32
bunun yalnız formal xarakter daşıması bir yana, mahiyyəti belə
düzgün anlaşılmır. Profilaktika haqqında rəsmi olaraq söylənilən
fikirlərdən biri ilə sizi də tanış etmək istəyirəm: «Yer üzündə
xəstəliklər çoxdur. Ona görə də, birincisi, çox vacibdir ki, həll edək
ki, biz nəyin qarşısını almağa hazırlaşırıq. İkincisi – elmi konsepsiya-
nın olmasıdır. O olmasa, profilaktika ilə məşğul olmaq
əhəmiyyətsizdir. Üçüncüsü – biz tibb işçilərinin profilaktikanı
aparmağa hazırlığıdır. Dördüncüsü – əhalinin özünün həm
dediklərimizi qəbul etməyə, həm də həyata keçirməyə hazır
olmasıdır. Sonuncu – əsas cəhəd isə bizim məsləhətlərin yerinə
yetirilməsi üçün obyektiv şəraitin olmasıdır».
Bu fikirlərdə hər şey var, hədəfə düşməkdən başqa. Xəstəlik
yox, heç olmasa, profilaktikada belə ümumi yanaşma prinsipi
yoxdur. Ancaq bunun elə böyük bir zərəri yoxdur. Bir tərəfdən, artıq
qeyd etdiyim kimi, rəsmi təbabətdə profilaktika formal xarakter
daşıyır. Digər tərəfdən, ona görə ki, sağlam olmaq, birinci növbədə,
insanın özündən asılıdır.
Dinimiz də xəstə olmamaq üçün lazım olan hər cür tədbiri vacib
sayır, hər cür gigiyenik tədbirləri tövsiyə edir, insan sağlamlığına
zərər verə biləcək hər bir şeyi haram, yaxud murdar hesab edilir.
Abdəst, qüsl kimi təmizlik ayinləri də sağlamlığın əvvəlcədən
qorunmasına xidmət edir. « Ey iman gətirənlər! Namaz qılmaq
istədiyiniz zaman üzlərinizi, dirsəklərinizə qədər əllərinizi, topuqlarınıza
qədər ayaqlarınızı yuyun.Təmiz deyilsinizsə, boy abdəsti alın» (Surə-5,
ayə 6). Əl - əyaqların yuyulması təkcə çirkabın yuyulması və suyun
başqa fiziki təsirləri ilə bağlı əhəmiyyyət kəsb etmir, həm də neqativ
enerjinin «yuyulması» deməkdir. (Suyun hər cür informasiyasını
özünə götürmək qabiliyyəti vardır). Bütün bunların sağlamlığa
xidmət etməsi Quranda da qeyd edilir. « Allah sizin üçün bir çətinlik
yaranmasını istəmir. Ancaq sizi təmiz görmək və sizə nemətlərini bəxş
etmək istəyir. Ümid edilir ki, şükür edəcəksiniz».
33
Beləliklə, sağlamlığı qorumaq vacibdir. Çünki:
-
sağlam olmaq bir əxlaqi borcdur.
-
Sağlamlığı qorumaq xəstəliyi müalicə etməkdən asandır, çünki müalicə
«keçikmiş» tədbirdir.
-
“nərmənazik” insan orqanizmi və müasir həyat tərzi bunu tələb edir.
-
onsuz da, gec-tez insan bu problemlərlə üzləşir və buna məcbur olur.
Düzgün yaşamağı bacarmayan, acgözlük edən insan öz gücünü
qüvvəsini, nəfsinin quluna çevrildiyi üçün həm də iradəsini özü
özünün əlindən alır, beləliklə də özünü gücsüzləşdirir və muti edir.
Nəticədə, bu gücsüz varlıq mikroskopik varlıqların qarşısında belə,
aciz qalır. Xəstəliklərin əsas səbəbi təbiətdən üz çevirməyimiz, onun
qanunlarına tabe olmaq istəməməyimizdir. İnsan təbiətin səsinə
qulaq asmır, öz həyatını nizamlamaq haqqında düşünmür, gərginlik
içərisində yaşayır, bir sözlə, qeyri-sağlam həyat tərzi keçirir və
müxtəlif xəstəliklər qazanır.
