Тупроқшунослик-ўқув қўлланма-лотин

H.
Х
.
Т
ursunov. 
Т
uproqshunoslik 
17 
tuproq donadorligi, fizik xossalarini yaxshilashda va unumdorlik darajasini 
oshirishdagi rolini aniqlashda salmoqli ahamiyat bahsh etgan olimlardandir
U tuproq hosil bo‘lish jarayonida va genetik qatlamlar shakllanishida 
o‘simlik va mikroorganizmlarning faolligi katta ahamiyatga ega ekanligini 
ko‘rsatib berdi. Tuproq qoplamining shakllanishi va unumdorligini 
oshirishda biofil moddalarning kichik biologik doirada aylanishining 
ahamiyatini belgilab berib, har bir geologik davrda o‘ziga xos bir necha 
marta tuproq hosil bo‘lishida biologik jarayonlar takrorlanib turishini 
isbotlab berdi. Gumusning tarkibiy qismini o‘rganib, o‘ziga xos organik 
moddalar hosil bo‘lishi va ularni tuproq paydo bo‘lish jarayonidagi rolini 
ko‘rsatib berdi. Chimli, podzol va botqoq tuproqlarning hosil bo‘lishi 
jarayonlarini nazariy jihatdan isbotladi. Tuproq unumdorligini oshirishda 
dukkakli o‘simliklar va o‘tlarning rolini hamda o‘t-dalali almashlab ekishni 
tavsiya etdi. V.R.Vilyams o‘tloqchilik fanining rivojlanishida o‘z hissasini 
qo‘shgan olimlardan hisoblanadi.
Akademik V.R.Vilyamsning asosiy g‘oyalari va ta’limoti 1906-yili 
nashr etilgan “Tuproqshunoslik”, “Tuproqshunoslik asoslari va 
dehqonchilik” asarlarida bayon etilgan. U Fransiya, Germaniya, Shimoliy 
Amerikaning yevropa qismi, Sibir va Kavkazda bo‘lib, turli tuproqlar 
genezisiga oid ko‘plab yangiliklar yaratdi.
O‘rta Osiyo tuproqlarining genezisi, geografiyasi va evolyutsiyasini 
o‘rganishda 
rus 
tuproqshunoslari 
S.S.Nestruyev, 
I.P.Gerasimov, 
V.A.Kovda, N.A.Dimo, A.N.Rozanov kabi olimlar o‘z hissalarini 
qo‘shdilar. 
O‘rta Osiyo tuproqlarini har taraflama birinchi bor o‘rgangan olim 
N.A.Dimodir (1873-1959). U shu mintaqada joylashgan respublikalarning 
turli masshtabdagi tuproq xaritalarini tuzib, 1929-yili Vashingtongda bo‘lib 
o‘tgan birinchi Xalqaro tuproqshunoslik kongressida namoyish etdi. 
N.A.Dimo sobiq Ittifoqning Yevropa qismi, O‘rta Osiyo, Kavkaz va 
Moldova tuproqlari geografiyasi, sho‘rlanishi, biologiyasi, fizikasi va 
melioratsiyasiga taalluqli ishlarni amalga oshirgan. N.A.Dimo 1900-yildan 
boshlab O‘rta Osiyo, ayniqsa, Sirdaryo va Amudaryo havzalari tuproqlarini 
batafsil tekshirishga kirishib, Mirzacho‘l yerlarining meliorativ holatini 
o‘rganib, shu hudud tuproqlarining sho‘rlanish xaritasini tuzib chiqdi. U 
birinchi marta Mirzacho‘l tuproqlarida ko‘p sonli yomg‘ir chuvalchanglari, 
chumolilar va mayda umurtqali jonivorlarning tuproq hosil bo‘lishida, 
donadorlik va unumdorligini oshirishdagi ahamiyatini o‘rgangan olimdir. 
N.A.Dimo Tuproqshunoslik va geobotanika ilmiy-tadqiqot instituti 
tashkilotchisi va Turkiston universitetining birinchi rektori edi. Sobiq 
ittifoq davrida V.V.Dokuchayev nomidagi tuproqshunoslik instituti (1927-

---

H.
Х
.
Т
ursunov. 
Т
uproqshunoslik 
18 
yil) va respublikalarda tuproqshunoslik ilmiy-tadqiqot institutlari, 
Turkiston universiteti, Toshkent va Samarqand Qishloq xo‘jaligi institutlari 
qoshida tuproqshunoslik va agrokimyo kafedralari ochildi. 
Keyinchalik SSSR davrida O‘rta Osiyoda I.P.Gerasimov, 
V.A.Kovda, A.A.Rode, V.V.Yegorov kabi yirik tuproqshunoslar tuproq 
geografiyasi, fizikasi va melioratsiyasi borasida asosiy ishlarni amalga 
oshirdilar. Paxtachilik hududlari tuproqlarini o‘rganishda M.A.Orlov, 
I.N.Antipov-Karatayev, 
S.N.Rijov, 
M.A. 
Pankov, 
N.V.Kimberg, 
B.V.Gorbunov, 
A.Z.Genusov, 
M.U.Umarov, 
M.B.Bahodirov, 
A.M.Rasulov, A.A.Sadriddinovlarning xizmatlari kattadir. 
Hozirgi paytda Markaziy Osiyo tuproqlari jug‘rofiy tarqalishi, 
genezisi, evolyutsiyasi va ularning unumdorligini oshirish hamda 
muhofazasi choralari ishlab chiqilgan. Sug‘oriladigan tuproqlarning 
1:10000, 1:25000 xaritalari jamoa, davlat, fermer xo‘jaliklari miqyosida 
tuzib chiqilgan. Respublikamizda mustaqillik davrida Yer kadastri 
qo‘mitasi tuzilib, sug‘oriladigan yerlardan unumli foydalanish va ularni 
himoya qilish uchun dehqonchilik va fermer xo‘jaliklariga uzoq muddatda 
foydlanish uchun davlat tomonidan ijaraga berilgan.