155
A.Məmmədov, Z.Həsənov, N.Mahmudova
vermək məqsədi daşıyan istənilən gücə qarşı müqavimət göstəriləcəyini
nəzərdə tutan
bu siyasət, köhnə siyasətlə müqayisədə konkret dəyişikliləri özündə əks etdirirdi. İlk
növbəfə president Cimmi Karter regionda nəzarəti ələ keçirmək məqsədi ilə
reallaşdırılan istənilən təşəbbüsün Amerikanın milli maraqlarına hücum kimi başa
düşüləcəyini nəzərdə tuturdu. Belə bir hücümun baş tutacağı təqdirdə
hərbi
müdaxilə də daxil olmaqla cavab veriləcəyi bildirilirdi. Bu qədər açıq şəkildə
xəbərdarlıqdan sonra əlbəttə ki, Nikson doktrinası çərçivəsində qəbul edilən region
dövlətlərinin müdafiəsi ilə bağlı məsuliyyətinin həmin ölkələrin özlərinə verilməsi
prinsipi davam etdirilə bilməzdi. Həyati maraqlarını qoruya
bilmək üçün ABŞ faktiki
olaraq regionda mövcud olmalı və məsuliyyəti öz üzərinə götürməli idi. ABŞ regionda
müdafiə sahəsində tənzimləyici, silah dəstəkçisi olmağı və strateji baxımdan SSRİ-yə
qarşı çəkindirmə fəaliyyəti göstərməyə başlamışdır. Müdafiə xərclərini artıran,
mənimsənən prinsiplər baxımından region ölkələri ilə ikitərəfli münasibətləri
gücləndirmək istiqamətində fəaliyyət göstərməyə çalışan ABŞ-ın bu doktrina
çərçivəsində attığı ən mühüm addımlardan biri isə, 1980-ci ilin mart ayında RDJTF-nin
(Rapid Deployment Joint Task Force) yaradılması olmuşdur. (6, s. 276-277)
Ronald Reyqan Doktrinası
Neoqlobalizmin “kommunizmdən xilas olmaq” istiqamətində kompleks tədbirlər
proqramını özündə əks etdirən ilk doktrinası 1980-ci illərin ortalarında
irəli sürülmüş
“Ronald Reyqan doktrinası”dır. Bununla belə, qloballaşmanın strateji layihəsi amerikan
administrasiya tərəfindən bütün bəşəriyyətin sivil dalandan çıxış yolu adı altında təqdim
edilirdi. Lakin qloballaşmanın, Vyetnam müharibəsi tələsinə düşən və az qala dolları
dünya ehtiyat valyutası kimi itirmək təhlükəsi ilə üzləşən ABŞ üçün belə özünəməxsus
“antiböhran resepti” olması məsələsi arxa plana atılırdı. “Silahlanma yarışının” yeni
mərhələsi ilə üst-üstə düşən ABŞ-ın “həyati vacib maraqları”nın bəyan edilməsi, yalnız
“üçüncü dünya”
dövlətlərində deyil, digər dövlətlərdə də sol və sosialist hökumətlərə
qarşı çıxan istənilən qüvvələrin dəstəklənməsinə bəraət qazandırmaq məqsədi güdürdü.
