Mütləq ki, axtaran tapar
Yüklə 3,73 Mb. Pdf görüntüsü
|
242
Bayır tərəfdən möhkəm bağlanmasına baxmayaraq, içəridən qapını adi köndələn çubuğu dartmaqla açmaq olurdu. Bu, xüsusi hallarda dəhlizdən tez çıxa bilmək üçün quraşdırılmışdı. Lakin o biri tərəfdən elektron açar olmadan içəri daxil olmaq mümkün deyildi. Lendqon qulağını qapıya dirəyib qulaq asmağa başladı. Heç bir şey eşitmədi, qapını açmaq üçün çubuğu dartdı.
Kilid səs elədi. Taxta qapı bir neçə santimetr aralandıqda Lenqdon başını içəri salıb ətrafa göz gəzdirdi. Balaca otaq. Boş. Sakit.
Lenqdon azacıq rahatlıq hissi ilə ayağını içəri qoyub Siennaya başı ilə işarə etdi. “Biz içəridəyik”. Palazzo Vecchionun içində hansısa kiçik bir çardaqda idilər. Lenqdon bir az gözləyib fikrini cəmləməyə çalışdı. Qarşıdakı uzun dəhliz otağa perpendikulyar idi. Onlardan solda uzaqdan şən, qayğısız səslər gəlirdi. Palazzo Vecchio Birləşmiş Ştatların Kapitolisi kimi turizm məkanı olmaqla yanaşı, həm də hökumət binası idi. Bu saatda gələn səslər, çox güman ki, otaqlara girib-çıxan və downloaded from KitabYurdu.org 243
qarşıdakı günə hazırlaşan mülki işçilərin idi. Lenqdonla Sienna əsas dəhlizin çıxışına doğru addımlayıb küncdən boylandılar. Dəhlizin axmndakı daxili həyətdə, təxminən, on nəfər toplaşıb tələsmədən qəhvə içə-içə - söhbətləşirdilər. “Vasarinin freskası”, - Sienna pıçıldadı, “dedin ki, Beş Yüzlər zalındadır?” Lenqdon başı ilə təsdiqlədi və daş dəhlizə açılan kiçik otağın qarşısında yığılan adamlara işarə etdi. “Çox təəssüf ki, bu dəstənin yanından keçməliyik”. “Əminsən?” Lenqdon başını tərpətdi. “Onlar bizi mütləq görəcəklər”. “Onlar hökumət
işçiləridir. Bizimlə
heç maraqlanmayacaqlar da. Sadəcə, buranın adamı kimi keç”. Sienna əlini uzadıb Lenqdonun pencəyini hamarladı, yaxalığını düzəltdi. “Mötəbər görünürsən, Robert”. Sonra gülümsəyərək öz paltarını da sahmana salıb dəhlizə tərəf yeridi. Lenqdon da onun arxasınca. İkisi də qətiyyətlə düz dəstəyə doğru gedirdilər. Həyətə daxil olanda Sienna Lenqdonla italyanca danışmağa başladı - fermalara maliyyə yardımı ilə bağlı - və danışdıqca da həvəslə downloaded from KitabYurdu.org 244
əl-qolunu yellədirdi. Ətrafdakıların diqqətini cəlb etməmək üçün divarın dibi ilə yeriyirdilər. Təəccüblü də olsa, heç bir işçi onlara tərəf çevrilib baxmadı. Buranı keçən kimi dəhlizə doğru yön aldılar. Lenqdon Şeksprin tamaşasının afişasını xatırladı. Şən Puk. “Sən əsl aktrisasan”, - o pıçıldadı. “Həyat öyrədib”, - Sienna qeyri-ixtiyari cavab verdi. Sanki səsi uzaqdan gəlirdi. Lenqdon bir daha bu gənc qadının çox ağır keçmişi olduğunu fikirləşdi. Üstəlik, indi də onu belə çətin vəziyyətə saldığına görə Lenqdonu dərin təəssüf hissi bürüdü. Lakin anlayırdı ki, gözləməkdən və işi başa vurmaqdan başqa çarəsi yoxdur. Tunel boyunca