Sura seyidova
Yüklə 5,09 Kb. Pdf görüntüsü
|
26 Yorğunluq – bütün xəstəliklərin əsas səbəbidir. (Dünyanın müxtəlif güşələrində yaşayan, sivilizasiyanın gedib-çıxmadığı tayfaların dilində «yorğunluq» sözü yoxdur – Müəllif) 2. Yaxşı iştaha. Əgər siz ən adi bir qidanı sevinclə, ləzzətlə və Yaradana dərin minnətdarlıq hissi ilə yeyə bilmirsinizsə, demək, iştahanız pisdir. Əgər adi qara çörək və ya düyü yarması sizə çox iştahaçan gəlirsə, demək iştahanız yaxşıdır və mədəniz sağlam aclıq hissinə malikdir. Buraya həm də normal cinsi istək və təmin olunmaq hissi də aiddir. Bunlar insani xoşbəxtliyin təminatçısı olmaqla yanaşı, Kainatı hiss etdirməyə, beləliklə də ucaltmağa qadir olan vasitədir. 3. Dərin və yaxşı yuxu. Əgər siz yuxu görürsünüzsə və ya yuxuda sayıqlayırsınızsa, demək, istirahətiniz səthidir və kifayət qədər deyil. İnsan üçün kifayət edərsə, 4 saatdan 6 saata qədər davam edən yuxu sağlam hesab edilir. Uzandıqdan 3 - 4 dəqiqə sonra yuxuya getmirsinizsə, deməli, beyniniz müəyyən narahatlıqdan azad deyil, ona görə də yuxunuz sakit olmayacaq və nəzərdə tutduğunuz vaxt yuxudan dura bilməyəcəksiniz. 4. Yaxşı yaddaş. Yaddaş – həyatımızda yeganə ən vacib amildir ki, fərdiyyətimizin əsası, mövcudluq dənizində kompasdır. Əla yaddaş, keçmişin xəzinəsi olmadan, biz kibernetik maşından artıq bir şey ola bilmərik. Yaddaş həyat təcrübəsi toplamağa, onun da sayəsində sağlam düşüncə sahibi olmağa xidmət edir. Yaş artıqca yadda saxlamaq qabiliyyəti zəifləsə də, yaddaşın, eşitdiyin və gördüyün hər bir şeyi! Xatırlamaq dərəcəsinə qədər sonsuz inkişafı mümkündür. 5. Yaxşı əhval-ruhiyyə. Sağlam adam qəzəbdən,qorxudan, kindən, paxıllıqdan azadddır, onun əhval-ruhiyyəsi həmişə yüksəkdir, o hər cür şəraitdə zövq almağı bacarır, nə qədər çox çətinliklərə və düşmənə rast gəlirsə, bir o qədər xoşbəxt olur, ruh yüksəkliyi bir o qədər çox olur. Buna nail olsanız – gəlişiniz, səsiniz və hətta tənqidi fikirləriniz ətrafınızdakı insanlarda dərin minnətdarlıq və dolğun hisslər oyadacaqdır, sözləriniz xeyirxahlıqla dolu olacaqdır. 27 6. Fikirlərin və işin aydınlığı. Sağlam adamlar hər şeyi cəld və aydın şəkildə düşünmək, həll etmək və yerinə yetirmək qabilliyyətinə malik olurlar. Onlar cəld, dəqiq, zirək, çevik və zərurətin tələblərinə cavab verməyə hazırdırlar; surət – Azadlığın ifadəsidir. Sağlam adamlar həmişə nizam-intizamı bərpa etmək qabiliyyəti ilə fərqlənirlər. Nizam-intizama olan bu meyli heyvanlarda və bitki aləmində müşahidə etmək olar. Hərəkət və formaların gözəlliyi özü elə sonsuz Kainatın nizamı anlamağın ifadəsidir. Sağlamlıq və xoşbəxtlik, yararlılıq və sevinc də bu nizamın gündəlik həyatımıza keçmiş ifadəsidir. İlailik, əbədilik, sağlamlıq və əyat ayrılmazdır. 