Temir, kobalt, nikel va ularning birikmalari Nazorat savollari

13. Temir (II) birikmalarining oksidlanishi
3 ta probirkaga 2-3 ml dan temir (II) sulfat eritmasidan soling, ularning har biriga suyultirilgan H₂SO₄ eritmasidan qo‘ying. Birinchi probirkaga ozgina konsentrlangan HNO₃ qo‘shib, qaynaguncha qizdiring. Ikkinchi probirkaga bromli suv, uchinchisiga-KMnO₄ yoki K₂Cr₂O₇ eritmasidan qo‘shing. Nima kuzatiladi? Reaksiya tenglamalarini yozing. Bu reaksiyalarda FeSO₄ qanday xossalarini nomoyon qiladi? Uchchala tajribada Fe^2 ionlari Fe^3 ionlariga oksidlanishini isbotlang.

14. Temir (III) birikmalarining qaytarilishi
a) FeCl₃ eritmasiga vodorod sulfidli suv qo‘shing. Nima kuzatiladi? Reaksiya tenglamasini yozing. Eritmada Fe^2 ionlari borligin isbotlang.
b) FeCl₃ eritmasiga KI eritimasidan qo‘shing. Eritmaning ranggi o‘zgarishini tushuntiring. Reaksiya tenglamasini yozing. Bu reaksiyalarda FeCl₃ qanday rol o‘ynaydi?

15. 
    Ferratlarni olinishi va ularning xossalari
    

(a) tajribani mo‘rili shkafda bajaring)
a) Probirkaga ozgina miqdorda maydalangan kaliy gidroksid soling (karbonat bo‘lmasligi kerak), unga 3-5 tomchi FeCl₃ eritmasidan va 2-3 tomchi brom qo‘shing va qizdiring. Hosil bo‘lgan kaliy ferratni rangiga e’tibor bering.
b) Kaliy ferrat eritmasiga BaCl₂ eritmasidan soling. Nima sodir bo‘ladi? Hosil bo‘lgan moddaning ranggiga e’tibor bering. Reaksiya tenglamasini yozing.
v) Kaliy ferrat eritmasiga 2n H₂SO₄ eritmasidan soling. Nima sodir bo‘ladi? Qanday gaz ajralib chiqadi va eritmada temirning qanday birikmasi hosil bo‘ladi? Kuzatilgan hodisalarni tushuntiring, reaksiya tenglamasini yozing.

16. 
    Kobalt (II) gidroksidini olinishi va xossalari
    

a) CoCl₂ eritmasiga NaOH eritmasidan qo‘shing. Hosil bo‘lgan kobaltni asosli tuzini ranggiga e’tibor bering. Cho‘kmani eritmani qizdiring. Cho‘kmani ranggi va tarkibi qanday o‘zgaradi? Reaksiya tenglamasini yozing.
b) Suyultirilgan kislotalar va konsentrlangan ishqor (ortiqcha) eritmalarda kobalt (II) gidroksidini eruvchanligini sinab ko‘ring. Reaksiya tenglamalarini yozing. Kobalt (II) gidroksidi qanday xossalarga ega?