üzməyə davam et... və gözünə işıq görünməsi üçün dua et. Kiçik qalereyaya yaxınlaşdıqda Lenqdon yaddaşı onu yanıltmadığma görə məmnun idi. Zala tərəf oxla işarə edən balaca lövhənin üzərində belə yazılmışdı: “IL SALONE DEI CINQUECENTO”. Beş Yüzlər zalı. Lenqdon onlan hansı cavabın gözlədiyini düşünürdü. “Həqiqəti yalnız ölümün gözlərindən görmək mümkündür. Axı bu nə deməkdir?” “Otaq hələ bağlı ola bilər”, - onlar küncə yaxınlaşdıqda Lenqdon dedi. Beş Yüzlər zalının məşhur downloaded from KitabYurdu.org 245
turizm məkanı olmasına baxmayaraq, bu səhər saray, deyəsən, hələ turistlərə açılmamışdı. “Eşidirsən?”, - Sienna dayanıb soruşdu. Lenqdon eşitmişdi. Yaxınlıqdan yüksək vıyıltılı səs gəlirdi. Demək ki, içəridə də o helikopterdən var. Lenqdon ehtiyatla qalereyanın bir küncündən ətrafa boylandı. İyirmi beş metr aralıda Beş Yüzlər zalına açılan sadə taxta bir qapı var idi. Təəssüf ki, qapı ilə zalın arasında cüssəli gözətçi dayanmışdı. O, elektrik daş cilalayan maşınla yeyilmiş daşlan hamarlayırdı. Qapının gözətçisi. Lenqdonun diqqətini qapıya bayır tərəfdən vurulmuş plastik lövhədəki üç işarə cəlb etdi. Dünyanın ən təcrübəsiz simvoloqistlərinin belə asanlıqla aça bildiyi bu işarələr belə idi: üstündən “X” işarəsi çəkilmiş videokamera, üstündən “X” işarəsi çəkilmiş fincan və içində kişi və qadını bildirən işarə təsvir olunmuş bir cüt kvadrat. Lenqdon birbaş gözətçiyə doğru iri addımlarla getməyə başladı. Sienna da onun arxasınca tələsik yeridi. Gözətçi başını qaldırıb təəccüblə onlara baxdı. “Signori?!” O, əlini qaldırıb Lenqdon və Siennanı dayandırmağa çalışdı. downloaded from KitabYurdu.org 246
Lenqdon kişiyə ötəri təbəssümlə - daha dəqiqi, göz vuraraq - baxdı və qapının yanındakı işarələri göstərdi. “Toilette”, - o dedi. Səsi zəif çıxdı. Gözətçi tərəddüd edib onları içəri buraxmaq istəməsə də, Lenqdonun narahat duruşundan təsirlənərək başını tərpədib razılaşdı. Onlar qapıya yaxınlaşanda Lenqdon Siennaya baxıb cəld göz vurdu. “Yazıqlıq hamının danışa bildiyi bir dildir”. 35 fəsil
Biz zamanlar Beş Yüzlər zalı dünyanın ən böyük otağı idi. Otaq 1494-cü ildə Consiglio Maggiore - respublikanın beş yüz üzvdən ibarət Ali Şurası - üçün iclas zalı kimi tikilmişdi və adı da buradan götürülmüşdü. Bir neçə il sonra I Cosimonun əmri ilə otaq təmir edilərək daha da genişləndirilmişdi. İtaliyanın ən qüdrətli insanı I Cosimo layihəyə nəzarətçi və memar kimi Giorgio Vasarini seçir. Məharətli memar Vasari orijinal tavanı xeyli qaldıraraq otağın dörd tərəfindən təbii işıq düşməsini təmin etmişdi. Nəticədə Florensiyanm ən nəfis memarlıq, heykəltəraşlıq və rəssamlıq əsərlərinin nümayişi üçün sərgi salonu yaranmışdı. Lenqdonun diqqətini hər dəfə otağın döşəməsi downloaded from KitabYurdu.org
Yüklə 3,73 Mb. Dostları ilə paylaş:
|