Vaqif aslan seçİLMİŞ ƏSƏRLƏRİ

Milli Kitabxana

 

 

 

97

                Bir körpə gəlişi saxlayıb məni. 

                                                                                     6iyun 1979 

      SEVDALI QIZ 

 

                                 Söyləsənə gül üzdəki qəm nədir, 

                Niyə gülmək çətin gəlir sənə, qız? 

                Bilməyincə gözündəki nəm nədir, 

                Göyüm-göyüm göynəyəcək sinə, qız. 

 

                                Elə baxma, yanıqlıyam, yanaram, 

                                Elə gülmə, gülüşündən sınaram 

                                Susub durma, sükutundan donaram, 

                                Qıyarsanmı bir cavana, denə, qız? 

 

           Zirvədə çən, sevən başda dən olar, 

           Sevən ürək qəlbi olar, gen olar, 

           Dərdin, qəmin dərd-qəmimə tən olar, 

           Dərdin alım, de dərdini mənə, qız. 

 

           Mən kövrəyəm, sənin qəlbin həzindi, 

           Yana-yana dərd ovudaq biz indi. 

           Sevda yolu hər bir yoldan uzundu, 

           Şair könlüm dilə gəldi yenə,qız. 

                                                                            12yanvar 1977  

YOLÇU 

 

                           O batan Günəşin şüalarıtək 

                           Süzülür qəlbimə xatirələrin.  

                           Ehmalca saçıma toxunur külək, 

          Elə bilirəm ki, əlindir sənin. 

 

          Hər yerdə belədir, gün batanda, bax, 

          Üfüqün gözünə qanlar sağılır. 

          Göylərin Günəşi batsa da,ancaq 

          Qəlbimdə baçqa bir Günəş doğulur. 

 

          Çöksə də yollara daha qaranlıq, 

---

Milli Kitabxana

 

 

 

98

          Gedirəm qəlbimin işığıyla mən. 

          Yenə ayrılığa  qaldı  yamanlıq, 

          Bilmədi, sən mənim ürəyimdəsən. 

 

                          O batan Günəşin şüalarıtək 

          Süzülür qəlbimə xatirələrin. 

          Ehmalca saçıma toxunur külək, 

          Elə bilirəm ki, əlindir sənin. 

 

SON GÖRÜŞ 

      

                          Son görüş özü də vüsaldır,düzü, 

                          Duyuram şirindir,.. doya bilmirəm. 

                          Əlimdən nə gəlir? – Yaxşı yol sözü, 

                          Qəlbimdən nə keçir? – deyə bilmirəm. 

                          Başımda fikirlər pərən-pərəndir, 

                          Gözümdə dağların yatır dumanı. 

                          Sənin də ürəyin lap kövrələndir, 

                          Mənim də qəlbimin yoxdur amanı. 

                          Nə var ayrılırıq... Böyük işdi bu? 

                          Nə var,söz vermisən bir özgəsinə. 

                          Axı,nə olsun ki,son görüşdü bu? 

                          Elə son görüş də bəs edər mənə. 

                          Nə olsun?.. Deyirəm,incimirəm mən... 

                          Bu,qəlbin kini yox,nisgilləridir. 

                          Gələcək var olsun,Nəbi demişkən: 

                 – İllər ömürlərin sahilləridir. 

                                                                    15yanvar 1976 

NƏ İSTƏRSƏN? 

 

                          Can istədin,.. candan keçdim... 

                          Candan artıq nə istərsən? 

                          Qan istədin,.. qandan keçdim... 

                          Qandan artıq nə istərsən? 

                          Göz yaşımda yuyunduqca 

---

Milli Kitabxana

 

 

 

99

                          Açdı gülün xonça-xonça. 

                          Zülm elədin mənə bunca 

                          Bundan artıq nə istərsən? 

                          Məndən alıb qovdun məni, 

                          Ovum-ovum ovdun məni, 

                          Ovuc-ovuc sovdun məni, 

                          Ondan artıq nə istərsən? 

 

                          Cismim yoxdur,ruham daha... 

                          Varamsa da,yoxam daha. 

                          Bax Tanrıya,bax Allaha, 

                          Məndən artıq nə istərsən? 

                                                                                7fevral 1997 

YORULDUM 

 

                        Gəl,ey ötən günlər,ey ötən anlar, 

                        Həsrət tellərini çaldım,yoruldum. 

                        Qayğısız-qayğısız gülən cavanlar, 

                        Mən də sizin kimi güldüm,yoruldum. 

 

                        Ayıldım yuxudan iş ötüşəndə, 

                        Gülə yox,qanqala ox ilişəndə. 

                        Mən də yaman sevdim eşqə düşəndə, 

                        Çox qıza çox Məcnun oldum,yoruldum. 

 

                        Sinə dəftər oldu,dil qələm oldu, 

                        Yazdığım hər şeir bir aləm oldu. 

                        Tərif də etdilər,bu da qəm oldu, 

                        Axırda əlacsız qaldım,yoruldum. 

 

                        Nə onda insaf var,nə məndə dözüm... 

                        Vəfasızmı deyim? Gəlməyir üzüm. 

                        Ağlama,ürəyim,ağlama,gözüm, 

                        Sevdadan payımı aldım,yoruldum. 

 

                        Bəsdir,Cumayoğlu, giley eylədin, 

---