TÖVHİD – Allahın Qulları Üzərində Olan Haqqı 301
kimsələrdir. Onlar avam insanları aldadaraq Qurani-Kərimi açırlar və itən
əşyaların yerlərinin orada yazıldığını xəbər verirlər. Subhənəllah! Bu qədər
yalan olar!? Məgər Qurani-Kərimdə insanların itən əşyaları haqda bir şeylər
yazılıb. Bu qədər də avamçılıq olar. Dəhşət burasıdır ki, insanlar da onlara
inanırlar. Artıq sehri insanlar bir incəsənət ediblər. Bunun üçün klublar açılır,
yarışlar keçirilir, sehirbazlar seçilir. Allah Qorusun. Özünü Allahın yaxını və
qeybi bildiyini bəyan edən kəs Allahın yaxını yox, şeytanın dostudur. Qeybi
bilmək yalnız Allaha xas olan bir haqdır; "Qeybin açarları (Allahın)
yanındadır. Onları ancaq O bilir. (Allah) suda və quruda nə varsa bilir. Yerə
düşən elə bir yarpaq yoxdur ki, (Allah) onu bilməsin. Yerin zülmətləri içində elə
bir toxum, (kainatda) elə bir şey yoxdur ki, açıq-aydın kitabda olmasın". (əl-
Ənam 59). "Qeybi bilən ancaq Odur və Öz qeybini heç kəsə əyan etməz.
Bəyənib seçdiyi Peyğəmbərdən başqa! Allah onların önündə və arxasında
gözətçilər qoyar". (əl-Cinn 26-27). Buna görə də sehrbaza inanan bu ayələrin
həqiqiliyini inkar etmiş olur ki, bu da küfrdür. Falçının və ya cadugərin yanına
gedən şəxs, onların dediklərinin doğru olduğuna inanarsa küfr etmiş olar. Əbu
Hureyra rəvayət edir ki, Peyğəmbər buyurdu: "Kim bir kahinin
(sehirbazın) yanına gələrək onun dediyini təsdiq edərsə, Muhəmmədə nazil
olana küfr etmiş olar".
651
İmran ibn Huseyn rəvayət edir ki, Peyğəmbər
buyurdu: "Kim (düşər-düşməzlik, nəhs gətirmək və s. mövhumatı) sınaq etsə,
yaxud etdirsə, kim falcılıq etsə, yaxud öz falına baxdırsa, kim sehr etsə, yaxud
sehrbaza müraciət edib inansa bizdən deyildir. Kim də kahinin yanına gedib
onun dediklərini təsdiqlərsə, Muhəmmədə nazil olana küfr etmiş olur".
652
Əgər
cadugər və ya falçı yanına gedən şəxs onun qeybi bildiyini qəbul etmirsə və
onu sadəcə dinləmək və ya buna bənzər bir səbəblə gedirsə küfr etmiş olmur,
lakin fərz namazları qırx gün müddətində qəbul edilmir.
653
Peyğəmbər
buyurdu: "Kim Ərraf
654
adlanan bir kahinin yanına gələrək ondan bir şeylər
barəsində soruşaraq təsdiq etsə (inansa), qırx günlük namazı qəbul edilməz".
655
İmam əl-Manavi deyir: “Bizdən deyildir – yəni İslamın yolundan və bizim
651
Əhməd 2/ 408, 429, 476, Əbu Davud 3903, ət-Tirmizi 135, əd-Dərimi 1136, əl-Albani səhih demişdir.
652
əl-Munziri "Tərğib vət-Tərhib" 4/ 52, 3044, əl-Heysəmi 5/ 117, əl-Bəzzar 3/ 399, əl-Albani “Səhih Tərğib”
3041.
653
Qırx Günlük Namazı Qəbul Olunmaz – sözü nə deməkdir? İnanarsa qırx günlük namazı qəbul olunmaz,
yəni onun namazı dəstəmazsız namazı qılan bir kimsənin namazı kimi səhih olmaz. O savab ki, namzdan
hasil olur, bu zaman olmayacaq. Nə üçün qırx gün? Bunun hikməti isə bilinmir.
654
Ərraf – Arif – bilən deməkdir. Ərraf kimdir? Bu barədə ixtilaf vardır. Kahindir - demişlər. Şeytanlar
vasitəsilə gələcəkdən xəbər verəndir. Bəziləri isə: Ərraf daha geniş məna olub kahin, astroloq, insanın
qəlbində, ağlında olanı söyləyən, müxtəlif şeylər vasitəsilə fala baxan və s. deməkdir. İbn Əsir deyir:
"Münəccim, qeybi bildiyini iddia edən kimsədir". Xattabi deyir: "Oğurlanmış əşyanın yerini deyən, qeyb
olan şeylərin məkanını bilən və s. buna bənzər şeyləri söyləyən kimsədir".
