163
1 – “Mali cihət” vergisi vermək. Bu vergi məhsulun onda bi-
rindən ibarət idi. Əgər torpaq mülk sahibini toxum və kənd təsərrü-
fatı texnikası ilə əkilmişsə bu verginin miqdarı beşdə birə qalxırdı.
Bağ və bostanın məhsulundan “mali cihət” vergisi üçdə bir nisbətin-
də idi.
2 – Hər on ailə ağaya, yaxud bəyə bir kişi və hər on beş ailə
bir qadın xidmətçi verməyə borclu idi.
3 – Məhsuldan verilən “mali cihət” vergisi torpaq sahibinin
anbarına və ya göstərdiyi yerə məcburi olaraq əkinçilər tərəfindən
daşınmalı idi.
4 – Hər əkinçi ailəsi öz heyvanı ilə ildə on səkkiz gün mülk
sahibinin torpağını pulsuz əkib-becərməli, mülk sahibinin köçünü,
odununu daşımalı, ev işlərinə kömək etməli və tapşırdığı başqa
işləri görməli idi. Torpağa bağlı olan kəndli bu işləri görməzsə, hər
bir gün üçün mülk sahibinə 20 qəpik pul ödəməli idi.
5 – “Avraz” adlandırılan və mülkədarın torpağının iki gün
ərzində kənd əkinçiləri tərəfindən kollektiv surətdə əkilməsini
nəzərdə tutan xanlıq dövründən qalma icbar yenə də qüvvədə idi.
Kəndlilər bu məcburi işi də yerinə yetirməli idilər.
6 – “Çöpbaşı” adıyla tanınan və otlaqlara aid olan xanlıq döv-
ründən qalma vergi kəndlilər tərəfindən yerinə yetirilir və ödə-
nilirdi.
7 – Mülkədarın torpağında müvəqqəti olaraq yaşayan köçəri
əkinçilər ailə başına dörd manat ödəməli idilər.
Kəndlilərdən alınan vergilərin sayı və miqdarı müxtəlif idi.
Vergilərin müxtəlifliyi, ilk növbədə, iqlim şəraitindən və tez-tez baş
verən feodal ara müharibələrinin vurduğu zərərdən asılı idi. Məlum
olduğu kimi XVIII əsrin ikinci yarısında Azərbaycanın bütün xanlıq-
ları çox ağır siyasi şəraitlə qarşılaşırdılar. Tez-tez baş verən hərbi yü-
rüşlər, saray çevrilişləri kəndli təsərrüfatına da ağır zərbə endirirdi.
Belə bir şəraitdə feodallar istər-istəməz yaşayış mənbəyi olan
kəndli əməyini qorumaqda məcbur idilər.
164
Kənd təsərrüfatı
Bildiyimiz kimi Urmiya xanlığı Səfəvi-Osmanlı savaşlarının
getdiyi yerdə bərqərar olmuşdu. Sonralar Nadir şah Qırxlı-Avşarın
apardığı uzunmüddətli müharibələr nəticəsində xalq yoxsul vəziy-
yətə düşmüşdü. Tarix boyu bir-birini əvəz edən savaşlar məhsuldar
qüvvələrin inkişafına mane olmuşdu. Səfəvi-Osmanlı dövlətlərinin
sərhədində yaşayan kürd əşirətləri Urmiya əkinçilərinin əsas zərər-
vericisi idi. Məhsul hasilata gəlincə “Əcəmin malı halaldır” deyən
kürd basqınçıları Urmiyaya yürüş edirdilər.
Urmiya vilayəti ərazisinin böyük bir hissəsi əkinçilik üçün ya-
rarlı olduğuna görə burada buğda, arpa, darı, çəltik, pambıq, tütün,
mərcimək, noxud əkib-becərir, bağçılıq və bostançılıqla məşğul
olurdular.
Otlaqların bol olması Urmiyada maldarlığın inkişafı üçün əl-
verişli şərait yaradırdı. Xırda və iribuynuzlu mal-qara bəsləyən Ur-
miya vilayətinin əhalisi dəri aşılamaqla, yağ-süd məmulatlarının is-
tehsalı ilə də məşğul olurdu.
