Azərbaycan Respublikasında gömrük sisteminin inkişafı (1991-2014)
181
ABŞ dolları olmaqla ümumi ixracda həcmi cəmi 3 faiz təşkil etmişdi.
Gömrük statistikası məlumatlarına görə, 2000-ci ildə idxal edilən yeyinti
məhsullarının 42 faizini buğda təşkil etmişdi. Bu məhsulun 1 tonunun
qiyməti 124,40 ABŞ dolları, ixrac edilən buğdanın ümumi dəyəri 87908,3
min ABŞ dolları olmuşdu. Respublikamıza buğda Qazaxıstan (58 faiz) və
Rusiyadan (36 faiz) gətirilirdi. 2000-ci ildə idxal olunan yeyinti məhsulları
içərisində şəkər və şəkər tozu (10,6 faiz), ət və ət məhsulları (9,3 faiz), tütün
(4.8 faiz), çay (4 faiz), kərə yağı (3 faiz) və s. tuturdu. 2000-i ildə ixrac
edilən yeyinti məhsullarında ən çox pay fındıq, şabalıd, püstə və fıstığa
aiddir (34,5 faiz). Tütün (19 faiz), spirtli içkilər (11,3 faiz), təzə meyvə (7,3
faiz), bitki yağı (6,7 faiz), meyvə və tərəvəz şirələri (5, 1 faiz) və çay (5
faiz) yeyinti məhsullarının ixracında mühüm yer tutmuşdu [30, 330-331] .
2003-cü il yanvarın 10-da MDB üzv dövlətləri gömrük xidmətləri
rəhbərləri Şurasının Moskva şəhərində keçirilən 37-ci yığıncağında “Meyvə-
tərəvəz məhsullarının gömrük rəsmiləşdirilməsi zamanı güzəştlərin tətbiq
edilməsi haqqında 21 may 1998-ci il tarixli Sazişin müddətinin on il uza-
dılması haqqında Moldova Respublikası, Ukrayna, Belorus Respublikası,
Rusiya Federasiyası və Azərbaycan Respublikasının gömrük xidmətləri
arasında Protokol” imzalanması ölkəmizin aqrar sahəsində ixrac poten-
sialını artırdı [6, 2003, 26 oktyabr].
Xəzər dənizinin Azərbaycan sektorundakı neft yataqlarının istismarına
dair 20 sentyabr 1994-cü il tarixində imzalanmış “Əsrin müqaviləsi” və
imzalanmış çoxsaylı neft müqavilələri Azərbaycanın dünya birliyinə
inteqrasiyasının genişlənməsi və beynəlxalq mövqelərinin möhkəmlənməsi
işinə güclü təkan verdi. Yeni neft strategiyasının reallaşması dövlətimizin
iqtisadi siyasətinin prioriteti oldu. Bu strategiya özündə Xəzər dənizinin
Azərbaycan sektorunda mövcud karbohidrogen ehtiyatlarının qabaqcıl Qərb
texnologiyası və investisiya imkanlarını səmərəli istifadə etməklə hasil
edilərək dünya bazarlarına çıxarılması, satışdan əldə edilən vəsaitlə qeyri-
neft sektorunun inkişafının sürətləndirilməsi, bugünkü və gələcək nəsillərin
firavan həyatının təmin edilməsini ehtiva edir. Xəzər dənizinin Xəzəryanı
ölkələr arasında sektorlara bölgüsü, neft kəmərlərinin çəkilişi və
təhlükəsizliyi, investisiya təminatı, dünya neft bazarlarında yer tutmaq kimi
problemlərin aradan qaldırılması xarici ölkələrin imkanlarından səmərəli
istifadə edilməsini tələb edirdi.
Gömrük işi Azərbaycan dövlətçiliyi tarixində:
182
Nazirlər Kabinetinin “Xəzər dənizinin Azərbaycan sektorunda Azəri,
Çıraq yataqlarının və Günəşli yatağının dərinlikdə yerləşən hissəsinin birgə
işlənməsi və neft hasilatının pay bölgüsü haqqında 1994-cü il 20 sentyabr
tarixli Saziş üzrə idxal və ixrac əməliyyatlarının rəsmiləşdirilməsində
gömrük xidməti ödənclərinin dərəcələri haqqında” 1996-cı il 10 oktyabr
tarixli 140 nömrəli qərarı bu sahədə gömrük orqanlarının üzərinə düşən
vəzifələri müəyyənləşdirdi.
Azərbaycan Respublikası Prezidentinin 2003-cü il 20 fevral tarixli 584
nömrəli Fərmanı ilə təsdiq edilmiş “2003-2005-ci illər üçün Azərbaycan
Respublikasında yoxsulluğun azaldılması və iqtisadi inkişaf üzrə Dövlət
Proqramı”nda gömrük xidmətinə aşağıdakı məsələlərin həll edilməsi
tapşırılmışdı: a) gömrük proseduralarının sadələşdirilməsinə aid təkliflərin
hazırlanması; b) gömrük rüsumları səviyyəsinin və tarif güzəştlərinin
sayının azaldılması və təkmilləşdirilməsi məsələlərinin təhlil edilməsi; c)
gömrük sahəsində çalışan işçilərin peşəkarlığının artırılması [24, 3 mart
2003-cü il, №3, 579-581].
