335
Gözlənilməyən məğlubiyyət həmin andaca Napoleon üçün həlledici
əhəmiyyət kəsb etməklə, beynəlxalq vəziyyəti dəyişdi. İspaniya Burbonlarına və
Portuqaliya Braqantsaslarına dəyən taleyin zərbəsi hamını hiddətləndirmişdi, daha
vacibi ondan ibarət idi ki, Vyana sarayını təşvişə salmışdı. İspan xalqının
müqaviməti Napoleon mifinə vurulan ilk zərbə idi və bu Avropaya təzə ümid
verdi.
Napoleon çətin seçim qarşısında qaldı: əgər o, İspaniyada üsyanı yatırmaq
üçün və ingilisləri Portuqaliyadan qovmaq üçün Böyük Ordu ilə öz yolunu
yarımadaya salsaydı, öz arxasını Avstriya və Prussiyanın hücumundan qoruya
bilməzdi. Avstriya artıq səfərbərlik etmişdi, lakin bu an təmiz müdafiə məqsədilə
yanaşı Habsburqlar öz talelərini İspaniya və Portuqaliya kimi bitirmək istəmirdilər.
Tilzit müqaviləsindən sonra I Aleksandra təklif edildi ki, Napoleonun şərqdəki
mənafelərini qorusun, lakin o, çarın vədlərinə o qədər də inanmırdı. Buna
baxmayaraq, Napoleon təklif etdi ki, əvvəlki razılaşmaları möhkəmləndirmək üçün
onlar yenidən görüşə bilərlər. Seçilmiş yer Tyurinqiyadakı Erfurt idi. Danışıqlar
1808-ci ilin 27 sentyabrından 14 oktyabra qədər davam etdi. Bu iki imperatorun
hər biri Avropanın hər tərəfindən gəlmiş hökmdarların və yüksək kübarların
qarşısında digəri ilə nəzakətlə davranmaq və bütöv razılaşma göstərmək üçün
istənilən imkandan istifadə edirdi. Müzakirələrin özü çox çətin gedirdi. Napoleon
çarı Avstriyaya ultimatum göndərməyə inandıra bilmədi və o, ittifaqın
möhkəmlənməsinə görə məmnun olmalı idi. Onların hər ikisi Osmanlı
imperiyasının məsələsinin həllinin sonrakı vaxta saxlanması ilə razılaşdı. Lakin çar
Moldaviyanı, Valaxiya və Finlandiyanı işğal etmək üçün Napoleonun razılığını ala
bildi.
Taleyran çarın nümayiş etdirdiyi möhkəm münasibəti qətiyyən bəyənmirdi.
Baxmayaraq ki, o, artıq xarici işlər naziri deyildi, ancaq müşavir kimi Napoleonu
müşayiət edirdi. Əslində onun ideyaları imperatorun düşmənlərininki ilə üst-üstə
düşürdü. O, Avropanın xeyrinə Napoleonun yüksəlməsini tormozlamağa çalışırdı.
Onun gələcək uğuruna Rusiya-Avstriya ittifaqı maneə rolunu oynaya bilərdi.
Bunun üçün Taleyran çara, Napoleonun onun bacısı Böyük Hersoginiya Annaya
336
evlənməsi ilə onunla əlaqəsini daha sıx etmək niyyətinə görə bir qədər ehtiyatlı
olmağı məsləhət gördü. Hər gecə eks-yepiskop gizli olaraq çarın yanına gəlirdi ki,
onunla beynəlxalq vəziyyəti müzakirə etsin.
Xəyanət mühitində danışıqlar öz sonuna yaxınlaşırdı. Yeni saziş oktyabrın
12-də imzalandı. Napoleon əmin idi ki, o, heç bir narahatçılıq olmadan İspaniyaya
müdaxilə etmək iqtidarındadır. Çar lazım gəldikdə Avstriyaya qayğı göstərəcəkdi.
Hər iki imperatorun fikri sonrakı görüş vədi barədə ayrıldı və Napoleon Parisə
qayıtdıqda yeni müharibənin labüdlüyünü elan etməli idi. Bu Jozef krallığının
taleyi üçün edilməli idi. Bu, çətinliksiz başa gəlmirdi. İctimai rəy müharibədən
doymuşdu, heç kəs real qaydada münaqişənin əhəmiyyətini başa düşmürdü.
Napoleon bu fikirdə idi ki, İspaniyada Fransa hakimiyyətinin yenidən qurulması
onun anti-Britaniya siyasəti üçün vacibdir. Bundan əl çəkmək britaniyalılara
Amerikada Portuqaliya və İspaniya koloniyalarının istehsal etdiklərinin hamısını
götürməyə imkan verərdi. Böyük Ordunun böyük hissəsi imperatoru İberiya
yarımadasında müşayiət edirdi və onun qardaşı Jozefin yığdığı qoşunlara birləşdi.
