679
bilirsiniz. Sizinlə tamamilə razıyam, ilk növbədə, inkişaf haqqında
düşünməliyik. Belə taleyüklü işdə qalib olmaq üçün ilk növbədə
millətin özünü dərketməsi, milli iradəsinin formalaşması lazımdır.
Azərbaycan xalqının milli ruhunu oyatmalı, yüksəltməliyik. İmpe-
ri ya buxovundan azad olmaq üçün təkcə bizimkilərin oyanması
yetməyəcək. Gərək bütün Rusiya imperiyasında yaşayan müsəlman
və türkdilli xalqların içərisində ciddi iş aparaq, onlarla hər hansı
bir ittifaqa nail olaq.
– Çox doğrudur. Ona görə də mən siz gənc aydınlardan ciddi
ictimai fəaliyyət gözləyirəm. İndi yavaş-yavaş məqam yetişir. Mən
“Əkinçi”də üstüörtülü bu məsələlərə hərdən toxunurdum, həmin
yazıları hər yerə göndərirdim.
“Əkinçi” bağlanan il, səhv etmirəmsə, iyun ayı idi, bir yazıda
bütün türk-müsəlman ölkələrinin qəzet yazarlarına müraciət etdik.
Biz ondan əvvəl islam ölkələrini təmsil edən qəzetlərin bir-biriylə
əlaqə və əməkdaşlığını təqdir edirdik. Amma gördüyün kimi,
Ba kı dakı ruslarla ermənilər birləşərək bizim qəzeti bağlatdılar,
təşəbbüsümüzü pozdular, milli-dini birliyimizə ciddi maneçilik
törətdilər.
Mən bir şeyi də qeyd etmək istəyirəm. Əlbəttə, sizinlə razıyam
ki, hər şeyə təhsildən başlamaq lazımdır. Təhsil o qədər vacibdir ki,
onsuz heç nəyə nail olmaq mümkün deyil. Bax bizim xalqı təmsil
edən sənin kimi təhsilli gənclər indi-indi çoxalır, nəsə etmək istəyir.
Ermənilər, ruslar, başqa xalqlarsa təhsil məsələsində bizdən çox-çox
irəlidədir. Onların neçə-neçə ictimai-siyasi təşkilatları formalaşıb.
Bax ermənilərin “Daşnaksutyun”
152
adlanan partiyası var. Bu təşkilat
hər yerdə onların milli mənafelərini qoruyur, müxtəlif yollarla, hətta
terror vasitəsilə müsəlmanları, türkləri ata-baba yurdundan qovaraq
erməniləri yerləşdirir. Sabah da deyəcək, buralar erməni yurdudur,
müsəlmanlar buranı tərk etməlidirlər. Biz isə hələlik fil qulağında
yatırıq, heç bir fəaliyyətlə məşğul olmuruq…
152
Erməni İnqilabi Federasiyası, “Daşnaksutyun” – ən iri və mütəşəkkil
erməni siyasi təşkilatlarından biri. 1890-cı ildə Tiflisdə yaradılıb. Erməni
diasporunun olduğu bütün ölkələrdə büroları fəaliyyət göstərir.
680
Əlimərdan bəy danışdıqca rəngi bozaran Həsən bəyə təskinlik
verərək dedi: “Darıxmayın, Həsən bəy, əsas məsələlər hələ qabaq-
dadır. İki, üç il sonra bizim də bu istiqamətdəki fəaliyyətimiz
özünü göstərəcək”.
Həsən bəy son zamanlar Əlimərdan bəylə hər söhbətdən sonra
kürəkənilə fəxr edirdi. O, yaxşı təhsilli, tərbiyəli bir gənc olmaqla
yanaşı, həm də kifayət qədər vətənpərvər, fəal və təşəbbüskar idi.
Əlimərdan bəy tez-tez müxtəlif qabaqcıl ideyalarla çıxış edir,
təh silli gəncləri ətrafına toplayaraq ictimai fəaliyyətini getdikcə
gücləndirirdi. Təhsil illərində dostlarından sızmış məlumatlar əsa -
sında ona Rusiya imperatorunun Cənubi Qafqazdakı gizli plan-
ları, xüsusi məqsədlərlə ermənilərin bu torpaqlara köçürülüb yer-
ləşdirilməsi, kilsələrdə yerli müsəlmanlara qarşı məkrli planların
hazırlanıb həyata keçirilməsi kimi məsələlər tam aydın idi.
