O’zbekiston Respublikasi Oliy va o’rta

Marketing strategiyasini ishlab chiqish. Faraz qilaylik, so’rov natijalariga ko’ra, birinchi loyiha yaxshi baholandi. Endi konkret elektromobil bilan bozorga chiqish marketing strategiyasini ishlab chiqish kerak. Marketing strategiyasining bayoni uch qismdan iborat bo’ladi.
Birinchi qismda tovar sotilishi mo’ljallangan bozor hajmi, bozor strukturasi, bozor xarakteristikasi, shuningdek, yangi tovarning savdo hajmi, uning bozordagi ulushi, bir necha yilga mo’ljallangan foydaning miqdori ko’rsatilgan bo’ladi. Bu quyidagicha ko’rinishga ega bo’ladi.
Yangi tovar sotilishi mo’ljallangan bozor kontingentini xarid uchun, do’stlarinikiga mehmonga borish uchun oilada ikkinchi avtomobilga muhtoj bo’lgan uy bekalari tashkil etadi. Shuning uchun ham yangi tovar, ya’ni elektromobil boshqa avtomobillarga nisbatan narxi ham, ekspulatatsiyasi ham iqtisodiy arzon, harakatlanish borasida o’ta qulay transport vositasi sifatida taqdim etilishi kerak. Firma zararning 3 mln. dollarlik zarar summasini saqlagan holda
birinchi yili 500 ming elektromobil sotishni mo’ljal qilib qo’yadi. Ikkinchi yili asa 700 ming elektromobil sotish hamda rejadagi 5 mln. dollar foyda ko’rishni mo’ljal qiladi.
Ikkinchi qismda yangi tovarning mo’ljaldagi narxi, birinchi yili marketing uchun ketadigan sarf-xarajatlar smetasi beriladi.
Elektromobil uch xil rangda, alohida buyurtma asosida havo tozalagich moslamasi o’rnatilgan holda taklif etiladi. Uning chakana narxi 6 ming dollar bo’lib, dilerlarga 15 foiz arzonlashtiriladi. Bir oy ichida 10 tadan ortiq elektromobil sotgan dilerga har bir sotilgan mashina uchun yana qo’shimcha 5 foiz arzon narx belgilanadi. Reklama uchun ajratilgan 6 mln. dollar umum-milliy va mahalliy hudud uchun teng taqsimlanadi. Reklamada elektromobilning iqtisodiy arzonligi va harakatlanishi o’ta qulayligiga alohida urg’u berish lozim. Elektromobillarni kim sotib olgani, xaridorlar ehtiyojini qay darajada qondirilayotganini bilish uchun marketing tadqiqotlarini o’tkazishga birinchi yili 100 ming dollar ajratish mo’ljallanadi.
Uchinchi qismda yangi tovarning sotilish hajmi, foyda summasi, marketingning uzoq vaqtga mo’ljallangan strategiyasi bayon etiladi. Natijada firma
«avtomobillarning savdo bozorida 6 foizni ishg’ol etib, qo’yilgan sarmoyadan 15 foiz foyda ko’rishni rejalashtiradi. Bu rejani amalga oshirish uchun tovarning sifati yuqori darajada bo’lishi, vaqt o’tishi bilan texnik izlanishlar orqali sifatni yanada yaxshilab borish zarur. Raqobat mo’ta’dil bo’lsa, ikkkinchi va uchinchi yili tovarning narxi oshadi. Reklama uchun ajratilgan mablag’ har yili 10 foizga oshib boradi. Ikkinchi yildan boshlab marketing tadqiqotlari uchun mablag’ 60 ming dollargacha tushadi.