114
Qiymətləndirmə. Formativ qiymətləndirmə aparılarkən 38-45-ci səhifələrdə
verilmiş müvafiq qiymətləndirmə meyarları və səviyyələri üzrə cədvəllərdən
istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə yetiriləcəyini
şagirdlərə xatırladır.
Mövzu: Məhəmmədhüseyn Şəhriyar.
“Heydərbabaya salam” – 4 saat
Üçüncü saat: Təhlil üzrə iş
Standartlar
Təlim nəticələri
1.2.2.
Müəllifin mühakimələrindən çıxış etməklə poemanın
qəhrəmanlarını səciyyələndirir.
1.2.3.
Poemada bədii təsvir və ifadə vasitələrinin rolunu
aydınlaşdırır.
1.2.4.
Poemanın mövzusunu, ideya-bədii xüsusiyyətlərini şərh edir,
onlara əsaslandırılmış münasibət bildirir.
2.2.1.
Poema ilə bağlı müzakirələrdə mövzuya, problemə tənqidi
münasibətini əsaslandırır, fərqli fikirlərə dözümlülük
nümayiş etdirir.
Dərsin gedişi
Ev tapşırığının yerinə yetirilməsi səviyyəsi bir neçə şagirdin təqdimatının
dinlənilməsi və digər şagirdlərlə fəal müzakirə əsasında müəyyənləşdirilə bilər.
Müəllimin müvafiq qiymətləndirmə meyarlarından istifadə etməsi məqsədəuy-
ğundur.
Motivasiya, problemin qoyuluşu. Motivasiyanın yaradılması üçün fərqli
yollardan istifadə etmək mümkündür. Motivasiyanın yaradılması yollarından biri
də dərslikdəki “Düşünün” başlıqlı sual ( Xalq adət-ənənələrinin geniş əks olunduğu
əsərlər sizdə hansı hiss və düşüncələr yaradır?) əsasında yığcam müsahibənin
aparılmasıdır. Müsahibə tədricən tədqiqat sualının müəyyənləşdirilməsinə gətirib
çıxarır.
Tədqiqat sualı: Sizcə, aşağıdakı fikirlərdən hansı poemanın ideya-məzmununu
daha dolğun ifadə edir?
1. Poemada şairin vətən sevgisi, onun təbiətinə vurğunluq, yurddaşlarına,
dərin məhəbbət və rəğbət hissi ifadə olunmuşdur.
2. Poemada şairin yurddaşlarına, doğma vətəninə dərin məhəbbəti və ciddi
taleyüklü problemlərə münasibəti əks olunmuşdur.
Səsləndirilən fərziyyələr lövhədə qeyd olunur. Bu fərziyyələrin yoxlanılması
üçün araşdırmaların aparılmasının vacib olduğu xatırladılır.
Tədqiqatın aparılmasını fərqli təlim metodlarının, iş formalarının tətbiqi ilə
təşkil etmək mümkündür. Bütün hallarda dərslikdəki “Əsərin təhlilinə hazırlaşın”
mətninə və “Araşdırın. Fikirləşin. Cavab verin” tapşırığına müraciət edilməsi
məqsədəuyğundur.
115
“Əsərin təhlilinə hazırlaşın” mətni ilə tanışlıq poema barədə şagirdlərdə xeyli
təsəvvür yaradır. Bütün qrupların tədqiqat ərəfəsində mətnlə ətraflı tanış olmalarına,
yaranmış sualların şagirdlərin fəallığı şəraitində aydınlaşdırılmasına vaxt ayrılır.
“Araşdırın. Fikirləşin. Cavab verin” başlıqlı sual və tapşırıqlar iş vərəqlərində
şagirdlərə təqdim olunur. Qruplar tapşırıq üzərində işləyərkən müəllim onların
fəaliyyətini istiqamətləndirir, hazırlanan cavablarda hansı məqamlara diqqət
yetirməyin vacib olduğunu qeyd edir. Poemada əksini tapmış ciddi mətləblərin –
kəndin ağır güzəranı, dolanışığı, ədalətsizliyin, haqsızlığın tüğyan etməsi,
“məzlumların ahını” dinləyənin tapılmaması, yurdun “yaman günə salınması”,
“qanlı zindana”, “acı şərbətə” dönməsi, sabaha inamsızlıq və s. açıqlanması ciddi
araşdırma, əsər üzərində diqqətli müşahidə tələb edir. Qrupların işini daim izləyən
müəllim yönəldici suallardan istifadə etməklə şagirdlərin diqqətini bu qəbildən
məqamlara da cəlb edir.
Məlumat mübadiləsi və müzakirəsi mərhələsində kiçik qrupların təqdimatı
dinlənilir, fikir mübadiləsi və müzakirə aparılır. Müzakirənin səmərəli olması üçün
sərbəst diskussiya şəraitinin yaradılması vacibdir. Müəllim qrupların bir-birinin
fikirlərinə əlavələr etmələrinə və tənqidi münasibət bildirmələrinə istiqamət verir.