Xarici ölkə rəhbərləri və beynəlxalq qurumların nümayəndələri, xarici
iş adamları və yerli sahibkarlar ilə görüşlərində, müxtəlif beynəlxalq
tədbirlərdə etdiyi çıxış və nitqlərində ulu öndər Heydər Əliyev iqtisadi
əlaqələrdə bərabərhüquqlu, qarşılıqlı-faydalı əməkdaşlığın, ortaq maraq və
mənafelərin qorunması, faydalı əməkdaşlıq üçün perspektivli yollar axtarıl-
ması və həyata keçirilməsi və qarşılıqlı təhlükəsizliyə riayət edilməsinin
zəruriliyini göstərirdi. Azərbaycan Respublikasının əldə etdiyi tarixi təcrübə
bir daha təsdiq edir ki, dövlət müstəqilliyinin möhkəmləndirilməsi, ölkələrin
bir-birindən asılılığının getdikcə güclənməsi, bazar iqtisadiyyatına keçidlə
əlaqədar olaraq meydana çıxan problemlərin mürəkkəbləşməsi, hər şeydən
əvvəl milli iqtisadiyyatın formalaşması və ölkənin beynəlxalq əmək
bölgüsündə iştirakı xarici iqtisadi fəaliyyətinin konseptual əsaslarının
işlənilib hazırlanmasından asılı idi [48, 3-4].
2003-cü ildə Azərbaycan Respublikası 124 dövlətlə ticarət əməliy-
yatları aparırdı. Xarici ticarət dövriyyəsinin həcmi 5218,1 mln. ABŞ dolları
səviyyəsinə yüksəlmiş, o cümlədən idxal 2626,4 mln. dollar (50,3 faiz),
ixrac 2591,7 mln. dollar (49,7 faiz) təşkil etmişdi. Xarici ticarət əlaqələrinin
77,3 faizi, o cümlədən idxalın 67,6, ixracın 87,1 faizi uzaq xarici dövlətlərlə
aparılmışdı. 2003-cü ilin nəticələri təsdiq edirdi ki, Azərbaycanın xarici
Azərbaycan Respublikasında gömrük sisteminin inkişafı (1991-2014)
183
ticarət dövriyyəsində İtaliya (27,2 faiz), Rusiya (10,2 faiz), Fransa (7,0 faiz),
Türkiyə (5,8 faiz), Birləşmiş Krallıq (5,6 faiz), ABŞ (3,8 faiz), Türk-
mənistan (3,7 faiz), Almaniya(3,4 faiz) və Qazaxıstan (2,9 faiz)paya malik
olmuşdu [32, 666].
Beləliklə, Ümummilli lider Heydər Əliyevin rəhbərliyi ilə müstəqil
Azərbaycan Respublikasında həyata keçirilən xarici iqtisadi siyasətinin
formalaşması prosesini 4 əsas dövr kontekstində qiymətləndirmək olar:
1) 1991-1993-cü illərin 1-ci yarısı - iqtisadi böhran və xarici ticarət
əlaqələrində “anarxiya” dövrü;
2) 1993-1995-ci illər - iqtisadi islahatlara hazırlıq və dəyişikliklər
dövrü – bu illərdə Azərbaycanın xarici ticarət siyasətinin və beynəlxalq
iqtisadi münasibətlər sistemində təmsilçiliyinin strateji və cari vəzifələri,
xarici aləmlə iqtisadi əlaqələrinin prioritet istiqamətləri müəyyən edildi;
3) 1996-2000-ci illər - xarici iqtisadi əlaqələr sahəsində hüquqi
islahatların həyata keçirilməsi və sabitləşmə dövrü;
4) 2001-2003-cü illər - xarici iqtisadi-ticarət əlaqələrinin intensiv
inkişaf dövrü. Sonuncu mərhələni iki əsas inkişaf meyli səciyyələndirirdi.
Onlardan birincisi, ölkənin ixrac potensialının xeyli artması, digəri isə xarici
ticarətin nizamlanmasına yönəlmiş tədbirlər sistemi və gömrük nəzarətinin
daha da gücləndirilməsi istiqaməti idi. 1996-2003-cü illərin təcrübəsi bir
daha təsdiq edir ki, dövlətin beynəlxalq iqtisadi əlaqələr sahəsində yönəl-
dilən tədbirləri sistemi ümumi iqtisadi siyasətin tərkib hissəsi olmuşdur və
bu sahədə qəbul edilən qərarlar ölkənin sosial-iqtisadi həyatının bütün
sahələrinə müsbət təsiri göstərmişdir.
Ulu öndərin xarici iqtisadi əlaqələr sahəsində irəli sürdüyü strategiya
yalnız təsərrüfat-ticarət fəaliyyətinin və ölkələr arasında kommunikasi-
yaların genişləndirilməsi demək deyildi. Bu strategiyanın əsas xüsusiyyət-
lərindən biri də Azərbaycan dövlətinin bu sahəyə yeni yanaşma tərzinin,
xarici iqtisadi fəaliyyətin iqtisadi və hüquqi mühitinin daha da yaxşılaş-
dırılması, dünya ticarətində bizim rolumuzun yeni prinsiplər əsasında dəqiq-
ləşdirilməsi idi. Ulu öndər tərəfindən işlənib-hazırlanmış iqtisad strategi-
yanın ardıcıl surətdə həyata keçirilməsi nəticəsində Azərbaycan Respub-
likası dünya iqtisadi birliyinin mühüm həlqəsinə çevrildi, beynəlxalq aləmdə
mövqeyini möhkəmləndirmiş müstəqil bir dövlət kimi dünya siyasətində
fəallığı ilə seçilməyə başladı. İqtisadi islahatların həyata keçirilməsi üçün
Dostları ilə paylaş: |