50
üsulu başqalarında heç də o cür effekt vermir. Əslində, hər hansı bir
sistemin «sirri» tərkib hissəsində ümumi sağlamlaşdırıcı tədbirlərin,
sağlam həyat tərzinin tələblərinin (təbii qidalanma, hərəkət rejimi və
s.) olmasındadır. Yerdə qalan əlavələr – hər bir sistemin fərqləndirici
cəhətləri müəllifin «bər-bəzəyidir», yəni onun inamından,
intuisiyasından və s. doğan cəhətlərdir. Bu cəhətlər nə qədər «qeyri-
adi» olsa belə, həmin sistem öz-özlüyündə möcüzə yarada bilməz.
Hər şeydən əvvəl ona görə ki, hər şey bizim düşüncələrimizdən
asılıdır, onu isə heç bir sistem «bağışlamır».
İlk növbədə, ÖZ GÜCÜNƏ İNANMAQ lazımdır. Bu inamın
gücünə möhkəmlənən İRADƏNİZ müalicəni başlamağınıza, sonra
isə davam etdirməyinizə köməklik göstərəcək. Bu İRADƏNİN
hesabına siz, müalicə prosesində qarşınıza çıxan hər cür çətinlikləri
dəf edəcək, sağlamlıq üçün vacib olan aclığa, pəhrizə dözə
biləcəksiniz.
Təbii üsullarla müalicədə şərait, imkan, ən nəhayət, fərdilik
nəzərə alınmalıdır. Əgər aclığa başlamış bir adamın vaxtaşırı təbiət
qoynunda olmağa, su, hava proseduralarını yerinə yetirməyə
imkanı yoxdursa, xüsusən, o, neqativ münasibətlə əhatə olunubsa,
belə aclığın faydası yox, zərəri ola bilər. Əlbəttə, söhbət heç də ideal
imkanlardan getmir. Real həyatda bu cür imkanlar yoxdur və ona
görə də ideal həyat tərzindən də söhbət gedə bilməz. Ancaq hər bir
insan bacardıqca buna cəhd etməli, imkan daxilində sağlam həyat
tərzinin tələblərini yerinə yetirməlidir. Amma nədənsə, insanlar
məhz bu sahə də « ya hər şey, ya da heç nə» prisipinə üstünlük verirlər.
Bunun «alternativi» kimi « etməməkdənsə etmək yaxşıdır» frikrini təklif
edə bilərəm. Hansısa ideal imkanların yaranacağını, hansısa
«möcüzəli» günün gələcəyini gözləmək özünü aldatmaqdır.
Hər kəs öz orqanizminin fərdi xüsusiyyətlərinə (astroloji
göstəricilər, irsi xüsusiyyətlər və s.), konstitusional tipinə uyğun
gələn tədbirləri seçməlidir. Adətən, insan şüursuz olaraq nəyi isə
faydalı, gərəkli hesab edir. Nəticədə çox zaman lazım olan yox,
51
istənilən, xoşa gələn, yaxud bəyənilən seçilir. Belə ki, bəzən insanı
hisslərin tələbini ödəyən cəhətlər «cəzb edir», insan hisslərə «sərf
edən» cəhətləri seçir (nə yemək, nə vaxt yatmaq və s.). Yəni insan
özünü inandırır ki, məhz bu, sərfəlidir. İnsan öz hisslərinin ağası
olmağı, onları ağıla tabe etdirməyi bacarmalıdır. Təbiətlə həmahəng
yaşayan, öz orqanizminə qulaq asmağı bacaran insan seçimdə də
yanılmır, daha doğrusu, o belə seçim qarşısında qalmır, bu cür insan
nəyin gərəkli, nəyin gərəksiz olduğunu intuitiv olaraq ayıra bilir:
xoşa gələn məhz lazınm olan olur. Bəzən isə seçim yalnış rəyin, yəni
əvvəlcədən formalaşmış münasibətin («fərziyyələrin») nəticəsi olur.
Belə olan halda nəyin intuisiyanın gücü, nəyin şüurun yanlışlığı
olduğunu ayırmaq lazımdır.
