128
əmtəələrin (xidmətlərin) dəyişdirilməsinin əsasında nə
durur?
Bu suala müxtəlif dövrlərdə fərqli cavablar verilmiş-
dir. Bəziləri göstərir ki, əmtəələrin mübadiləsinin əsasında
ona sərf olunmuş əmək, digərləri ictimai zəruri iş vaxtı,
başqaları əmtəənin istehsalına çəkilmiş xərclər, bir qismi
əmtəənin faydalılığı, nəhayət tələblə-təklif durur.
Məsələn, klassik iqtisadi nəzəriyyənin banilərindən
biri A.Smit, dəyərin ölçü vahidi kimi bəzən əmtəənin is-
tehsalına sərf olunan iş vaxtı, bəzən də əməyin özünün
dəyərini əsas götürmüşdü.
D.Rikardo isə iddia edirdi ki, dəyərin ölçü vahidi,
istehsalın ən pis şəraitində sərf olunan iş vaxtıdır.
J.Sismondi dəyər kəmiyyətini, cəmiyyətin məcmu
(bütövlükdə) tələbatı ilə onun bu tələbatını ödəmək üçün
lazım olan əməyin miqdarı arasında yaranmış nisbət kimi
izah etmişdi.
K.Marks əmtəənin dəyərini onun istehsalına sərf
olunmuş ictimai zəruri iş vaxtı ilə müəyyənləşdirməyi irəli
sürmüşdü. Avstriya iqtisad məktəbinin nümayəndələri əm-
təənin dəyərini onun faydalılığı ilə ölçməyi zəruri hesab
etmişlər.
P.Samuelson, C.Klark və başqa iqtisadçılar əmtəənin
dəyər kəmiyyətinin ona sərf olunmuş son xərclər əsasında
formalaşdığını göstərmişlər.
Tanınmış ingilis iqtisadçısı A.Marşall dəyər nəzəriy-
yəsi tarixində yenilik yaradaraq, daha doğrusu güzəştli
variant taparaq, dəyərin kompleks amillər (xərclər, fayda-
lılıq, tələb, təklif, qiymət) əsasında formalaşdığını irəli
sürmüşdür.
Müasir dövrdə, bu problem ətrafında iqtisadçılar ara-
129
sında müxtəlif istiqamətlərin nümayəndələri kimi mübahi-
sələr davam etsə də, lakin bir amilə üstünlük vermək fikri
yox, çoxamillilik əsasında dəyərin formalaşması mövqeyi
bəyənilir.
Müxtəlif istehsal proseslərinin bilavasitə, yaxud do-
layı yollarla başlıca amili və əmtəə dəyərinin yaradıl-
masının mühüm şərti olan əmək - sadə, mürəkkəb, konkret
və mücərrəd (abstrakt) kimi səciyyələndirilə bilər.
Əmək yalnız insana məxsus olub, onun şüurlu və
məqsədyönlü fəaliyyətidir. İstehsal və xidmət dairəsində
çalışan insanlar, fiziki-əqli (zehni) qüvvələrini işə salmaq-
la müxtəlif təyinatlı əmtəələr hazırlayırlar, yaxud xid-
mətlər göstərirlər.
Sadə əmək, xüsusi hazırlıq və ixtisas tələb etməyən,
lakin cəmiyyət üçün müəyyən, əhəmiyyəti olan bir işdir.
Yükdaşıyanın, süpürgəçinin, xadimənin, qəzet köşkündə
işləyənin fəaliyyəti sadə əməyə nümunə ola bilər. Mürək-
kəb əməyə, mühəndisin, proqramlaşdırıcının, təyyarə sü-
rücüsünün, həkimin, alimin, bəstəkarın işini aid etmək
olar.
Konkret əmək - müəyyən faydalı formada sərf olu-
nan və nəticədə istehlak dəyəri yaradan əməkdir. Əmtəə-
lərin istehlak dəyərlərindəki fərqlər, onların müxtəlif
konkret əmək növlərinin məhsulları (çörək, sement, ayaq-
qabı, kompüter, çil-çıraq, dəftər) olması ilə bağlıdır. Mə-
lumdur ki, neftçi yanacaq hasil edir, şaxtaçı daş kömür
çıxarır, mühəndis bina tikir.
Deməli, hər bir əmtəə istehsalçının konkret əməyi,
öz iş şəraiti və peşəkarlıq xüsusiyyətləri ilə bir-birindən
fərqlənirlər. Aydındır ki, hər hansı bir konkret işin görül-
məsi üçün, buna uyğun əmək cisimləri (predmetləri), ava-
130
danlıq, alətlər, peşə vərdişləri, ixtisas və ustalıq lazımdır.
Xalq arasında əbəs yerə demirlər ki, «çörəyi çörəkçiyə
yapdır, hər işi öz ustasına gördür».