O, İspaniyaya 19 oktyabrda gəldi və əməliyyatlara rəhbərlik etdi. “İspan üsyançı”
qoşunlar məğlub edildi. Dekabrın 4-də Napoleon Madridə daxil oldu, o, şəhərin
qarət edilməsinin qarşısını aldı və İspaniya üçün yeni konstitusiyanı elan etdi. Bu
sənəddə feodal imtiyazlar, inkvizisiya və adətlər maneələri ləğv edildi.
Portuqaliyadan gələn Britaniya təhlükəsi tezliklə konkret formada yenidən
meydana çıxdı. Ser Con Moorun yeni komandanlığı altında 20 min nəfərlik ordu
Burqosa yürüş etmək üçün Salamankanı tərk etdi.
Öz adəti üzrə olduğu kimi Napoleon təhlükə ilə o saatca üz-üzə gəlməyə can
atdı. O, öz yolunu Quadaramma dağına tərəf saldı, qış olmasına baxmayaraq dağı
aşıb keçdi ki, Moor qoşunlarının arxasına çıxsın, bununla səkkiz il əvvəl Alpı aşıb
keçərkən etdiyi manevri təkrar edirdi. Moor onun gəlməsini eşidib öz ordusunu
Korunnaya tərəf apardı və Britaniya donanması ilə birləşmək üçün Napoleondan
qaçmağa cəhd göstərdi. Napoleon onu 1809-cu ilin yanvarının ilk günündə tələyə
salmağa yaxın idi. Lakin qəflətən onun təqibini kəsməyə məcbur oldu. O, Parisdən
xəbərlər aldı ki, Fuşe və Taleyran onu devirmək üçün qəsd düzəltmişlər.
337
Avstriyalılar isə bu vaxt fəal qaydada müharibəyə hazırlaşırdılar. İngilis
qoşunlarının böyük hissəsi gəmilərin göyərtəsində təhlükəli vəziyyətdə olana qədər
o, britaniyalılara hücum etmədi. Moor öz axırıncı döyüşçülərini gəmilərə
yükləyəndə, son işlərini görəndə öldürüldü. İlk dəfə idi ki, imperiya ordusu açıq
qələbə qazana bilmədi.
Napoleon Parisi güclü təbliğatın qurbanı kimi gördü. Royalist və yakobinçi
qəsdlər, imperial sarayın ağuşundakı dönüklər və çətin sakitləşdirilən vəziyyətdə
olan xalqın yorğunluğu. Napoleonun qəzəbi əvvəlcə Taleyranın üzərinə töküldü.
O, hökumətin iki səhvə görə məsuliyyətini açıqca elan etmişdi və bu ən böyük əks-
səda doğurmuşdu: bu səhvlərdən biri d`Engiyen hersoqunun edam edilməsi, digəri
isə İspaniyada müharibənin başlanması idi. Yanvarın 26-da Taleyran Böyük
Xəzinədar vəzifəsindən azad olundu, lakin ona qarşı heç nə olmamış kimi tez-tez
saraya gəlirdi və Napoleona qarşı qəsd təşkil etməyini davam etdirirdi. Onun ilk
cəhdi Avstriyanı Fransa əleyhinə silahlanmaq xəttini aparmağa təhrik etmək oldu.
Avstriya imperatoru hələ müharibənin arzu olunan olduğuna inanmamışdı,
lakin onun naziri Metternix nəhayət onun əlinə öz intiqamını almaq üçün imkan
düşdüyünü qət etdi. Böyük Ordu İspaniyada idi, hər şeydən əlavə Napoleonu öz
ölkəsinin uzun müddət dəstəkləyəcəyi hiss olunmurdu. Napoleon Avstriya
ordusunun buraxılmasını tələb etsə də, uğur qazanmamışdı. O, çarın nə
düşündüyünü xahiş etmişdi. Lakin heç bir kifayətləndirici nəticəyə nail olmamışdı.
Sonra o, bütün imperiyanı silahlanmağa çağırmışdı, Fransadan 100 min,
İspaniyadan iki diviziya, Reyn konfederasiyasından 100 min alman əsgəri
qaldırmışdı, üstəlik yüz min fransız və italyan İtaliyaya girmək üçün hazır
vəziyyətdə idi.
Aprelin 9-da ershersoq avstriyalı Lüdovik təşəbbüsü ələ götürdü və
Bavariyaya müdaxilə etməklə düşmənçiliyi başladı. Aprelin 13-də Napoleon Parisi
tərk etdi, dörd gün sonra Dunay üzərindəki Donauvorstdəki baş qərargahına gəldi.
19-da və 20-də Abensberqdə və Landştatda iki az əhəmiyyətli toqquşma baş verdi.
Həlledici döyüş 22 apreldə Ekmühldə oldu, burada Napoleon və general Davu
birgə manevr edərək Karl Lüdovikin xəttini dağıtdı və Avstriya qoşun dəstələri
Dostları ilə paylaş: |