Urmiya xanlığınıın iqtisadiyyatının əsas sahələri olan əkin-
çilikdə, maldarlıqda natural təsərrüfatçılığın aparıcı mövqedə olması
və xanlıq dövründən qalma torpaq mülkiyyəti formalarının və isteh-
sal münasibətlərinin qüvvədə qalmasıdır.
Urmiya xanlığı üzrə əkilən torpaqların əksəriyyəti dənli bitki-
lər və pambıq üçün istifadə olunurdu. Misal üçün, üçün, 1200 xal-
var əkilən torpağı olan Urmiya mahalında 600 xalvar torpaq sahə-
sində buğda və arpa, 500 xalvar torpaq sahəsində pambıq, 100 xal-
var torpaq sahəsində çəltik əkirdilər.
Pambıqçılıq
Xanlıqlarının kənd təsərrüüfatında pambıqçılıq və ipəkçilik də
müəyyən yer tuturdu. Xanlıqlar dövründə pambıq, ipək istehsalı
Urmiya, Marağa və Ərdəbil xanlıqlarında daha geniş yayılmışdı.
165
Xanlıqlarda pambıqçlıqla məşğul olan kəndlilərin sayı ilk
illərdə çox az idi. İstehsal edilən pambıq məhdud miqdarda olub,
yalnız yerli əhalinin ehtiyacının ödənilməsinə sərf olunurdu. Lakin
XVII əsrin axırlarından başlayaraq, pambıq alveri ilə məşğul olan
bir sıra xarici tacirlərin Azərbaycana gəlməsi, həmçinin bazarlarda
pambığa olan tələbatın artması onun istehsalının genişlənməsinə sə-
bəb oldu. Tacirlər öz ölkələrinə xammal, o cümlədən pambıq gön-
dərməklə məşğul olurdular. Doktor Tağı Bəhraminin verdiyi mə-
lumata görə, 1667-ci ildə Stakonk adlı amerikalı keşiş birinci dəfə
olaraq Urmiyəyə yerli çeşiddən fərqlənən yüksək keyfiyyətli pam-
bıq toxumu gətirmişdir. Bundan sonra həmin növ pambığın əkini
bütün vilayətdə yayılır. XVIII yüzilin ikinci yarısı və XIX əsrin
əvvələrində çoxlu miqdarda əla növlü pambıq Urmiya xanlığından
başqa ölkələrə aparılırdı.
Azərbaycan xanlıqlarında ipəkçiliyin, pambıqçılığın inkişafı
və onların qonşu ölkələrə ixrac edilməsi inkişaf etməkdə olan pul-
mal tədavülünə müəyyən qədər müsbət təsir göstəriridi.
Xanlıqlarda, xüsusi ilə Təbriz, Marağa, Sərəb və Urmiyada
geniş tut ağacları sahələri var idi ki, bu da həmin vilayətdə ipəkçi-
liyin inkişafına əlverişli şərait yaradırdı.
Xanlıqlarda bostançılıq və tərəvəzçilik də geniş yer tuturdu.
İstehsal edilən bitki yağı dərmanların hazırlanmasında, metalların
pasdan qorunmasında, evlərin, hərbi düşərgələrin və müharibələr
zamanı döyüş meydanlarının işıqlandırılması işində istifadə edilirdi.
Bitki yağları içərisində gərçək yağına tələbat daha çox olduğu üçün,
onun hazırlanmasına xüsusi diqqət verilirdi.
Sənətkarlıq
Urmiya xanlığının əhalisinin əsas faizi avşarlardan ibarət idi.
Avşar eli Oğuz ulusunun içində mədəniyyəti ilə seçilirdi. Bu da on-
ların güclü soy duyğusu ilə bağlı idi. Avşarlar soy-köklərinə hör-
mətlə yanaşırdılar. Onlar özgəni söyməz, özlərini öyməzdilər. Bir-
liyi, bütövlüyü siyasət halına gətirmişdilər. Birlikləri sayəsində rifah
Dostları ilə paylaş: |