Nəzərə almaq lazımdır ki, konkret əmək istehsal
olunmuş, hazırlanmış müxtəlif təyinatlı əmtəələrin isteh-
lak dəyərinin yeganə mənbəyi deyildir. İnsan öz gündəlik
istehsal və xidmət fəaliyyətində təbiətin ona verdiyi
nemətləri (maddələri) məqsədyönlü, şüurlu surətdə öz
tələbatlarına uyğun formalara salır. Eyni zamanda o öz
biliyi və zəkası ilə təbiətdə mövcud olmayan birləşmələr,
yeni keyfiyyətlərə malik maddələr yaradaraq, bunlardan
öz konkret məqsədləri üçün bacarıqla faydalanır. Ayrı-ayrı
istehlak dəyərləri, təbiət cisimləri və insan əməyinin bir-
ləşməsinin şüurlu konkret nəticəsidir.
Mücərrəd, abstrakt əmək dedikdə - hər hansı bir
əmtəənin (dəzgahın, tikinti materiallarının, ərzağın), yəni
müxtəlif təyinatlı konkret əmək məhsulunun, ümumiyyətlə
insan əməyinin, onun enerjisinin, ağlının, zəhmətinin məh-
sulu kimi başa düşürük. Sözün geniş mənasında, hər əmtəə
dar bir peşə sahibinin konkret əməyinin nəticəsi olmaqla
yanaşı, eyni zamanda ümumi, bəşəri ictimai əməyin kiçik
hissəsi, sanki vahid materiyanın saysız-hesabsız atom-
larından biridir. Müxtəlif istehsalçıların konkret əməkləri
belə bir ümumi iqtisadi cəhəti ifadə edir ki, konkret forma-
sından asılı olmayaraq, onların əməyi ümumiyyətlə icti-
mai əmək, yaxud abstrakt və mücərrəd əməkdir.
b)
Dəyər kateqoriyası hər bir əmtəənin təbii və icti-
mai xassəsidir. Dəyəri, onun əmtəədəki varlığını hər hansı
bir fiziki, yaxud kimyəvi üsullarla aşkar etmək mümkün
deyildir. Dəyər öz xassəsini əmtəə istehsalçılarının bazar
sövdələşmələrində, münasibətlərində, qarşılıqlı mübadilə-
lərində üzə çıxarır.
131
Müxtəlif istehsalçılar öz əmtəələrini onlara lazım
olan başqa əmtəələrə mübadilə etdikdə, yaxud müəyyən
qiymətə satdıqda dəyərin mahiyyəti aydınlaşır.
Öz dəyərini (A) başqa bir əmtəədə (B) ifadə, edən
əmtəə - nisbi dəyər forması adlanır. Başqa əmtəənin (A)
dəyərini ifadə edən əmtəə - (B)- ekvivalent dəyər forması
adlanır. Deməli, nisbi və ekvivalent dəyər formaları, eyni
dəyər ifadəsinin bir-birindən asılı, eyni zamanda bir-birinə
əks olan tərəfləridir.
Məsələn: 1 balta = l qoyuna
10 balıq = 1 səbət meyvəyə
1 kisə taxıl = l ov alətinə mübadilə oluna bilər.
Bu misalda balta, balıq, taxıl nisbi, qoyun, meyvə, ov
aləti isə ekvivalent dəyər forması rolunu oynayır.
Qeyd etmək lazımdır ki, nisbi dəyər forması aktiv,
fəal, üstün; ekvivalent dəyər forması isə passiv, seyrçi rol
oynaması ilə fərqlənir. Çünki, ekvivalent (passiv) əmtəə,
başqa (aktiv) olan əmtəənin dəyərini ifadə etmək üçün va-
sitəçi rolunu oynayır. Baltanın qoyuna və taxılın ov sila-
hına mübadiləsi göstərir ki, onların istehsalına təxminən
eyni əmək sərf olunmuşdur, habelə bu mübadilə hər iki
tərəfə faydalıdır.
Şübhəsiz, müxtəlif əmtəə istehsalçıları öz məhsulla-
rını mübadilə edərkən, yaxud satarkən həmin əmtəələrin
hazırlanmasına sərf etdikləri əməyin kəmiyyəti (miqdarı)
ilə hesablaşmağa məcburdurlar. Əgər fövqəladə bir hadisə
baş verməmişsə və ciddi ehtiyac yoxdursa, heç kəs 10
saata hazırladığı məhsulu, 5 saata başa gəlmiş əmtəəyə,
yaxud illik zəhmətini 2 aya başa gələn bir işə mübadilə
etməz.
Təsadüfi deyildir ki,F.Engels bu məsələni aydınlaş-
Dostları ilə paylaş: |