“Totalitarizmlə” mübarizə nəticəsində sovetyönümlü dövlətlərin əksəriyyəti dağıldı və
SSRİ özü süqut etdi. Bundan sonra ata C.Buş 1990-cı ildə elan olunmuş, ABŞ və SSRİ-
nin fəal və çoxtərəfli əməkdaşlığına əsaslanan “yeni dünya düzəni” fikrindən imtina
etdi. Təkqütblü dünyaya “ABŞ BMT-dən daha çox əhəmiyyət daşıyır” fikrini özündə
ehtiva edən “Klinton doktrinası” (1994-1996) daha çox uyğun gəlirdi. Artıq Amerika
“kainatın yeni oxu” və “beynəlxalq təhlükəsizliyin əsası kimi” beynəlxalq təşkilatlara
məhəl qoymadan 1994-cü ildə İraqda vətəndaş müharibəsinə qarışdı, 1998-ci ildə
avstraliya və yeni zelandiya qüvvələrinin Şərqi Timora daxil olmağına icazə verdi və
1999-cu
ildə isə, Yuqoslaviyada müharibənin başlamasına imkan verdi (10, s. 4-5)
Bil Klinton Doktrinası
1993-cü ildə prezident Bill Klinton “Klinton doktrinası” adlandırılan, Amerikanın
yeni “cəlbetmə və genişlənməyə əsaslanan milli təhlükəsizlik strategiyası”nı təqdim
etdi. Yeni strategiya: 1) siyasət sahəsində ABŞ-ı qloballaşmadan azad edirdi; 2)
amerikan rəhbərliyinə müttəfiqləri üçün cəlbedici, digərləri üçün də xoşagəlməz
olmamaq üçün yeni mühit yaradırdı;3) hegemonluq, diktatorluq və “soyuq müharibə”
dövrünə qayıtmaq kimi ittihamları ABŞ-ın üzərindən qaldırırdı; 4) beynəlxalq
vəziyyətin amerikan maraqlarına uyğun formada inkişafına
nəzarət etmək üçün əlverişli
mühit yaradırdı. Eyni zamanda “Klinton doktrinası” (“demokratik liderlik” doktrinası
kimi də adlandırılır) sələflərinin Pax Americana-nın qurulması ilə bağlı əsrlik
fəaliyyətinin davamı hesab edilirdi. Lakin indi o daha çox ilk növbədə ABŞ-ın iqtisadi
liderliyi ilə qazanılacaq uğura əsaslanan tədrici və gücə əsaslanmayan proses kimi başa
156
A.Məmmədov, Z.Həsənov, N.Mahmudova
düşülürdü. “Amerikansayağı” ekspansionizm ideologiyasının açıq şəkildə
yenilənməsinə baxmayaraq, ABŞ liderlikdən içtina etmək fikrində deyildi, hətta 2001-
ci ilin 11 sentyabr hadisələri razlaşmayan dövlətlərə qarşı daha sərt tədbirlər
görülməsini zəruri etdi və amerikan dövlətinin beynəlxalq təhlükəsizliyin əsas
təminatçısı olduğunu bir daha təsdiqlədi. “Buş doktrinası” isə ilk dəfə 2002-ci ildə
“ABŞ-ın milli təhlükəsizlik strategiyası”
ilə irəli sürüldü, 2005-ci ilin dekabr ayında
Corc U. Buş tərəfindən ABŞ-ın təhlükəsizliyinə təhdid yaradan dövlətlərə qarşı
qabaqlayıcı zərbələr endirilməsini nəzərdə tutan direktivin imzalanmasıyla inkişaf
etdirilmişdir. Buş getdikcə gərginləşən vəziyyətdən yeganə çıxış yolunun – büyün
dünyada azadlığın genişlənməsi olduğunu düşünürdü, beləliklə də, hərbi müdaxiləni də
istisna etməyən amerikanın siyasi müdaxiləsi fikrini əsaslandırırdı: “Amerika öz
idarəetmə sistemini bununla razılaşmayan dövlətlərlə bağlamaq niyyətində deyil. Bunun
əvəzinə bizim məqsədimiz digərlərinə öz yolunu tapmağa və azadlığa nail olmağa
kömək etməkdən ibarətdir. Biz digər ölkələrdə həyata keçirilən islahatları
dəstəkləyəcəyik, bunu isə münasibətlərimizin uğurla
davam etdirilməsinin həmin
ölkələrdə əhalinin daha layiqli şəkildə yaşamasına şərait yaratması ilə əsaslandıracağıq”.