655
Muslim 2230, Əhməd 5/ 380, 4/ 68, ət-Tabərani “Mucəmul-Kəbir” 23/ 210.
TÖVHİD – Allahın Qulları Üzərində Olan Haqqı 302
Sünnəmizdən deyildir. Çünki bu əməl cahiliyyə dövrünün əməlidir”.
656
Sehirbazı ziyarət etmək insanı İslamdan çıxardır yoxsa yox? Alimlər sehirbazın
yanına gələrək onun dediklərini təsdiq edən kimsənin küfrü barəsində ixtilaf
ediblər. O alimlər ki, sehirbazın yanına gələrək onun dediklərini təsdiq edən
kimsənin küfrünün İslamdan çıxardan olduğunu söyləmişlər - onların dəlilləri:
"Kim bir kahinin və ya sehirbazın yanına gedib onun dediyini təsdiq edərsə,
Muhəmmədə nazil olana küfr etmiş olar".
657
Onlar: “Əgər bir kimsə sehirbazın
yanına gələrək (onu təsdiq etmədiyi) halda bir şeylər soruşarsa, onun namazı
qırx gün qəbul edilməz. Bu da bu əməlin kiçik küfr olmasına dəlildir. Lakin
təsdiq edib iman gətirsə, artıq kafir olmuşdur”. Digər qrup alimlər: Bu əməlin
kiçik küfr olduğunu və İslamdan çıxarmadığını söyləmişlər. Küfürən bəhs
edən bütün hədislər bu əməlin kiçik küfr olmasına dəlildir. Peyğəmbər
buyurdu: "Kim Ərraf adlanan bir kahinin yanına gələrək ondan bir şeylər
barəsində soruşarsa (inansa) qırx günlük namazı qəbul edilməz".
658
Peyğəmbər
buyurdu: "Kim kahinin yanına gedib onun dediyini (təsdiqləyərsə) və ya
heyzli qadınla əlaqədə olarsa və yaxud qadınla arxadan yaxınlıq edərsə,
Muhəmmədə nazil olana küfr etmişdir".
659
Bu hədis açıq-aydın dəlildir ki,
söhbət kiçik küfdən gedir. Çünki, digər günahlarla yanaşı işlədilmişdir. Bu
əməli halal sayarsa – bu istisnadır.
Qeybi Bilən Allahdır - Falçıya və cadugarə gəldikdə isə onların hər ikisi də
Allahı inkar edənlərdir. Onlar qeybi bildiklərini iddia edirlər. Halbuki qeybi
yalnız Allah bilir; "Allah pisi yaxşıdan ayırmaq üçün möminləri sizin indi
olduğunuz vəziyyətə qoyan deyildir. Allah sizə qeybi də bildirən deyildir.
Lakin Allah öz Peyğəmbərlərindən istədiyi şəxsi seçər (ona qeybdən bəzi şeyləri
bildirər). Buna görə də Allaha və Onun Peyğəmbərinə inanın. Əgər inanıb
Allahdan qorxsanız, sizi böyük bir mükafat gözləyir". (Ali İmran 179). “De ki:
"Mən sizə demirəm ki, mənim yanımda Allahın xəzinələri vardır. Mən qeybi də
bilmirəm və sizə də demirəm ki, mən mələyəm. Mən özümə gələn vəhyə tabe
oluram". De ki: "Kor görənlə bir olurmu? Məgər düşünmürsünüz!" (əl-Ənam
50). “De ki: "Mən Allahın istədiyindən başqa özümə nə bir xeyir, nə də bir zərər
verə bilərəm. Əgər qeybi bilsəydim, sözsüz ki, (özüm üçün) daha çox xeyir
tədarük edərdim və mənə pislik də toxunmazdı. Mən iman gətirən bir tayfanı
qorxudan və müjdələyənəm" (əl-Əraf 188). "Qeybi bilən ancaq Odur! O, qeybi
heç kəsə əyan etməz". (əl-Cinn 26). "(Ya Muhəmməd!) De ki: ”Allahdan başqa
göylərdə və yerdə olanı, qeybi heç kəs bilməz! Onlar yenidən nə vaxt
diriləcəklərini də bilməzlər!" (ən-Nəhl 65). "Sonra Süleymana ölüm hökmü
656
“Feydul-Qadir” 5/ 384.
657
Əhməd 2/ 408, 429, 476, Əbu Davud 3903, ət-Tirmizi 135, əd-Dərimi 1136, əl-Albani səhih demişdir.
658
Muslim 2230, Əhməd 5/ 380, 4/ 68.
659
Əbu Davud 3904, əl-Beyhəqi 7/198, H. 13902, əl-Albani "Səhihul-Cəmi" 5918, 5942.
Dostları ilə paylaş: |