Həsən bəy də yavaş-yavaş əvvəlki böhran vəziyyətindən
çıxırdı. İndi o bir neçə il əvvəlki kimi təkbaşına mübarizə aparmırdı,
əsəb və əzab içində gecə-gündüz qıvrılmırdı. İndi onun çoxsaylı
gənc silahdaşı vardı, ona yaşına-başına görə ziyalıların ağsaqqalı
kimi baxırdılar, tövsiyələrinə qulaq asırdılar. Əlimərdan bəyin
Dumadakı və “Kaspi” qəzetindəki fəaliyyətini, “Nicat” maarif
cə miyyətindəki işlərini, ətrafındakı çoxsaylı əqidə dostlarını da o
istiqamətləndirirdi. Əlimərdan bəy ətrafındakı bütün fəal və təhsilli
gəncləri tez-tez Həsən bəylə görüşdürürdü. O, böyük ehtiramla
müdrik qayınatası Həsən bəyi: “O tək mənim atam deyil, eyni
zamanda, millətin atasıdır,” – deyib dostlarına təqdim edirdi.
681
1901-ci il, oktyabr, İmperatriçə Aleksandra
Fyodorovna adına Bakı Rus-Müsəlman
Məktəbinin açılışı
Bakıda son günlər günün əsas müzakirə mövzusu dövrün ən
önəmli hadisəsi olan Zeynalabdin Tağıyevin açdığı qız məktəbi
idi. Məktəb haqqında müxtəlif qəzetlərdə məqalələr yazılmışdı.
“Kaspi” qəzetinin redaksiyasına təşrif buyurmuş Əhməd bəy
Ağayevlə Nəcəf bəy Vəzirov məktəb haqqında yazılmış məqalələri
Əlimərdan və Həsən bəylə müzakirə edirdilər.
Həsən bəy vaxtilə, 1895-ci ildə Zərdabda açılmasına nail
olduqları yerli məktəbin sevincini və həyəcanını Hənifə xanımla
necə yaşadıqlarını dostlarına danışırdı. Həmin gün o, hazırda re-
dak si yasında toplaşdıqları “Kaspi” qəzetində yazı ilə çıxış etmişdi.
Yazıda qeyd edilirdi: “Nəhayət, bizim kənddə də məktəb açıldı və
indi hər kəs bu münasibətlə bayram edir”.
Həsən bəy danışırdı ki, zərdablılar məktəbin açılmasından
çox “Kaspi” qəzetində bu haqda yazılmış yazıya görə sevinirdilər.
Bu gün həmin həyəcanlı hisslər Bakıdakı azərbaycanlı ziya lı-
lar arasında yaşanırdı. “Kaspi” qəzetində bu dəfə Əlimərdan bə yin
geniş məqaləsi dərc olunmuşdu. O, Qızlar Gimnaziyasının əhə-
miy yətini əsaslandıraraq, öz qızlarını bu məktəbdə oxutmaq üçün
bütün insanlara çağırış edirdi.
Əlimərdan bəy Həsən bəyin xahişilə 7 oktyabr tarixində açı-
la caq məktəbin qəzetdə dərc olunmuş elanını ucadan oxudu:
“İmperatriçə Aleksandra Fyodorovna adına Bakı Rus-Müsəl -
man Qız Məktəbi Hamilər Şurasının sədri və həmin mək tə bin
təsisçisi Hacı Zeynalabdin Tağıyev qadın təhsilinə biganə qal ma-
yanları oktyabrın 7-də günorta saat 12-də məktəbin Nikolayevski
küçəsindəki binasında baş tutacaq açılış mərasiminə dəvət edir”.
Qız Məktəbinin açılışı tarixi hadisə idi. Hənifə xanım
məktəbin ilk müdirəsi kimi çox həyəcanlı idi.
Bir gün öncə Nikolayevski küçəsindəki Bakı Rus-Müsəlman