Əslində bütün bunlar 1904-cü ildən etibarən Monro doktrinasına “T.Ruzvelt əlavəsi”nin
edilməsinin müasir dildə və yeni formada ifadə edilməsindən başqa bir şey deyildi.
Hətta hadisələr də, məsələn 1903-cü ildə Panamadakı hadisələr 2003-cü il İraq
hadisələrini xatirladırdı. B.Obamanın hakimiyyətə gəlməsi ilə beynəlxalq dövriyyəyə
“yenidən yüklənmə” termini daxil oldu. Bu anlayış kifayət qədər çoxmənalı idi, xüsusən
də, Rusiya, Asiya və Latın Amerikası dövlətləri ilə münasibətlərə yenidən
baxılmasından söhbət gedirdi. Corc U. Buşdan fərqli olaraq, Obamanın siyasəti “ümumi
əsaslara”, “ümumi prioritetlərə”, “yaxınlaşmağa” və “qarşılıqlı anlaşma”ğa nail olmağa
istiqamətlənmişdi. Beynəlxalq Münasibətlər Şurasının (Council on Foreign Relations)
transatlantik siyasəti üzrə tədqiqatçısı Ceyms
Qoldqayerin sözlərinə görə, Obamanın
əsas nailiyyətlərindən biri “Amerikanın bütün dünya ilə münasibətlərində yeni mühitin
yaradılması” olmuşdur. (14, s. 138).
ABŞ-ın təhlükəsizlik anlayışında da dəyişikliklər baş vermiş, əsas mövzu olan
sovet və komunist təhlükəsi öz yerini “narahatlıq yaradan dövlət” (Rogue States)
təhlükəsinə vermişdir. Bununla yanaşı, təhdidin müəyyən dövrlərdə “qanundankənar”,
“qarşı çıxan” (backlash) dövlətlər kimi adlandırılmasına rast gəlmək mümkündür. Bu
anlayış il dəfə 1985-ci ildə Ronald Reyqan tərəfindən “qanundankənar” adı ilə istifadə
edilmiş, və müzakirə mövzusu olan dövlətlərin hücumlarına səbr göstərilməyəcəyi
bildirilmişdir. Lakin, anlayışın “narahatlıq yaradan dövlət” (Rogue States) şəkilndə
istifadəsi ilk dəfə Bill Klintonun hakimiyyəti dövründə baş vermişdir.
Prezident Klinton
22 sentyabr 1997-ci ildə BMT-nin Baş Assambleyasının 52-ci iclasında ve 29 yanvar
1998-ci ildə Milli Müdafiə Üniversitetinde (National Defense University) çıxışı zamanı
“narahatlıq yaradan dövlət” (Rogue States) terminindən istifadə etmişdir. Lakin həmin
dövrün dövlət katibi Madlen Olbraytın bəyanatı bu anlayışı ABŞ-ın təhlükəsizlik baxışı
aspektindən dəqiqləşdirir. Olbrayt “narahatlıq yaradan dövlətləri” (Rogue States) bir
tərəfə bağlı olmayan, beynəlxalq sistemi sabotaj etmək məqsədi güdən ölkələr kimi izah
edir, və onların malik oluğu uzun mənzilli raketlərə diqqət yönəldirdi. Bu dövlətlər ABŞ
tərəfindən İran, İraq, Kuba, Şimali Koreya, Liviya və Suriya hesab edilirdi. “Narahatlıq
yaradan dövlətlər” (Rogue States) adlandırılan bu ölkələr ABŞ-ın təhlükəsizlik
anlayışında SSRİ və Varşava Paktından sonra yeni düşmən elan edilmişdir. ABŞ-ın
Körfəz müharibəsi ilə başlayan narahatlıq yaradan dövlətlərlə (Rogue States)
mübarizəsi 11 sentyabr hadisələri nəticəsində başqa xarakter qazanmışdır (1, s. 18-19)