Xoşbəxtlikdən, təbiət insana xəstəliklərin öhdəsindən gəlmək
imkanı da verib, onu öz «qopardığı» gücü qaytarmaq şansından
məhrum etməyib. Peyğəmbərimiz (s) belə buyurub: «Uca Allah
yaratdığı hər bir dərdin şəfasını da yaratmışdır». İnsanın bunu bilməsi
olduqca əhəmiyyətlidir. Bu, insanın ümidsizliyə qapılmasının
qarşısını alır, onun müalicə olunmaq, xəstəliyə qalib gəlmək əzmini
artırır. Dinimiz sağlam olmağı vacib saydığı kimi, xəstələndikdə
laqeydlik etməməyi, müalicə yollarını axtarmağı da vacib sayır,
lazım olan bütün mümkün imkanlardan istifadə edilməsinə tövsiyə
edir.
Lakin düzgün yaşamağı bacarmayan «səhv edərək» xəstəlikləri
qazanan insan bu xəstəliklərdən xilas olmaq yollarını axtararkən
yenə yanlışlıq edir, bu işi özü görmək əvəzinə onu başqalarına
həvalə edir, həkimlərin, ekstrasenslərin köməyinə arxalanır. İnsan,
birinci növbədə özünə güvənməli, özü özünün həkimi olmalıdır. O,
müalicədə passiv iştirakçı olmamalı, dərman həzm edən aciz
34
vücuda çevrilməməlidir. Axı, o, üzərində əməliyyat aparılan təcrübə
dovşanı deyil. Təbiətə arxalanan, təbiətin bizə bəxş etdiyi
nemətlərdən – qidadan, sudan, havadan, kosmik enerjidən ağılla,
müdriklərlə istifadə edən, təbiətin ahənginə uyğun yaşayan insan
özü üçün ən yaxşı həkimdir. Nə həkimin təyin etdiyi rəngbərəng
dərmanlar, nə də ekstrasensin yüklədiyi enerji xəstəliyi tam sağalda
bilməz. Yalnız öz «qopardığını» qaytarmaqla öz gücünü bərpa
etmək, beləliklə də sağalmaq olar. Təbabətin müalicədə yardımçı
olduğunu, müalicənin yalnız «təbii müalicəyə» qoşulmaqdan –
orqanizmin müdafiə qüvvələrini möhkəmləndirməkdən ibarət
olmalı olduğunu bilirik. Təbabətin bu işi heç də «layiqincə» yerinə
yetirmədiyini, təbii müalicəyə qoşulmaq əvəzinə özünün icad etdiyi
üsullarla müalicə etməyə cəhd etdiyini də. Son nəticədə uğursuz
olan bu cəhdin iştirakçısı olmaqdansa, öz gücünə arxalanmaq yaxşı
deyilmi? Axı, onsuz da, orqanizmin müdafiə qüvvələrini
gücləndirmək fiziki məşqlər, bədəni möhkəmlətmək, qidalanmada
məhdudiyyət, rejimə riayət və s. hesabına həyata keçirilir ki, bu da
yalnız insanın özündən asılıdır.
Sağlamlıq üçün vacib olan sağlam həyat tərzinin «tərkib
hissələrindən» biri və ən əsası sağlam düşüncədir ki, onu da insana
heç kəs bağışlaya bilməz. Neqativ fikirlərə son qoymağı, təmiz,
sağlam fikirlərlə yaşamağı yalnız o özü – iradəsi hesabına qazana
bilər. Digər tərəfdən, keçirdiyi hissləri, öz vəziyyətini, halını
YALNIZ insan özü hiss edə bilir. Ona görə də, xəstəliyin gedişini və
müalicənin nəticəsini, orqanizmdə gedən dəyişilmələri yalnız o özü
hiss edə bilər. Bunu laborator və instrumental müayinələrin
nəticələrinə əsasən öyrənməyə cəhd edən həkim yox.
Əgər elm, bilik sağlamlıq problemlərini həll edə bilsəydi,
həkimlər özləri də başqalarında müalicə etmədikləri xəstəliklərlə
xəstələnməzdilər. Əgər dərmanlar insanları sağlam edə bilsəydi,
onların bugünkü nəhəng istehsalı şəraitində xəstəliklər olmamalı, ya
heç olmasa, azalmalı idi. Sadə məntiq. Dərmanların sonsuz sayda,
Dostları ilə paylaş: |