7. Ədalətə cəhd etmə. Əgər ədalət sizdən ötrü yalnız arzuladığınız konsepsiya və ya ideya deyilsə,onun mənasını daim axtarırsınızsa, hər yeni gün sizə təbiətdəki Nizamı tam anlamağı öyrədirsə, sizin səy və məqsədiniz əxlaqın, mənəviyyatın ən ucqar dərinliyinə çatmağa yönəlmişdirsə, demək siz ədalətə cəhd edirsiniz. Ədalətə meyl Kainatın təbii nizamı ilə ahəngdar yaşamaq arzusunu göstərir. Bəzən sağlamlığın meyarı «tələbkar» olur. Məsələn, belə bir fikir mövcuddur ki, insana o vaxt tam sağlam demək olar ki, onun bütün dişləri salamatdır. Elə ki, dişləri xarab olmağa başlayır, demək, o adam xəstələnmişdir. Bu gün süd dişləri sağlam olan uşaq belə tapmaq çətindir. Yeri gəlmişkən, süd dişləri bir qaydada, nizamla düzülür. Onlar töküldükdən sonra yerində çıxan daimi dişlər isə əyri-üyrü olur. Deməli, artıq orqanizmin inkişaf proqramı korlanmışdır (həyat tərzinin nəticəsi olaraq). Təsəvvür edin ki, bütün orqanların işi, orqanizmin ümumi inkişafı da o cür «əyilmişdir». Ümumiyyətlə, müasir dövrdə tam sağlam adama nadir hallarda təsadüf etmək olar. Bu və ya digər dərəcədə, gizli və ya aşkar hamı xəstədir. Sivilizasiya insana embrional inkişaf 28 mərhələsindən başlayaraq dağıdıcı zərbələr vurur. Nəticədə, yeni doğulmuş uşağın genetik yaddaşında artıq xəstəlilklərin rüşeymləri olur. Söhbət heç də irsi xəstəliklərdən yox, qazanılma xəstəliklərdən gedir. Sonrakı həyat dövründə də qeyri-sağlam həyat tərzi keçirməklə, müxtəlif xəstəliklərin başlanğıcı qoyulur. Belə hesab edilir ki, hətta irsi zəmini olan xəstəlikləri insan öz həyatı dövründə «qazanır», çünki onların başlanmasına şərait yaradır. Müasir insan təbiətin ona bəxş etdiyi ehtiyatın – gücün- qüvvənin qədrini bilmir. Təbiət isə insan orqanizmini on alazım olan bütün ehtiyyatlarla təmin etmişdir. Bu ehtiyatlardan qənaətlə istifadə etdikdə, onları qənaətlə işlətdikdə onlar tükənmir. Bəzi tədqiqatçıların fikrincə, bu ehtiyatlar insana 160 il bəs etməlidir. Bəzilərinin fikrincə bu rəqəm daha böyükdür. Hər halda, yaşı 200- dən artıq olan adam əfsanə yox, həqiqətdir və heç kəs öz «ehtiyatı» ilə ondan geri qalmır. Sadəcə olaraq, hər şey bu ehtiyatları necə sərf etməkdən asılıdır. İnsan isə təbiətin ona bəxş etdiyi ehtiyatları və gücü israfçılıqla, acgözlüklə sərf edir, hər şeydə – yeyib-içməkdə, geyinməkdə, isinməkdə, danışmaqda, hətta hava udmaqda belə, «acgözlük» edir. Yaşamağı təmin edən hər bir şeydən israfçılıqla istifadə etmək isə orqanizmin ehtiyyatlarını da sürətlə sərf etmək deməkdir. Hər hansı bir fəaliyyət nəticəsində müvafiq orqanın hüceyrələri işləyir, qocalır və sıradan çıxır. Onların yenisi ilə əvəz edilməsi isə hüceyrələrin bölünməsi yolu ilə həyata keçirilir. Bu bölünmə sonsuz sayda deyil, müəyyən limit çərçivəsindədir. Belə ki, insanın energetik sisteminin enerjisi sonsuz olmadığından, o, yalnız müəyyən sayda bölünməni əyata keçirə bilir. Hüceyrələrin bölünməsi, daha doğrusu, bölünmə sürəti isə onların nə dərəcədə «işlədilməsindən» asılıdır. Məsələn, çox yedikdə mədənin selikli qişasının hüceyrələri daha intensiv işləyir (mədə şirəsi ifraz edir və s.) və daha tez sıradan çıxır. Yüklə 5,09 Kb. Dostları ilə paylaş:
|