Nəticə, ümumiləşdirmə. Bu mərhələdə də şagirdlərinin maksimum fəallığına
nail olmaq lazımdır. Əvvəlki mərhələlərdə görülmüş işlər və müəllimin yönəldici
sualları şagirdlərdə belə bir qənaət formalaşdırır ki, əsərin hər kəlməsində, hər
cümləsində yurdun keçmişinə, xalq adət-ənənələrinə bağlı olan, vətənin əsrarəngiz
təbiətini ürəkdən sevən bir insanın – müəllifin səmimi səsi eşidilir. O, vətənin
dərdlərini özününkü sayır, başının üstünü duman alan, məhrumiyyət içində
çapalayan yurdunu “yaman günə” salanlara nifrətini gizlətmir.
Çıxarılmış nəticələrin tədqiqat sualı və şagirdlərin irəli sürmüş olduqları
fərziyyələrlə müqayisə edilməsinə xüsusi diqqət yetirilir.
Qiymətləndirmə. Formativ qiymətləndirmə aparılarkən 38-45-ci səhifələrdə
verilmiş müvafiq qiymətləndirmə meyarları və səviyyələri üzrə cədvəllərdən
istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə yetiriləcəyini
şagirdlərə xatırladır.
116
Mövzu: Məhəmmədhüseyn Şəhriyar.
“ Heydərbabaya salam” – 4 saat
Dördüncü saat: Tətbiq. Müzakirə. Yaradıcı iş
Standartlar
Təlim nəticələri
1.1.2.
Poemanı ideya-məzmununa uyğun ifadəli oxuyur.
2.1.1.
Poema ilə bağlı təqdimat və çıxışlarında müxtəlif
mənbələrdən topladığı materiallara əsaslanmaqla əsərin
ideya-bədii xüsusiyyətlərini şərh edir.
2.2.1.
Poema ilə bağlı müzakirələrdə mövzuya, problemə tənqidi
münasibətini əsaslandırır, fərqli fikirlərə dözümlülük
nümayiş etdirir.
Dərsin gedişi
Ev tapşırığının yerinə yetirilməsi səviyyəsi təqdimatların dinlənilməsi və
müzakirəsi əsasında müəyyənləşdirilir.
Motivasiya, problemin qoyuluşu. Motivasiyanın yaradılmasına müxtəlif
yollarla nail olmaq mümkündür. Məsələn, Şəhriyarın ifasında poemadan parçaları
səsləndirmək, oxucuda yaranan hiss və düşüncələrlə bağlı müsahibə aparmaq olar.
Müsahibə tədqiqat sualının müəyyənləşdirilməsi ilə yekunlaşır.
Tədqiqat sualı: Poemanın bu gün də sevilə-sevilə oxunmasına, ona marağın
gündən-günə artmasına səbəb, sizcə, nədir?
Sualla əlaqədar deyilmiş fikirlər dinlənilir və lövhədə qeyd edilir.
Tədqiqatın aparılması. Dərslikdəki “Tətbiq. Müzakirə. Yaradıcı iş” başlıqlı
tapşırığın birinci bəndi kiçik qruplarda iş formasının tətbiqi ilə həyata keçirilir. Bu
tapşırıq poemanın ideya-bədii keyfiyyətinin dəyərləndirilməsi, ədəbiyyat tarixində
ləyaqətli yer tutmasının aydınlaşdırılması baxımından əhəmiyyətlidir. Beləliklə,
əsərin həmişəyaşarlılığının səbəbləri barədə şagird təsəvvürü xeyli zənginləşir və
konkretləşir.
Sonda qruplararası məlumat mübadiləsi və müzakirə aparılır. Bütün qruplar
eyni tapşırıq üzərində işlədiyindən məlumat mübadiləsi müzakirə ilə qovuşur, ciddi
diskussiyaya yol açılır. Əsərin möhtəşəmliyini, uzunömürlülüyünü təmin edən
konkret faktlar üzərində dayanılır.
Nəticə və ümumiləşdirmə mərhələsində şagirdlərdə belə bir qənaət formalaşır
ki, “Heydərbabaya salam” xalqın ruhundan, arzu və istəklərindən süzülüb gələn,
onun mənəvi gücünü və qüdrətini nümayiş etdirən, ana dilinin zənginliyini
ləyaqətlə əks etdirən möhtəşəm bir əsərdir. Əsəri oxuduqca insan özünü baş
verənlərin mərkəzində hiss edir, təhkiyəçiyə yoldaş olur, onun hislərinə, dərdlərinə
şərik çıxır. Əsərin bütün zamanlarda sevilməsinin, əvəzlənən nəsillərin sönməyən
maraqla üz tutduğu qiymətli abidəyə çevrilməsinin bir mühüm səbəbi də elə budur.
Çıxarılmış nəticənin şagirdlərin irəli sürmüş olduqları fərziyyələrlə müqayisə-
sinə, tədqiqat sualı ilə necə səsləşməsinə diqqət yetirilir.
Vaxtdan qənaətlə istifadə edilməsi ifadəli oxu ilə bağlı dərslikdə təklif edilmiş
tapşırığın yerinə yetirilməsinə imkan verir. Şeirin bir, yaxud iki bəndi üzərində
Dostları ilə paylaş: |