkən oxunan müstəhəb dualar
Sual 13: Əhli-beytdən (ə.s) dəstəmaz alarkən oxunması müstəhəb olan dua
varmı?
Cavab: İmam Cəfəri Sadiq (ə.s) buyurur: “Elə ki, dəstəmaz alarkən əlini suyun
içinə saldın de: “Bismillahi və Billah. Allahumməcəlni minət-təvvabiynə vəcəlni
minət-tahhirin.” Sonra dəstəmazı qurtaranda de: “Əlhəmdulillahi-Rəbbil-Aləmin.”
- Vəsailuş-Şiə, hədis: 1105. Təhzib, cild 1/bab 76, hədis: 192
Sual 14: Bəs dəstəmaz alarkən müstəhəb duanın və Allah adını zikr etməyin
hikməti nədir?
Cavab: İmam Cəfəri Sadiq (ə.s) buyurur: “Kim dəstəmaz alarsa və Allahın adını
zikr edərsə, onda onun bütün bədəni pak olar və əgər kim zikr etməzsə, onda
bədənində (dəstəmaz üçün) su dəyən yerlərdən başqa digər yerlər pak olmaz.”
- Vəsailuş-Şiə, hədis: 1107. Təhzib, cild 1/bab 358, hədis: 1076. İstibsar, cild 1/bab 68, hədis:
205
Dəstəmazdan əvvəl üz və əlləri yumağın hökmü
Sual 15: Əgər bir şəxsin qarşısında bir qab su varsa, əlini o qabın içindəki suya
salıb dəstəmaz almalı olacaqsa, əlini o dəstəmaz üçün istifadə edəcəyi suya
salmamışdan əvvəl başqa bir su ilə pak etməlidirmi?
