Суал Мяшял системинин истисмары

Torpaqlanan ştepsel də evinizdə təhlükəsizliyi təmin edə bilər

Bəzi elektrik açarları daxilində yerləşən xüsusui məftil vasitəsi ilə torpaqlanır. Əgər elektrik məişət cihazının üzərindən elektrik cərəyanı keçsə o sizin üzərinizdən yox, məftil ilə torpaqlanacaq. Heç vaxt üç gözlü ştepseli tərpətməyin və dəyişdirməyin.

• 
  Elektrik qurğularının və avadanlıqlarının metal his­sə­ləri (gövdəsi) електрик тящлцкясизлийи tələblərinə uyğun olaraq yerləbir­ləşdirilməlidir.
  
• 
  Partlayış təhlükəli zonalarda quraşdırılmış elektrik ava­danlıqları gərginlik səviyyəsindən asılı olmayaraq yerləbir­ləş­dirilməlidir.
  
• 
  Metal konstruksiyalarda quraşdırılmış elektrik ava­dan­lıqları, metal konstruksiyanın yerləbirləşməsindən asılı olma­ya­raq, ayrıca olaraq yerləbirləşdirilməlidir.
  
• 
  Yerləbirləşdirmə quruluşunun texniki vəziyyətini müəy­yən etmək üçün vaxtaşırı olaraq:
  
• 
  -yerləbirləşdirmə quruluşunun görünən hissələrinə baxış ke­çirilməli;
  
• 
  -yerləbirləşdiricilərlə yerləbirləşdirilmiş elementlər ara­sın­da etibarlı əlaqənin mövcudluğu yoxlanılmalı (aparatla yerlə­bir­ləş­dirmə quruluşunu birləşdirən keçiricidə qırılmaların və qeyri kafi kontaktın olmaması), həmçinin transformatorların qoru­yu­cu­ları (probivnoy) yoxlanılmalı;
  
• 
  -yerləbirləşdirmə quruluşunun müqaviməti ölçülməli;
  
• 
  -«faza-sıfır» dövrəsinin tam müqaviməti ölçülməli;
  
• 
  -birləşmələrin etibarlı olması yoxlanılmalıdır.
  
• 
  Binalarda (otaqlarda) yerləşdirilmiş yerlə­bir­ləş­dir­mə keçiriciləri (naqilləri) baxış üçün əlverişli yerdə olmalıdır.
  
• 
  Bu tələblər kabellərin sıfır xətlərinə və metal zirehlərinə, elektrik xətti gizli üsulla çəkilmiş borulara, yerdə (torpağa bas­dı­rıl­mış) metal konstruksiyalara və həmçinin boru xətlərinin içi ilə çə­kilmiş yerləbirləşdirici keçiricilərə aid deyildir.
  
• 
  Yerləbirləşdirmə keçiriciləri korroziyadan mühafizə olunmalıdır.
  
• 
  Yerləbirləşdirmə keçiriciləri yerləbirləşdiriciyə və yerlə­birləşdirilən konstruksiyalara qaynaq edilməklə, aparat, maşın və s. gövdəsinə isə qaynaq və ya bolt vasitəsilə etibarlı birləşdirilməlidir. Aşındırıcı buxar və ya qaz olan rütubətli otaq­lar­da kontakt səthlərinin əlavə olaraq mühafizə örtüyü (təbəqəsi) olmalıdır (çəkilməlidir).
  
• 
  Aparat, maşın və s. gövdəsinə birləşdirilən əyilgən (elas­tik) yerləbirləşdirmə keçiricilərinin uclarında etibarlı qay­naq­lan­mış sonluqlar (ucluqlar) olmalıdır.
  
• 
  Silkələnmə və ya titrəyiş nəticəsində kontaktın zəifləməsi ehtimal olunan yerlərdə əlavə tədbirlər görülməlidir (kontrqay­ka, təsbitləyici şayba qoyulmalıdır).
  
• 
  Tez-tez sökülən və ya maşının hərəkət edən hissələrində quraşdırılan avadanlıq, ucuna sonluq qaynaq edilmiş əyilgən (elastik) naqillər vasitəsilə yerləbirləşdirilməlidir.
  
• 
  Qurğunun yerlə birləşdirilən hər bir elementi ayrı-ayrılıqda yerləbirləşdiriciyə və magistral yerləbirləş­dir­mə xəttinə qoşulmalıdır.
  
• 
  Yerləbirləşdirmə xəttinə qurğunun bir neçə hissəsinin ardıcıl qoşulması qadağandır.
  
• 
  Gərginliyi 1000 V-a qədər olan elektrik qurğula­rında torpaqdan (yerdən) «faza» və ya «sıfır» naqili kimi istifadə edilməsi qadağandır, belə ki, bu qurğular elektrik cərəyanı ilə zədələnmələrə (xəsarətalmalara) səbəb ola bilər.