Publication1
Yüklə 1,27 Mb. Pdf görüntüsü
|
- Bu səhifədəki naviqasiya:
- (3, səh.209)
- (2, səh.686)
| (2, səh.
687) Sadalanan arqumentləri rəhbər tutaraq İ.M.Cəfərov hesab edir ki, amnistiya aktları normativ‐hüquqi akt qismind ə qanunvericilik sisteminə daxil edilməli idi. Fikrimizcə, İ.M.Cəfərovun tezisi və əsaslandığı arqumentlərlə qismən razılaşmaq olar. Belə ki, doğurdan da amnistiya aktları ilə bağlı yuxarıda göstərilən xarakterik xüsusiyyətlər və müvafiq arqumentlər bu tipli aktların qeyri‐normativ hüquqi akt kimi səciyyələndirilməsini birmənalı şəkildə istisna edir. Lakin məsələ burasındadır ki, amnistiya aktları « Normativ‐hüquqi aktlar haqqında » Konstitusiya qanununda normativ‐hüquqi aktlar üçün müəyyən edilmiş kriteriyalara da cavab vermir. Belə olan halda, amnistiya aktlarının normativ x arakterli akt qismində xarakterizə edilməsi, fikrimizcə, daha məqsədəuyğun olardı. Bununla yanaşı qeyd etməliyik ki, hüquq ədəbiyyatında normativ xarakterli aktların hüququn mənbəyi qismində çıxış etməsi və ya qanunvericilik sisteminin tərkib hissəsi kimi qiymətləndirilməsi ilə bağlı mövqelər də birmənalı deyil. Elmi‐nəzəri dövriyyədə normativ xarakterli aktların qanunvericiliyin tərkib hissəsi qismində çıxış etməsinə skeptik yanaşan müəlliflərlə yanaşı, bu istiqam ətdə daha radikal mövqedə dayanaraq bu tipli hüquqi aktları ümumiyyətlə, Azə rbaycan Respublikası qanunvericilik sisteminin tərkib hissəsi hesab etməyən müəlliflər də mövcuddur. İ.S.Qılıcov və İ.A.Məmmədovun həmmüəllifi olduqları « Hüququn mənbələri » vəsaitində göstərilir ki, normativ xarakterli aktl ar normativ‐hüquqi aktlar kimi ümumməcburilik xüsusiyyətinə malik olsalar da, AR Konstitusiyasının və «Normativ‐hüquqi aktlar haqqında » Konstitusiya qanununun müvafiq müddəalarının mənasına görə onlar hüquq normaları müəyyən etmir. Belə ki, qanunvericiliyə görə, hüquq normaları Azərbaycan Respublikasının normativ‐hüquqi aktlarında müəyyən olunur. Belə olan halda, qanunverici birbaşa göstərməsə də, o nəticəyə gəlmək olar ki, normativ xarakterli aktlar norma xarak terli qaydalar müəyyən edir. (3, səh.209) İ.M.Cəfərov isə ümumiyyətlə, qeyd edir ki, Azə rbaycan Respublikasının qanunvericilik sistemi yalnız normativ‐hüquqi aktlardan ibarətdir. O, hesab edir ki, normativ xarakterli aktlar və qeyri‐normativ xarakterli aktlar qanunvericilik sisteminə aid edilə bilməz. (2, səh.686) Təbii ki, yuxarıda sadalanan pozitivist və normativist mövqelərdən fərqli olaraq, hüquq ədəbiyyatında normativ xarakterli aktların hüququn mənbəyi və qanunvericilik sisteminin tərkib hissəsi qismində qiymətləndirilməsinə loyal yanaşan mövqelər də mövcuddur. Belə ki, M.Ə.Cəfərquliyev normativ xarakterli aktların bir növü olan AR Konstitusiya Məhkəməsinin qərarlarını cinayət‐prosessual hüququn mənbələrindən biri kimi xarakterizə edir. |