Tema: mshBShda konfliktli jaǵdaylar hám olardı sheshiwde tárbiyashınıń ornı

Balańız gápke qulaq salmasa!
Ata-analar kóbinese balanıń gápke kirmewi, buyırǵan jumısın islemewinen shaǵım etedi. Balanıń gápke kiriwi yamasa qulaqsız bolıp ósiwine ata-ananıń roli kútá úlken. Ata-ana balasına ózin tutıwǵa hám sezimlerin basqarıwǵa úyretse, hámmesi jaqsı boladı. Onıń ushın bolsa tómendegilerdi usınıs etemiz.
1. Balaǵa buyırǵan jumısıńızdı qatańlıq etip, tezlik penen orınlawǵa buyırmań. Kerisinshe “Ótinish, mine sol jumıstı isle!” yamasa “Bul jumıs seniń qolıńnan keledi, men saǵan isenemen!” sıyaqlı sózlerdi álpayım tárizde isletiń.
2. Balaǵa átirap -ortalıqtı úyreniwine qarsılıq etpeń. Keri jaǵdayda balada mudam “tiyme” hám “múmkin emes” sózlerin esitkeninen keyin. qarama-qarsı tásir payda boladı. Bul qaǵıydaǵa, ásirese, bala úydi úyreniwdi baslaǵanınan baslap ámel etiw zárúr. Bunda balanıń qawipsizligin támiyinlew maqsetinde úyińizdegi rozetkalardı jasırıń, gúl túbeklerdi onıń qolı jetpeytuǵın jayǵa qoyıń hám t.b.
3. Balalar kóbinese ata-analarınıń háreketin tákirarlawları hesh kimge sır emes. Solay eken bul múmkinshilikti, álbette qollap, usınıń menen birge ózińizdińde bir eki jaman ádetlerińizden bas keshesiz. Awqatıńızdı jep bolǵanıńızdan keyin, kese yamasa tarelkanı alıp barıp juwıp qoyıń. Kiyimlerińizdi almastırıwıńız benen tez kiyim shkafına jaylastırıń. Balada sol qaǵıydaǵa ámel etedi.
4. Eger mudam perzentińizdiń kemshilikleri ushın urıssańız, onda “itibardı sol jol menen tartıw múmkin eken”, degen nadurıs túsinikten jıraq bolıń. Bunday jaǵdaydıń aldın alıw ushın onı hátte eń kishi jetiskenlikleri ushında maqtab turıń.
Balanı boysınıwshań etiw múmkinbe?
Bala jaqsılıq penen túsinbese ne qılıw kerek? Xananı tártipke keltiriwdi qálemese, úy jumıslarına járdem bermese, úyge berilgen wazıypanı orınlamasa qanday ilaj qollanǵan maqul? Bala ata-anasınıń pikirin názer-pisent etpeytuǵın bolsa, erinsheklik hám menmenlik qilsa, jaǵdaydı jaqsılaw múmkinbe?
Tómende bala menen óz-ara shártlesiw, húrmet hám muhabbatqa tiykarlanǵan múnásibetti ornatıw boyınsha usınıslar beriledi. Olardı qollap kóplegen mashqalalardı saplastırıw múmkin.