TÖVHİD – Allahın Qulları Üzərində Olan Haqqı 307
rəvayətdə: “Mən saleh bir sözü sevirəm”)”.
675
İbn Məsud rəvayət edir ki,
Peyğəmbər buyurdu: "Uğursuzluğa inanmaq şirkdir. Ona inanan adam heç
bir vəchlə bizdən deyildir".
676
İbn Ömər rəvayət edir ki, Peyğəmbər
buyurdu: "Hər hansı bir şeydə uğursuzluq yoxdur. Uğursuzluq ancaq
qadında, (xidmətçidə), atda və evdə olur".
677
İnfeksiya yalandır - Ərəb müşrikləri etiqad edirdilər ki, infeksiya – öz-
özlüyündə təsir etmək gücünə malikdir. Yəni Allahın təqdiri olmadan öz-
özlüyündə başqasına təsir etməsinə inanırdılar. Bu hədisdə də onların olması,
təsir etməsi inkar edilmir. Yəni infeksiya var və İnfeksiya səbəbdir, onun
nəticəsi isə xəstəlikdir. Xəstə insanı isə sağlam olan bir kəslə bir yerdə tutmaq
olmaz. Biz xəstəlikdən qorunmaq üçün qorunuruq, lakin bu o demək deyil ki,
xəstəlik öz-özünə keçir. Lakin inkar edilən onun öz-özlüyündə Allahdan qeyri
hansısa bir (qüvvə) kimi təsirə malik olmasıdır. İnfeksiya öz-özlüyündə heç
nədir, Allahın istəmədiyi müddətdə heç bir təsir qüvvəsinə sahib deyildir.
Hadisələrin baş verməsi, səbəbləri yaradan da Allahdır. Lakin ərəblər elə
etiqad edirdilər ki, mütləq xəstələnməlidir. Görürsən ki, insan xəstələr
içərisində işləyir, onlara xidmət göstərir, lakin Allahın izni ilə xəstələnmir və
ya özü xəstəliyin daşıyıcısıdır, lakin xəstə deyildir. İnfeksiya sadəcə səbəbdir.
Allah izn versə təsir edəcək, izn verməsə təsir etməyəcək. İnfeksiya səbəbdir.
Lakin mövhumat, xurafat – isə heç səbəb də deyildir. Allahın qədərinə qayıdır.
İnsan özü öz qəlbini belə şeylərlə bağlayır. Allahın təqdir etdiyinə heç vaxt
təsir edə bilməz. Çünki, bu uydurulmuş bir şeydir. Allaha təvəkkül edib
yoluna davam et. Bayquş Yalandır - Bayquşa oxşayan quşdur. Guya ki,
öldürülən kimsə bayquşa dönərək qisas axtarır və ya hansı evə qonsa, deməli o
evdə kimsə ölməlidir. Cahiliyyə ərəbləri bu quşların əcaib səslərini
uğursuzluğa yozardılar. Səfər Yalandır – Cahiliyə ərəbləri haram aylarda olan
qadağaları Səfər ayına keçirərdilər, bu ayları isə halal edərdilər. Digər təfsirdə:
“Cahiliyyə ərəbləri Səfər ayında evlənməzdilər. Çünki, bu ayı uğursuz ay
sayırdılar və aylarda baş verən nigahın uğursuz olduğuna da inanırdılar”.
Ulduzlar Yalandır - Cahiliyyə ərəbləri deyərdilər ki: filan ulduz şər gətirir,
filan ulduz xeyir gətirir. Bütün bunları Allah ilə bağlamırdılar. Qulyəbani
675
Muslim 2223.
676
Əbu Davud 3910, ət-Tirmizi 1614, İbn Hibban 1427, İbn Məcə 3538.
677
Muslim 2225, 2226. Əbu Davud 3921, 3922. İmam Məlik deyir: "Hədis zahirinə görədir. Çünki, Allah
bəzən evdə oturmağı zərər və ya həlaka bir səbəb edir. Müəyyən bir qadını, atı, yaxud da xidmətçini almaq
da belədir ki, bəzən həlak Allahın qəzası ilə bu şeylərin yanında hasil olur". Digər alimlər isə: "Evin
uğursuzluğu onun darlığı, qonşunun pisliyi və əzabına görədir. Qadının uğursuqluğu doğmamasına,
dininin pisliyinə görədir. Atın uğursuzluğu isə qiymətinin baha olması və döyüş edilməməsi və səyahət
edilməməsinə görədir”. Ənəs İbn Məlik rəvayət edir ki, bir nəfər Peyğəmbərin yanına gələrək dedi: “Ey
Allahın Rəsulu! Bir evdə yaşayırdıq, orada olarkən sayımız və mallarımız artdı. Sonra başqa bir evə köçdük.
