Hansı inkişaf qüsurları inkişaf edə bilər? •
Onurğa sütununun yarılması – onurğa sütununun sümükləri düzgün inkişaf etmir.
•
Üz və kəllə sümüklərinin deformasiyası, həmçinin “dovşan dodağı” və “qurd ağız” (üst dodağın
və/və ya üz sümüklərinin yarılması).
•
Ətrafların, ürəyin, böyrəklərin, sidik yollarının və cinsiyyət orqanlarının düzgün formalaşmaması.
•
Eşitmə qabiliyyətinin zəifləməsi (karlıq daxil olmaqla).
5. İNKİŞAF VƏ TƏLİM PROBLEMLƏRİ Hamiləlik zamanı valproy turşusunun qəbulu sizin uşağınızın inkişafına təsir göstərə bilər. Hamiləlik zamanı valproy turşusunu qəbul edən qadınlarda:
•
100 uşaqdan təxminən 30-40-da inkişaf problemləri qeyd oluna bilər.
Uzunmüddətli fəsadlar məlum deyil.
Aşağıda qeyd olunan inkişaf problemləri qeyd oluna bilər:
•
Yerimənin və nitqin daha ləng inkişafı.
•
Həmin yaşda olan digər uşaqlar ilə müqayisədə daha zəif əqli inkişaf.
•
Zəif nitq bacarıqları.
•
Yaddaş problemləri.
Hamiləlik zamanı valproy turşusunu qəbul edən qadınlardan olan uşaqlarda autizm və ya autistik spektrin
pozulmaları daha çox müşahidə olunur. Bundan başqa, həmin uşaqlarda diqqət çatışmazlığı və/və ya
hiperaktivlik sindromunun inkişafı riski daha yüksək ola bilər.
6. BU, MƏNİM ÜÇÜN NƏ DEMƏKDİR? Aşağıda təsvir edilmiş vəziyyətlərdən sizə aid olanı seçin və müvafiq informasiyanı oxuyun:
•
Mən valproy turşusu ilə müalicəyə başlayıram.
•
Mən valproy turşusunu qəbul edirəm və ailə qurmağı planlaşdırmıram.
•
Mən valproy turşusunu qəbul edirəm və ailə qurmağı planlaşdırıram.
•
Mən valproy turşusunu qəbul edirəm və məndə hamiləlik baş verib.