Bundan başqa, aclıq, vegetarianlıq, qaçış, tənəffüs təmrinləri, fiziki
təmrinlər heç biri xüsusi rejim olmadan fayda verə bilməz. Rejim
heç də adətən başa düşüldüyü kimi darıxdırıcı, ciddi tələblər deyil,
adi nizamdır, təbiətin ziddinə getməməkdir. Vaxtilə vaxtı üç hissəyə
bölmək: bir hissəni ibadətə, bir hissəni işə, bir hissəsini isə istirahətə
sərf etmək düzgün hesab edilib. İstirahət edərkən öz bədəninə
qulluq etmək vacib sayılıb. Çünki istirahətə laqeyd yanaşmaq qalan
iki vəzifəni layiqincə yerinə yetirməməyə səbəb olar. Müasir insan
ibadətə vaxt sərf etmir. Bununla nə itirdiyindən də xəbəri yoxdur.
İbadət – relaksasiyadır, meditasiyadır, saflaşmadır, durulmalıdır.
Müasir insan istirahət etməyi də bacarmır: ya istirahəti uzanmaq,
yatmaq, televizora baxmaq kimi başa düşür, ya da istirahət üçün
ümumiyyətlə vaxtı qalmır. İbadətin və istirahətin vaxtını da iş üçün
ayıran insan yenə də işini çatdırmır, hey tələsir, vurnuxur. Yaşamaq
üçün işləmək məqsədilə işləyə-işləyə, yaşamaq yaddan çıxır, təkcə
işləmək qalır və nəticədə, sanki işləmək üçün yaşayır.
Öz həyat tərzini dəyişməyə psixoloji cəhətdən tam hazır
olduqdan sonra başlamaq lazımdır. Bəzən insan həvəslə bir işə
girişir, intensiv fiziki məşqlər edir, aclığa başlayır, vanna qəbul edir
və s. . Sonra bütün bunları birdən atır. Bu zaman insan özünü
52
əvvəlkindən pis hiss edə bilər. Çünki, qulluq edilməyə öyrəşən
orqanizm «elə-belə» yaşamağa çətinlik çəkir. Hər şeyə tədricən
alışmaq, azdan başlamaq lazımdır. Özünü hər an, hər dəqiqə
məcbur etmək lazım deyil. Belə olduqda, bunun nə vaxtsa əvəzi
çıxır, insanın buna heç həvəsi olmur. Bir də, «etiraz səsi» heç də
həmişə tənbəllikdən olmur, orqanizmin tələbatından doğur. Öz
orqanizminizə qulaq asmağı bacarın. Nəyin tənbəllik olduğunu,
nəyin orqanizmin tələbatından doğduğunu ayırmaq lazımdır. İnsan
öz iradəsizliyi üzərində qələbə çalmağa çalışmalıdır, təbiətin
üzərində yox.
Sağlam həyat tərzinə tam keçdikdən sonra da həddi gözləmək
vacibdir. Əsas məsələ, gördüyün işi axıra çatdırmaqdır (fiziki
kamillikdən başlayıb, mənəvi kamilliyə getmək). Ümumiyyətlə,
insan başladığı işi axıra çatdırmağa çalışmalıdır. Əgər görülən iş
yarımçıq qalarsa, o biri «yarımçıq» – görülməmiş iş onun üçün yük
olur, həmişə onunla qalır. (Dad yarımçıq əlindən.) Deyirlər, boynun
ardında (süysündə) olan şişkinlik həmin yığılıb qalmış, görülməmiş
işlərin fiziki bədəndə qoyduğu izdir. O, energetik sistemdə də
(psixikada və daha incə qatlarda) iz qoyur. Nəticədə, insanda psixiki
natarazlıq yaranır.
Bir çox narahatlıqlarımızın səbəbi görülməmiş işlərin «yükü»dür.
(Hətta deyilməmiş sözlərin də yükü vardır, fikrini deməyib,
yarımçıq saxladıqda o da «yükə» çevrilir. Qorxub, çəkinib və ya
«müdriklik edib» içəri ötürdükdə isə o, onsuz da çıxır – məsələn,
herpes «uçuq» şəklində dodaqlardan. Elə içəridə də «herpes» çıxa
bilər (daxili, ruhi və ya (və) fiziki əzablar (xəstəlik) şəklində). Ona
görə də konflikt vəziyyətlərdə susmaq yox. Öz sözünü deməyi
bacarmaq müdriklikdir. Əlbəttə, təmkinlə.
Bəzən sağlam həyat tərzinin tələblərini pozmaq – «keçmişə
qayıtmaq» günün bioritmini ilə əlaqədar olur. Elə günlər və gün
ərzində elə anlar vardır ki, insanın neqativ (o cümlədən, qeyri-
sağlam həyat tərzinə aid olan) işlərə meyli artır, ən iradəli adamda
Dostları ilə paylaş: |