Orada isə sayımız da azaldı, malımızda”. Peyğəmbər: “Pis yer olduğu üçün oranı tərk edin” deyə buyurdu.
Əbu Davud 3924, 3926.
TÖVHİD – Allahın Qulları Üzərində Olan Haqqı 308
Yalandır – Qulyabanilər insanlara narahatçılıq törədirdilər. Evlərdə səs-küy
salıb insanları qorxudurdular. İnsanlar müəyyən yerlərə getməyə qorxurdular.
Bu hədislərdə olan qadağa bu şeylərin qadağan olunması deyildir. Bu şeyləri
öz-özlüyündə təsir etməsinin inkar edilməsidir. Onlar yalnız Allahın izni ilə
təsir edirlər; “Onlara bir yaxşılıq üz verəndə: "Bu, bizə məxsusdur!"–
deyərdilər. Onlara bir pislik üz verdikdə isə, Musa və onunla birlikdə olanları
uğursuzluq əlaməti sayardılar. Əslində onların uğursuzluğu Allah yanındadır,
lakin onların çoxu bunu bilmir”. (əl-Əraf 131). Fironun ailəsi bədbəxtliyə
uğrayanda bunu Musaya və onunla olanlarla əlaqələndirib deyərdilər:
"Bunların hamısı Musa və onun səhabələrinin ucbatındandır". Lakin Allah
onların dediklərini təkzib edərək, onların əməllərindən nə baş verirsə (xeyir və
şər) hər biri Allahdandır; “Elçilər dedilər: "Sizin uğursuzluğunuz öz
ucbatınızdandır. Məgər sizə edilən öyüd-nəsihəti bəd əlamət sayırsınız?
Doğrusu, siz həddi aşmış bir millətsiniz”. (Yasin 19).
"Harada olursunuz olun,
hətta uca qalalar içərisində olsanız belə, ölüm sizi haqlayacaqdır. Onlara bir
xeyir yetişdikdə: “Bu Allahdandır”– deyirlər, bir pislik üz verdikdə isə: “Bu
səndəndir”– söyləyərlər. (Onlara) de: “Hamısı Allah tərəfindəndir. Bu cəmaata
nə olub ki, az qala söz də anlamır! Sənə yetişən hər bir yaxşılıq Allahdandır,
sənə üz verən hər bir pislik isə özündəndir. Biz səni insanlara Peyğəmbər
göndərdik. Allahın buna şahid olması (sənə) kifayət edər". (ən-Nisa 78-79).
Təfəul - Yaxşı söz deməkdir. İnsanlar yaxşı sözlə uğursuzluğu qarışdırırlar.
Qara pişik keçdi, axsaq insan keçdi və s. mövhumata inanaraq yolunu dəyişir,
işindən qalır – bu uğursuzluğa inanmaqdır. Çünki, bütün bu şeylər onun
qarşısına çıxmasaydı yoluna davam edəcəkdi. Təfəul – nədir? Peyğəmbər
hansı Təfəulu sevərdi? İnsan nə olursa olsun yoluna çıxmalı, qara pişik çıxır
qarşısından keçəndə Bismilləh – deyərək yoluna davam edir, qarşısına Səhl
(asanlıq) adlı yaxşı bir adam çıxdıqda – “İnşəallah, Allah mənim üçün
asanlaşdırar”– deyərək yoluna davam edir. Bu Təfəuldur. Gözəl söz - insana
sevinc, fərəh gətirir, insanın təvəkkülünü, ümidini artırır. Peyğəmbər bunu
sevərdi. Allahın ona verəcəyi xeyrə ümidi daha da artır. Qəlbi möhkəmlənir,
xəstə yanında edilən gözəl söhbət onu həvəsləndirir, Allaha ümidini artırır,
yaşamaq istəyini qüvvətləndirir. Allah barəsində xeyir zənn edir. Bu sözlər
insanın qəlbini sevindirir, insana dəstək olur. Lakin bununla yanaşı insan
Allaha təvəkkülünü çoxaltmalı, bu şeylərə isə bağlanmamaq Tövhidin
kamilliyidir. İnsan Allah barəsində daima xeyir düşünməlidir. Təfəul – uğurlu
və xeyirli saymaqdır. Gözəl sözlə təfəul haqqında ən gözəl misal, Peyğəmbərin
Hudeybiyyə səfərində Suheyl ibn Amrın adı ilə təfəul etməsidir. Məmər
deyir ki, Əyyub İkrimədən xəbər verir ki, Suheyl ibn Amr gəldikdə Peyğəmbər
Dostları ilə paylaş: |