Gömrük işi Azərbaycan dövlətçiliyi tarixində:
184
münbit şəraitin yaradılması, neft müqavilələrinin imzalanması, xarici inves-
tisiyaların ölkə iqtisadiyyatına cəlb edilməsi və dünyanın qabaqcıl ölkələri
ilə iqtisadi əlaqələrin dərinləşdirilməsi Ümummilli lider Heydər Əliyevin bu
sahədə məqsədyönlü fəaliyyətinin nəticəsi idi.
Azərbaycan Respublikasının Prezidentinin “Sahibkarlığın inkişafına
mane olan müdaxilələrin qarşısının alınması haqqında” 2002-ci il 28
sentyabr tarixli 790 nömrəli Fərmanı da gömrük orqanlarının işini yenidən
qurmaq üçün strateji xətt olaraq müəyyən edildi [24, 30 sentyabr 2002-ci il,
№9, maddə 563].
3.4. Gömrük siyasəti davamlı iqtisadi inkişaf şəraitində
2003-cü il oktyabrın 3-də keçirilən Prezident seçkilərində xalqın
yekdil qərarı ilə Azərbaycan Respublikasının Prezidenti seçilən İlham
Əliyev Heydər Əliyev tərəfindən müəyyən edilən siyasi və iqtisadi kursun
davam etdirilməsini bəyan etdi. Bununla bərabər, iqtisadi strategiyanın ayrı-
ayrı istiqamətlərinin yeni dövrün tələblərinə uyğun olaraq təkmilləşdirilməsi
həyata keçirildi. Davamlı iqtisadi inkişaf strategiyasının əsas cizgiləri
Prezidentin “Azərbaycan Respublikasında sosial-iqtisadi inkişafın sürətlən-
dirilməsi tədbirləri haqqında” 2003-cü il 24 noyabr tarixli 4 nömrəli
Fərmanında öz əksini tapdı. Dövlət orqanları qarşısında istehsal müəs-
sisələrində beynəlxalq standartlara cavab verən məhsul istehsalını və dünya
bazarına çıxarılmasını təmin edən mühüm vəzifələr qoyuldu. Fərmanın
icrasını təmin etmək məqsədilə Respublika Nazirlər Kabinetinin 2003-cü il
27 noyabr tarixli 243/S nömrəli Sərəncamı ilə Dövlət Gömrük Komitəsinə
də bu istiqamətdə müvafiq tədbirlərin görülməsi tapşırıldı [24, 30 noyabr
2003-cü il, №11, maddə 669].
Gömrük işi haqqında obyektiv təsəvvür əldə etmək üçün bütöv bir
dövr ərzində ölkənin xarici iqtisadi fəaliyyətinin vəziyyəti, xarici ticarətin
dinamikası, idxal-ixrac əməliyyatlarının nəticələri kimi məsələlər ətraflı
təhlil olunmalıdır. Xarici ticarət əlaqələrinin normal əsaslar üzərində
qurulmasında gömrük xidmətinin üzərinə mühüm vəzifələr düşür. Dövlətin
gömrük ərazisinin və gömrük siyasətinin vahidliyi, xarici iqtisadi fəaliyyətin
tənzimlənməsində gömrük-tarif metoduna üstünlük verilməsi, xarici iqtisadi
fəaliyyət subyektlərinin fəaliyyətinə dövlət orqanlarının əsasız müdaxi-
Azərbaycan Respublikasında gömrük sisteminin inkişafı (1991-2014)
185
lələrinin qarşısının alınması, bu fəaliyyətin bütün iştirakçılarının bərabər-
liyinin təmin edilməsi, hüquqlarının və maraqlarının müdafiəsi xarici
iqtisadi fəaliyyətin tənzimlənməsinin əsas istiqamətlərini təşkil edir.
Azərbaycan Respublikasının son illərdə xarici iqtisadi əlaqələrinin
təhlili göstərir ki, idxal və ixracın coğrafi quruluşunda və əmtəə tərkibində
əsaslı dəyişikliklər olmuşdur. Bu sahədə dönməz meyl və ənənələrin
yaranmasını qeyd etmək olar. Azərbaycan Respublikasının son illər ərzində
ardıcıl olaraq mühüm iqtisadi islahatların keçirilməsi, milli iqtisadiyyatın
ayrı-ayrı prioritet sahələrində dinamik inkişafa nail olunması, bazar
iqtisadiyyatı mexanizminin işlək bir mexanizm kimi formalaşması, dünya
iqtisadiyyatına inteqrasiya prosesləri, beynəlxalq və regional iqtisadi
qurumlarla real əməkdaşlığın səmərəli təşkili, strateji tərəfdaş ölkələrlə
ikitərəfli əlaqələrin yeni keyfiyyət müstəvisinə yönəldilməsi istiqamətində
görülən əməli tədbirlər Azərbaycanın xarici ticarət dövriyyəsinin əsaslı
şəkildə artmasını, xarici iqtisadi əlaqələrin coğrafiyasının genişlənməsini və
strateji tərəfdaş ölkələrlə aparılan ticarət əməliyyatlarında sıçrayışlı inkişafı
təmin etdi. Belə ki, beynəlxalq iqtisadi münasibətlər məcmusundan 80-85
faizi xarici ticarətin payına düşürdü. 2004-cü ildə Azərbaycanın rezident və
qeyri-rezidentləri tərəfindən 123 ölkə ilə aparılmış ticarət əməliyyatlarının
həcmi 7119,04 mln. ABŞ dolları olmuş, bu müddət ərzində 1297 adda
3614,46 mln. ABŞ dolları həcmində mal ixrac edilmiş, 5351 adda 3504,58
mln. ABŞ dolları həcmində isə idxal olunmuşdu.
