117
dərslikdə qeyd olunmuş işlərin fərdi şəkildə yerinə yetirilməsi məqsədəuyğundur.
Parçanın ifadəli oxusu zamanı ifaçının hansı vəzifəni yerinə yetirəcəyi barədə işin
əvvəlində müsahibə aparmaq faydalıdır. Sonda bir neçə ifa
dinlənilir və onlara
münasibət bildirilir.
Qiymətləndirmə. Formativ qiymətləndirmə aparılarkən 38-45-ci səhifələrdə
verilmiş müvafiq qiymətləndirmə meyarları və səviyyələri
üzrə cədvəllərdən
istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə yetiriləcəyini
şagirdlərə xatırladır.
Mövzu: Mirzə İbrahimov. “Gələcək gün” – 4 saat
Birinci saat:
Əsərin məzmunu üzrə iş
Standartlar
Təlim nəticələri
1.1.1.
Romanda tanış olmayan sözlərin mənasını lüğətlərdən, sorğu
kitablarından istifadə etməklə aydınlaşdırır.
1.1.3.
Romanı hissələrə ayırır, seçdiyi hissənin məzmununu ha-
zırladığı plan əsasında yığcam nağıl edir.
1.1.5.
Romanda bədii təsvir və ifadə vasitələrini müəyyənləşdirir.
2.2.1.
Romanla bağlı müzakirələrdə mövzuya
tənqidi münasibətini
əsaslandırır, fərqli fikirlərə dözümlülük nümayiş etdirir.
Dərsin gedişi
Ev tapşırığının yerinə yetirilməsi səviyyəsi təqdimatların dinlənilməsi və müza-
kirəsi əsasında müəyyənləşdirilə bilər. Həmin prosesdə müəllimin müvafiq qiy-
mətləndirmə meyarlarından istifadə etməsi məqsədəuyğundur.
Motivasiya, problemin qoyuluşu. Motivasiyanın yaradılmasına
fərqli yollarla
nail olmaq mümkündür
. Dərslikdəki “Yada salın” başlıqlı suallar əsasında yığcam
müsahibənin aparılması, vaxta qənaət baxımından, daha faydalıdır. Tədqiqat sualı
tədricən formalaşdırılır.
Tədqiqat sualı: Zalıma, amansıza yalvarmaqla onda mərhəmət hissi yaratmaq
olarmı?
Şagirdlərin fərziyyələri dinlənilir, təkrara yol verilmədən qeyd edilir.
Tədqiqatın aparılması. Sinifdə əsərin ilk iki parçasının oxusu həyata keçirilir.
Bu, fərqli oxu növlərinin və formalarının tətbiqi ilə reallaşdırıla bilər.
Hadisələrin
gözlənilməz inkişafı proqnozlaşdırılmış oxudan istifadəyə də üstünlük verir.
Dərslikdə təklif edilmiş tapşırıqlar fasilələrlə oxunun tətbiqi üçün nəzərdə
tutulmuşdur. Birinci parçanın oxusundan sonra şagirdlərə məzmunla bağlı suallara
cütlük şəklində cavab hazırlamaq təklif edilir. Eləcə də ikinci parçanın oxusundan
sonra şagirdlər dərslikdəki suallara cütlük şəklində cavab hazırlayırlar. Cavabları
oxşar olan cütlüklər birləşərək kiçik qruplar yaradırlar. Cavablarını, müəyyənləş-
dirdikləri bədii təsvir və ifadə vasitələrini
kiçik qruplarda dəqiqləşdirən, ümumi-
ləşdirərək vahid cavab şəklinə salan şagirdlər məlumat mübadiləsinə hazırlaşırlar.
118
Məlumat mübadiləsi və müzakirə. Təqdimatlar əsasında aparılan məlumat
mübadiləsi qrupların bir-birinin işinin məzmunu ilə ətraflı tanış olmalarına imkan
yaratmalıdır. Müzakirədə bütün sinfin iştirakı, şagirdlərin hər birinin öz fikrini
sərbəst söyləməsi təmin edilməlidir. Bəzi sualların cavabları qrupda dəqiqləş-
dirilərkən fikir ayrılıqları da meydana çıxa bilər.
Mübahisə doğuran məqamlardan
uzaqlaşmaq məqsədəuyğun deyildir. Müzakirənin diskussiya səciyyəli olması həm
məzmunun mənimsənilməsi, həm də şagirdlərin inkişafı baxımından səmərəlidir.
Oxunmuş hissənin məzmunu ilə bağlı qazanılmış təsəvvürün tamlığına nail
olmaq üçün müəllim əvvəlcədən hazırladığı və qapalı suallardan fərqlənən aşağıda-
kı qəbildən suallardan da istifadə edə bilər:
1. Əsərdə tanış olduğunuz zəhmətkeş insanların həyatının ağır keçməsinə
səbəb, sizcə, nədir ?
2. Firidunun taleyi ilə kəndlilərin taleyi arasında hansı oxşarlıqlar var?
3. Yazıçının doğma torpağa sevgisi əsərdə daha çox özünü nədə göstərir?
Dərsdə vaxtdan qənaətlə istifadə edilməsi yığcam nağıletmə ilə bağlı tapşırığa
vaxt ayırmağa imkan verir. Seçdikləri hissənin məzmununa aid planı fərdi olaraq
tərtib edən şagirdlərin bir neçəsinin çıxışının dinlənilməsi və yığcam nağıletmənin
tələblərinə nə dərəcədə cavab verdiyinin müəyyənləşdirilməsi məqsədəuyğundur.
Qiymətləndirmə. Formativ qiymətləndirmə aparılarkən 38-45-ci səhifələrdə
verilmiş müvafiq qiymətləndirmə meyarları və səviyyələri üzrə cədvəllərdən
istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə yetiriləcəyini
şagirdlərə xatırladır.
Mövzu: Mirzə İbrahimov. “Gələcək gün” – 4 saat
İkinci saat: Əsərin məzmunu üzrə iş
Standartlar
Təlim nəticələri
1.1.1.
Romanda tanış olmayan sözlərin mənasını lüğətlərdən, sorğu
kitablarından istifadə etməklə aydınlaşdırır.
1.1.5.
Romanda bədii təsvir və ifadə vasitələrini müəyyənləşdirir.
2.2.1.
Romanla bağlı müzakirələrdə mövzuya tənqidi münasibətini
əsaslandırır, fərqli fikirlərə dözümlülük nümayiş etdirir.
Dərsin gedişi
Evdə oxunmuş parçaların məzmununun və tanış olmayan sözlərin mənasının
hansı səviyyədə qavranıldığı müxtəlif yollarla müəyyənləşdirilə bilər. Bütün
hallarda, müəllimin müvafiq qiymətləndirmə meyarlarına müraciət etməsi
məqsədəuyğundur. Şagirdlərə evdə oxuduqlarını (4-5-ci parçaları) bir daha
nəzərdən keçirmək, sonra cütlük şəklində məzmuna
aid suallar və onlara cavab
hazırlamaq təklif edilir.
İşin icrasına ayrılan vaxt başa çatdıqdan sonra cavabları
yaxın olan cütlüklər kiçik qruplarda birləşərək fikirlərini dəqiqləşdirir və
ümumiləşdirirlər.
Tədqiqatın aparılması mərhələsi kimi qəbul edilən bu prosesdə