79
Yüz nəfərə yaxın uşaq, qadın, kişi öldürüldükdən sonra kənddə qalan
əhalini Məlhəm istiqamətində apardılar. 102 nəfər kişini isə, Çuxuryurd kəndinə
doğru apardılar. Əhalini kənddən çıxardıqdan sonra, malakanlar evləri qarət və
talan etməyə başladılar. Ən yaxşı evləri və məscidi tamamilə yandırıldılar.
Çuxuryurda aparılan kişilərin arasından ən hörmətlilərini elə yoldaca öldürdülər.
Malakanlar onları bir-birinə bağlayıb, ikisini bir güllə ilə öldürürdülər, istehza ilə
öz tüfənglərini sınayırdılar. Bu vəhşiliklərin başçısı Çuxuryurd sakini Vasili
Borisoviç Polovinkin idi. Nəticədə 102 kişidən 78 kişi qaldı ki, onları da Mədrəsə
kəndinə apardılar. Yolda onlardan üçünü də güllələdilər. Mədrəsəyə 75 adam
çatdırıldı. 75 nəfərdən yalnız iki nəfəri – Ağacan Mehdi oğlu və Cabbar
Əliməmməd oğlu qaçıb canını xilas edə bilmişdi. Qalanlarını isə, vəhşicəsinə qətlə
yetirmişlər. Onların meyitləri eybəcər hala salınmışdı. Qulaqları və burunları
kəsilmiş, gözləri çıxarılmış, başları bədənlərindən ayrılmış, meyitləri tikə-tikə
doğranmış, sinələrində yanıq yerləri qalmışdı. Belə vəziyyətlərdə tapılan insanlar
bunlardır:
Əliməmməd Xalid oğlu, Babacan Əliməmməd oğlu, Zahid
Yengibar oğlu və onun qardaşı Vahab, Şahbaz Mehdi oğlu, Molla Həmzə Əhməd
Əfəndi oğlu, Nəsrəddin İbrahim oğlu, Nağdiyə Bəhtəkar oğlu, Heydər Adıgözəl
oğlu və qeyriləri.
Əngəxarana hücum zamanı 169 nəfər kişi, qadın və uşaq öldürülmüş, evlər
qarət olunmuş, 186 evdən 180-i yandırılmışdır. Bundan əlavə,
kəndin məscidi də
külə döndərilmişdir. Dəymiş ziyanın ümumi miqdarı 4.969.200 manat təşkil
etmişdir.
Starşina Məşədi Qədim Məşədi Qədir oğlu, Cabbar Əli Məmməd oğlu,
Ağacan Mehdi oğlu, Ağaşərif Molla Soltan oğlu, Saday Adıgözəl oğlu, Ağasən
Məmməd oğlu, İbrahim (atasının adı pozulmuşdur və Fərzəli Gəray oğlunun
ifadələrindən, həmçinin tərtib edilmiş protokollara əsasən, foto-şəkillərdən, və
Əngərxan kəndinin digər salamat qalmış sakinləri tərəfindən tərtib olunmuş
protokollardan törədilmiş faciə ilə bağlı müəyyən təsəvvürə gəlmək olar”.
Sonralar Çuxuryurd kənd sakinləri Malakanlar arasından faciəni törədənləri
müəyyən etmişlər. Həmin siyahını da olduğu kimi veririk:
1. Polovinkin Boris İvanoviç: 1) Məşhədi Qədim Məşhədi Qədir oğlu (1-4); 2)
Əvəz Məmməd oğlu (1-23); 3) Ağa Şərif Molla Soltan oğlu (1-25); 4) Fərzah
Gəray oğlu (1-26);
2.
Polovinkin Vasili Borisoviç: 1) Məşhədi Qədim Məşədi Qədir oğlu (1-4); 2)
Cabbar Əliməmməd oğlu (1-13); 3) Fərzalı Gəray oğlu (1-28);
3.
Polovinkin Nikolay Borşoviç: - Məşhədi Qədim Məşədi Qədir oğlu (1-4);
4.
Polovinkin Yakov: 1) Məşədi Qədim Məşhədi Qədir oğlu (1-4); 2) Əvəz
Məmməd oğlu (1-23); 3) Ağaşərif Molla Soltan (1-25); 4) Fərzalı Gəray oğlu (1-
28);
5.
Polovinkin Aleksey Alekseyeviçin: Məşhədi Qədim Məşhədi Qədir oğlu (1-4.
42); 2) Nəsrəddin İbrahim oğlu (1-22);