217
rirəsmi birləşərək, öz istəklərinə uyğun verilişləri izləməklə di
gərlərindən imtina edirlər. Məhz bu məqsədlə peyk, ümummilli
və kabel televiziyalarının ixtisaslaşmış kanalları – idman, musiqi,
kino, serial, uşaq, tədris, moda və s. açıldı, konkret tamaşaçı au
ditoriyasına ünvanlandı. Bu tendensiya ilə bərabər yaş və sosial
qrupların maraqlarına cavab verəcək, onları maraqlandıraraq öz
ətrafında birləşdirəcək verilişlərin yaradılması zərurəti meydana
gəldi. Burada məqsəd həm müxtəlif insanları ekran qarşısına top
layaraq ümumiləşmiş reytinq yeri tutmaqla bütün reklamvericiləri
cəlb etmək, həm də bütün sosial qrupları, fərqləri müəyyən nöq
tədə birləşdirməklə kanala daha sıx bağlamaq oldu. Bu baxımdan
mozaik dramaturji materiala malik və qarışıq mövzulu proqram
lar kanallarda daha çox görünməyə başladı.
Televiziyanın inteqrativ funksiyasının yayımın bütün bölmə
lərində, onun istər əyləncəli, istərsə də informasiya və maarifçi
proqramlarda özünə yer alması mühüm şərt kimi meydana çıxır,
bu da funksiyanın icrasını iki hissəyə bölmək imkanı verir: birinci,
kanalda yayımlanan xarakterindən, janrından və formasından asılı
olmayaraq bütün veriliş, proqram, şoularda bölücülük meyillərinə
imkan verməmək; ikinci, ümummilli, yaş və cins fərqindən, maraq
çeşidindən asılı olmayaraq, hamını əhatə edə biləcək birləşdirici
proqramlara yer vermək. Biz Azərbaycan teleməkanında inteqra
tiv funksiyanın icrası mənzərəsini, məhz bu iki istiqamətdə araş
dırmaya cəhd edəcəyik.
Təşkilati funksiya öz xarakterinə görə digər funksiyalarla bağ
lıdır və bilavasitə onların icrasında yer alır. “O, qismən informa
siya, mədənimaarif, təşkilati, tədris və s. funksiyalarla üstüstə
düşməklə, sanki, digər funksiyaların üzərinə geyindirilir. Televi
ziyanın inteqrativ funksiyasını şüurlu şəkildə yerinə yetirən jur
nalist üçün əsas keyfiyyət kimi materiala yanaşmada cəmiyyətin
tələbləri ilə televizor qarşısında olan bir insanın qayğılarını
birləşdirmək bacarığını göstərmək olar” (237, səh. 209). Məhz bu
bacarıq jurnalistin, televiziya işçisinin vətəndaşlıq mövqeyindən,
onun peşəkarlığından xəbər verməklə tamaşaçılar arasında böyük
sevgi və rəğbət hissi ilə qarşılanmasına, populyarlıq qazanmasına,
həmçinin kanalın bu mühüm ictimai vəzifəni icrasında keyfiyyətli
proqramın meydana gəlməsinə imkan verir. İnteqrativ funksi
yanın digər ictimai vəzifələrlə yaxınlığı və onların işində birbaşa
iştirakı olduqca vacib, əhəmiyyətli olduğu kimi ayrıca, birbaşa
birləşdirici məqsədlə çıxış edən proqramlarla təcəssüm olunması
da əhəmiyyətlidir.
218
Azərbaycan teleməkanında inteqrativ funksiya dövlət televizi
yasının tək yayımlandığı dövrlərdə mərkəzləşmiş ideoloji təbliğat
müstəvisində ardıcıl şəkildə yerinə yetirilirdi. Ümumi dövlət
və Vətən anlayışı bütünlüklə televiziyanın yaradıcı siyasətinin
əsasını təşkil etməklə, birləşdirmək ideyasına söykənən proqram
lar, əslində, dövrün ideoloji tələblərinə cavab vermək məqsədi
güdürdü. Proqramlar təkcə paytaxt həyatı ilə qapanmır, ölkənin
müxtəlif yerlərində əmək qabaqcıllarını, plan doldurulmasını ətraflı
şəkildə təbliğ edirdilər. Televiziyanın təbliğatın ruporuna çevrilərək
bütünlüklə bölgələri və paytaxtı, kəndlini və fəhləni, şəhər və kənd
ziyalısını bir ideya ətrafında birləşdirərək, proqramların hamının
zövqünə uyğun olduğunu iddia etməsi, istənilən nəticəni vermədi və
verə də bilməzdi. İnsanlar mənsub olduqları sosial qruplardan, yaş
və hətta cinsi fərqlərindən irəli gələn maraq dairələrinə malikdilər
ki, bunu da tamlıqla əhatə etmək qeyrimümkündür. Yalnız moza
ik dramaturji modelə malik və informasiya, əyləncə, maariflənməni
özündə cəmləşdirib beyin qavramasına yüngül informasiya ötürən
proqramlar bu maraqları birləşdirə bilərdi.
Bu baxımdan səhər proqramları dünya təcrübəsində inteqrativ
veriliş kimi geniş tətbiq olunurdu. Belə proqramlar müxtəlif zövq
və istəklər kontekstində ümumi tamaşaçı marağını gündəlik təzə
xəbərlər, musiqi nömrələri, müxtəlif maraq doğuracaq informasi
yalar, məsləhətlər almaqla birləşdirərək, səhər işə gedən tamaşaçı
nın ona lazım olan məlumatlarla – həmin saata olan xəbərlər, hava
məlumatı, idman xəbərləri, valyuta, qiyməti kağızlar barədə ən
son nəticələr və s., ovqatını kökləyəcək musiqi, yumorla, həm çinin
tibbi, hüquqi və digər sahələrdə olan məsələlərlə bağlı ən lazımlı
bilgilərlə – silahlanması baxımından əhəmiyyətli, vacibdir. Bunu
aparılan sosial tədqiqatlar, psixoloqların rəyi də sübut edir ki, məhz
müasir televiziya ilə köklənən insanın səhər aldığı lazımi “enerji” –
xəbər, əyləncə, bilgi onu bütün günə müsbət yöndə hazırlayır. Belə
proqramların, məhz səhər vaxtı yayımlanması, adətən, saat 8.00
dan 10.00a qədər insanların evdə olduqları və işə, dərsə hazırlıq
periodunda televizoru izləmələri ilə bağlıdır. Bu da bir reallıqdır
ki, səhər işə və dərsə tələsən insan bütün diqqətini ekrana yönəldib
ona bağlana və onları başdanayağa izləyə bilməz. “Proqramlar elə
tərtib edilməlidir ki, evdən çıxmağa hazırlaşan tamaşaçıları “tutub
saxlamasın.” Proqramın süjetləri çox yığcam olmalıdır” (51, səh.
203). Ona görə də ən qısa xəbər və informasiyaların verilməsi, heç
bir təhlil və analiz olmadan yalnız məlumatlandırma, bu xəbər
bloklarının bir neçə dəfə təkrarı (həmin saatda heç də hamı eyni