Тупроқшунослик-ўқув қўлланма-лотин

Mintaqaviy tuproqshunoslik
tuproq qoplamini regionlar (tuman, 
viloyat, o‘lka, davlat) miqyosida himoya qilish usullarini ishlab chiqish va 
xalq xo‘jaligida foydalanish imkoniyatini o‘rganadigan yo‘nalishdir. 
Oxirgi yo‘nalish tuproqshunoslik fanining taraqqiyoti, insoniyat faoliyatida 
ishlab chiqaruvchi kuchga aylanishi va uni boshqarish usullarini o‘z ichiga 
oladi. Tuproqshunoslik qishloq xo‘jaligi va dehqonchilik bilan 
chambarchas 
bog‘liqdir, 
bu 
soha 
qishloq 
xo‘jaligi 
yoki 
agrotuproqshunoslik
deyiladi. Bu fan doirasiga tuproq qoplamidan 
ratsional foydalanish, o‘simliklarni moslashtirish, almashlab ekishni joriy 
etish, unumdorlikni oshirish choralari, muhofaza qilish, agrotexnik va 
meliorativ tadbirlarni qo‘llash, tuproq jarayonlari va rejimlarni optimal 
ravishda saqlash kabi masalalar kiradi.
Meliorativ tuproqshunoslik
tuproq izlanishini injener-texnik, 
kimyoviy, biologik va agrotexnik usullar bilan yaxshilash choralarini 
qo‘llashdan iboratdir.
O‘rmonchilik tuproqshunosligi
o‘rmonlar mahsuldorligini oshirish, 
kengaytirish, ixota mintaqalarini yaratish uchun daraxtlarni tanlab 
o‘tkazish, agromelioratsiya yordamida o‘rmonlar joylashgan yerlarni 
yaxshilash masalalarini hal qiladi.
Sanitariya 
tuproqshunosligi
tuproqdagi 
zararli 
radioaktiv 
elementlar, sanoat va maishiy chiqindilar tarkibidagi og‘ir metallar hamda 
qishloq xo‘jaligida ishlatiladigan pestitsidlardan tozalash masalalari bilan 
shug‘ullanadi.
Tuproq tarkibida zararli mikroorganizmlar, aktinomitsetlar va boshqa 
parazitlar yashaydi, ular faoliyatini zararsizlantirish masalasi ham 
sanitariya tuproqshunosligining obyekti hisoblanadi. 
Muhandislik tuproqshunoslik
(injenerlik geologiya, gruntovedenie) 
tuproq qoplamidan gidrotexnik, sanoat, turar joy binolarini va boshqa 
kommunikatsiyalarni qurishda fundament yoki qurilish materiali sifatida 
foydalaniladi. Tuproqshunoslik harbiy va kriminalistik sohadagi 
masalalarni hal qilishda ham ishtirok etadi.