- 145 -
Foto 5. 1.Şəki Xan sarayının aynalı eyvanı və 2.Sarayın daxili divarında qoyulmuş buxarı
Yalnız bəzi elementlərin ortasına tünd terrakota rəngi daxil edilib. Bu növ rəngli əlavələr
ümumi monoxrom çərçivəyə əlavə edilmiş rəngli daşlardan yaranan tək-tək calaq kimi
görünür.
Sarayın cənub tərəfə baxan fasadı tərəfindən birinci mərtəbədə əsas otaqlara giriş iki
binanın eninə yerləşən iki koridora bənzəyən otaqdan mümkündür. Onların qapıları arkın
konfiqurasiyasının arasına salınmış sıyırma açılan şəbəkədən ibarətdir. Həmin giriş
kompozisiyası ikinci mərtəbənin səviyyəsində də təkrar olunur.
Lakin burada bu artıq giriş deyil, kiçik, nisbətən sadə taxta məhəccərlə çəpərlənmiş
lociyadır. Bu lociyanın yarımgünbəzinin stalaktitləri güzgülərlə örtülüb, və bu da bütövlükdə
kiçik olan portal elementinin görünüşünə xüsusi yaraşıq verir. Birinci yarusun arkında
(lociyanın altında) stalaktitlər güzgü parçaları ilə üzlənməyib. Odur ki, onlar sadədir, lakin
adi yaşayış evlərində yaxud şəhərin başqa tikililərində işlənən oxşar detallarla müqayisədə
daha mürəkkəbdir. Stalaktitin hər zehinin səthi oxra rəngində gil kütləsi ilə xüsusi səliqə ilə
suvaqlanıb. Detalların tinlərinin konturları saf ağ rəngdə ensiz lent ilə haşiyələnib.
Uzaqdan bu ağ rəng parlaq ajur tor kimi görünür və yuxarı stalaktit güzgü günbəzlə çox
orijinal bir ahəng yaradır.
Foto 5. 1.Şəki Xan sarayının daxili divar rəsimləri
Planın eyni simmetrik quruluşunu əks edən fasadın simmetrik kompozisiyasında
göstərilən lociya və girişlərin detalları da, artıq qeyd olunduqu kimi iki dəfə təkrar olunur.
Onu da qeyd etmək lazımdır ki, adı çəkilən koridorlar, zallardan və yan otaqlardan
fərqli olaraq özünün əsas uzununa
yerləşən
divarlarında və şimala baxan
bayır
tərəfdə heç
bir bədii tərtibata malik deyil. Ola bilsin ki, binanın tərtibatı axıra yetirilməmişdi, ya da bu
tərtibat bilərəkdən, müəyyən bir məqsədlə yarımçıq qoyulub. Həmin məqsəd də, saraya gəlib
baxan insanların həyətdən əvvəlcə ara otaqlara və tədricən sarayın əsas zallarına keçdikcə,
onun təsuratının sadə tərtibatın təmtəraqlı tərtibatla növbələşməsi üzərində yaranmasından
ibarət idi.
Həqiqətən, tamaşaşı, hətta saraya ötəri baxandan sonra, onu yaradan ustaların
fantaziyasının zənginliyinə, incə zövqünə heyran qalır. Burada müxtəlif rənglərə, qızıl suya ,
güzgülərə, vitraja, xalq memarlıqı və xalq tətbiqi sənətinin o dövr üçün xarakterik olan bir
çox başqa elementlərinə böyük yer ayrılır. Bununla yanaşı, bu cah-cəlal özünün müxtəlif
dekorativ üsulların rəngarəngliyi ilə insanı sıxmır, təzyiq etmir. Əksinə, bütün otaqların
yaruslara eyni şəkildə bölünməsi, iki yuxarı yarusun isə öz növbəsində pannolara bölünməsi
çox nadir və gözəl mənzərə yaradır. Pannolar orta yarusda tamamilə divar naxışları ilə
bəzənmiş taxçalarla növbələşir. Daha sonra stalaktit keçidin divar naxışları ilə örtülmüş
tavanın bütöv ornamentləşməsi də diqqəti cəlb edir (6,səh.242-245). Bütöv bu mənzərədə hər
detal, xüsusən də ornamentlər, onların düzülüşü, yerləşdirilməsi və rəngləri də diqqətə və təsvir
olunmaqa layiqdir.
- 146 -
ƏDƏBİYYAT
1.
Şəki xan sarayı 250 il. Azərbaycan Respublikası Mədəniyyət və Turizm Nazirliyi, Şəki
şəhər İcra Hakimiyyəti, Şəki, 2013, 12 s.
2.
Salamzadə Ə., Məmmədzadə K. Şəkinin memarlıq abidələri. Bakı, ELM, 1987, 136 s.
3.
İradə Rövşən.Şəki yaşayış evlərinin interyeri (XVIII ə.sonu-XX ə.əvvəlləri). Bakı, ELM,
2008, 152 s.
4.
Celal Esad Arseven. Türk Sanatı. İstanbul Murat Matbuaacılıq, 1970, 182 s.
5.
Salamzadə Ə., Məmmədzadə K. İsmayılov M. Şəki.Tarixi Memarlıq oçerki. Bakı, ELM,
1988, 238 s.
6.
Azərbaycan İncəsənəti. X.Azərbaycan SSR Milli Elmlər Akademiyası nəşriyyatı. Bakı,
1964,164 s.
ABSTRACT
Gulnara Kanbarova
Serap Bulat
Architecture Sheki Khan's Palace
Article is devoted to the history of building and architecture of the Khan's palace in Shaki,
located in the northeastern part of Sheki, which was built during the reign of Mohammed Hussein
Khan in 1758-1780, Has conducted an analysis of patterns of internal and external walls of the
Khan's Palace of Shaki.
РЕЗЮМЕ
Гюльнара Ганбарова
Серап Булат
Архитектура ханского дворца г.Шеки
Статья посвящена истории строительства и архитектуре Ханского дворца г. Шеки,
расположенного в северо-восточной части г.Шеки, возведенного во время правления
Мухаммед Гусейн-хана в 1758-1780 г. Проводится анализ орнаментов внутренних и внешних
стен Ханского дворца г. Шеки.
NDU-nun Elmi Şurasının 23 yanvar 2015-ci il tarixli qərarı ilə çapa tövsiyə
olunmuşdur (protokol № 05)
Məqaləni çapa təqdim etdi: Fəlsəfə üzrə elmlər doktoru, professor M.Rzayev