Statistik məlumatlara əsasən, 2005-ci ildə Azərbaycanın 137 ölkəsi ilə
ticarət əlaqəsi olmuşdur. Ticarət dövriyyəsinin ümumi dəyəri 8547,27 mln.
ABŞ dolları təşkil etmişdi ki, bunun da 4346,66 mln. ABŞ dolları ixracın,
4200,39 mln. ABŞ dolları isə idxalın payına düşmüş, ticarət dövriyyəsinin
müsbət saldosu 147 mln. ABŞ dolları təşkil etmişdi. Azərbaycan dünyanın
137 ölkəsi ilə ticarət əlaqəsi yaratmışdı. Həmin il ərzində 2102 adda mal
ixrac, 5740 adda mal isə idxal olunmuşdu. Ölkəmizə gətirilən məhsulların
33,3 faizini maşın və mexanizmlər, elektrotexnika avadanlığı, 15,3 faizini
mineral məhsullar, 10,6 faizini ərzaq malları, 11,6 faizini az qiymətli metal-
lar və onlardan hazırlanmış məmulatlar, 10,0 faizini yerüstü, hava və su
nəqliyyatı vasitələri, 4,4 faizini kimya sənayesi məhsulları, 3,9 faizini
müxtəlif sənaye malları, 2,5 faizini polimer materiallar, plastik kütlə,
kauçuk, rezin və ondan hazırlanmış mallar təşkil etmişdi. Xarici ölkələrə
Gömrük işi Azərbaycan dövlətçiliyi tarixində:
186
göndərilən malların 76,8 faizini mineral məhsullar, o cümlədən 76,1 faizini
neft və neft emalı məhsulları, 6,3 faizini yerüstü, hava və su nəqliyyatı
vasitələri, 3,0 faizini kimya sənayesi məhsulları, 2,4 faizini az qiymətli
metallar və onlardan hazırlanmış məmulatlar, 1,0 faizini digər mallar təşkil
etmişdi. Xarici ticarət dövriyyəsinin 6195,3 mln. ABŞ dolları və ya 72,5
faizi, o cümlədən ixracın 79,2, idxalın 65,6 faizi uzaq xarici dövlətlərin
payına düşmüşdü. MDB üzvü ölkələrlə ticarət dövriyyəsinin həcmi 2531,9
mln. ABŞ dolları, o cümlədən idxal 1446,5 mln., ixrac 995,4 mln. ABŞ
dolları olmuşdu [134, 2006, №2, s.18-19]
2006-cı il ərzində Azərbaycan Respublikasının xarici ticarət
dövriyyəsinin həcmi 11,64 mlrd. ABŞ dolları, o cümlədən idxalın həcmi
5,27 mlrd. ABŞ dolları, ixracın həcmi isə 6,37 mlrd. ABŞ dolları təşkil
etmişdi. Bu dövr ərzində Azərbaycan Respublikası 140 ölkə ilə ticarət
sahəsində qarşılıqlı surətdə faydalı əməkdaşlıq etmişdir. İxrac-idxal əməliy-
yatlarının 45 faizi Avropa Birliyi, 26,0 faizi MDB ölkələri ilə, 28,7 faizi isə
digər dövlətlərlə aparılmışdı. 2007-ci ildə adı çəkilən dövlət qruplarının
xüsusi çəkisində Avropa Birliyinin payı azalaraq 28,5 faizə, MDB ölkələri
üzrə 25,5 faizə enmiş, əksinə, digər dövlətlərin payı artaraq 46,0 faizə
yüksəlmişdi [149].
Xarici ticarət əlaqələrinin statistik təhlili göstərir ki, 2000-ci illə
müqayisədə 2006-cı ildə Azərbaycan Respublikasına idxal olunan yeyinti
məhsulları təqribən 3 dəfə artaraq 553,1 min ABŞ dolları həcminə çatmışdı.
Bu göstərici ümumi idxalın 10,5 faizini təşkil etmişdi. 2006-cı ildə idxal
olunan yeyinti məhsullarının ən çox hissəsi buğda məhsullarına (33,8 faiz)
aid olmuşdur. 2006-cı ildə Azərbaycan Respublikasının 6372165,0 min
ABŞ dolları həcmində olan ümumi ixracının 237684,5 min ABŞ dollarını,
başqa sözlə, cəmi 4 faizini yeyinti məhsulları təşkil etmişdi. Bu məhsullar
əsasən Rusiya, Ukrayna, İtaliya, Almaniya və Türkiyəyə ixrac olunmuşdu.
İxrac edilən məhsullarda neftin payı yüksək olduğuna görə ümumi ixracın
həcmində yeyinti məhsullarının xüsusi çəkisi az olmuşdur [126, 2008, №12,
s.24].
Bununla yanaşı xarici iqtisadi əlaqələrinin ətraflı təhlili bir sıra
çatışmazlıqların da olduğunu göstərdi. Ticarət balansındakı mənfi meyllərin
əsasən aşağıdakı səbəblərdən yaranmışdı:
Birincisi, istər xarici ticarət əməliyyatlarının strukturunda, istərsə də
Dostları ilə paylaş: |