685
salınırdı. Hacının adamları qonaqları faytonlarına qədər müşayiət
edirdilər. Hamını yola salandan sonra Hacı dəvətlilər içərisində
olan yaxın dostları – Ağamusa Nağıyev, Şeyxülislam Axund Əbül-
salam, Mirzə Hüseyn Qayıbov, Bakı qazısı Hacı Molla Cavad,
Axund Məhəmməd Əlizadə, Axund Abuturab, Molla Hacı Kərim,
Ruhulla Məmmədzadə, Bakı-Dağıstan təhsil müdiriyyətinin mü-
fət tişi Soltan Məcid Qənizadə və gimnaziyanın rəhbər heyətilə
birlikdə çay süfrəsi arxasında söhbət etdi. Bu adamlar onun ən
yaxın dostları, sevdiyi, hörmət etdiyi ziyalılar və ailə üzvləri idi.
Soltan Məcid Qənizadə üzünü Hacı Zeynalabdinə tutaraq:
“Əziz dostum Hacı! Açılışında iştirak etdiyimiz bu möhtəşəm gim-
naziyaya görə sizə təşəkkür etmək istəyirəm. Siz bu gün nəinki
pu lunuzla açdığınız bu gözəl məktəbi, həm də bütün xeyirxah
əməllərinizi, ömrünüzün bir hissəsini xalqımıza hədiyyə etdiniz.
Bu məktəb hasilə gəlincə sizin çəkdiyiniz əzabları, xərclədiyiniz
vəsaitlərin qədərini mən çox yaxşı bilirəm. Əgər hər bir imkanlı
şəxs qazandığından bir qədərini sizin kimi, xalqın tərəqqisinə
xərcləsə, biz sözün həqiqi mənasında bəxtəvər olarıq. Əziz dostum
Həsən bəy burdadır. O, hamıdan yaxşı bilir, indiki zamanda məktəb
açmağın, onu saxlamağın əziyyətini. Həsən bəyi xalqın elmsizliyi,
savadsızlığı, nadanlığı belə vaxtsız qocaltdı. Onun bu sahədəki
cəhdlərini, təhsil üçün etdiklərini, xeyriyyə cəmiyyəti yaradaraq
yoxsul uşaqlarını oxutmaq amalını Azərbaycanda çoxları bilir.
Həsən bəyin işləri bəhrəsiz qalmadı. Bu gün gördüyümüz kimi,
izlər cığıra, cığırlar işıqlı yola çevrildi. Sizin başladığınız bugünkü
iş məhz vaxtilə imkansızlıqdan Həsən bəyin yarımçıq dayandırdığı
fəaliyyətin davamıdır.
Əziz dostum, bir daha qeyd etməyi özümə borc sanıram,
sizin bugünkü işinizi hamımız alqışlayır, dəstəkləyir, fərəh hissi
keçiririk. Siz gördüyünüz işlə yanaşı, həm də ona görə xoşbəxt
adamsınız ki, ətrafınıza bu qədər çoxsaylı ziyalı yığa bilmisiniz.
Bir faktı da qeyd etmək istəyirəm. Sizin təkidlə gimnaziyanın
nizamnaməsinə saldırdığınız müddəa, yəni məktəbin imperatriçənin
mərkəzdəki təhsil dairəsinə deyil, Bakı-Dağıstan xalq məktəbləri
müdirliyinə tabe olması ideyası bizə gələcəkdə imkan verəcək ki,
686
hər bir yerli əhəmiyyətli məsələləri mərkəzə bildirmədən, daha tez
öz aramızda həll edək”.
Həsən bəy də Soltan Məcid Qənizadənin fikrini dəstəklədi,
üzünü məclisdəki ziyalılara tutaraq:
– Bilirsiniz, Soltan bəy düz buyurur. Biz hamılıqca xalqın,
millətin inkişafı, tərəqqisi yolunda atılan hər bir addımı və təşəb-
bü sü dəstəkləyib alqışlamalıyıq. Heç bir millət gecə yatıb, səhər
duranda nağıllardakı kimi hər şeyə sahib olmayıb. Bütün xalqlar
ən böyük tərəqqiyə mərhələ-mərhələ, yavaş-yavaş çatıblar. Elm
və mətbuat tərəqqinin ən kütləvi inkişaf yoludur, bizim Hacı kimi
imkanlı və qeyrətli iş adamlarımız bu sahəyə vəsait qoymağa
başlayıblar. Biz ziyalılar bunu hərtərəfli alqışlamalı, əlimizdən
gələn köməkliyi göstərməliyik.
Əlimərdan bəy də özündən əvvəlki natiqləri dəstəklədi:
– Əziz dostlar! Mən də bir faktı sizin diqqətinizə çatdır ma-
ğı özümə borc bilirəm. Bizim “Kaspi”nin redaksiyasına gim na-
zi yanın açılması münasibətilə Hacının ünvanına minlərlə təbrik
teleqramları gəlibdi. Bu o deməkdir, insanlar özlərinin xoş və
həyəcanlı günlərində qəzetləri meydan kimi qiymətləndirirlər.
Bilirsiniz, bu qəzet də bizim Hacının xidmətidir.
Hacı Zeynalabdin ünvanına xoş sözlər söyləyən hər kəsə tə-
şək kür edərək, bir daha xüsusi vurğuladı ki, “Kaspi” qəzetinin
alınması, qızlar üçün ayrıca məktəbin açılması fikrini ona Həsən
bəy təklif etmişdi. Mən neftçi babayam, qəzet, məktəb və s. mə-
nim öhdəsindən təkcə gələ biləcəyim işlər deyil. Həsən bəylə
dostluğumdan, onun dəyərli düşüncələrindən bəhrələnərək bu
iş lə rə qərar verdim. Mən iş adamlarına, dostlarıma deyirəm, hə-
yat da çoxlu pul-paraya malik olmaq hələ hər şey demək deyil.
Mən bu həyatda hər şeydən çox dostlarıma güvənirəm. Elə təq-
dimatında iştirak etdiyiniz bu işi də sizlərə, sizin kimi əziz dost-
lara güvənərək başladım. Həsən bəy kimi ziyalıların səylərini,
hörmətli şeyxülislamımızın tövsiyələrini, Əlimərdan bəyin hüquqi
məsləhətlərini rəhbər tutaraq mən bu yola qədəm qoymağa cəsarət
etdim. Gimnaziyanın işlərinin uğurla başa çatmasında da məhz
sizlərin, siz ziyalıların, din xadimlərinin, iş adamlarının yaxından
687
köməyi olmasaydı, mən, təhsilsiz bir iş adamı kimi heç nə edə
bilməzdim. Var olun, bilin ki, bu işin əsas hissəsini siz gördünüz.
Dostum Ağamusa sizin aranızda oturub o, hamıdan yaxşı bilir,
mən Allahıma hər gün şükür edən, keçmişini heç zaman unutmayan
adamam. Yeni tikdirdiyim mülkümdə keçmişimi xatırladan daş
baltasını evin ən gözəgəlimli yerindən asdırmışam. İstəyirəm, bu
balta mənə kimliyimi, hardan başlayıb hara gəldiyimi unutmağa
imkan verməsin. O baltanı gördükcə, hər gün mən Allahıma şükür
və dua edirəm, mənə gərəksiz, xeyrə xərclənməyəcək, kasıb-
füqəraya sərf olunmayacaq pul-para verməsin”.
Hacı kövrək çıxışını yekunlaşdıraraq, bir daha üzünü Həsən
bəyə çevirdi:
– Dostlar, eşitdiyimə görə, beş-altı gündür, Həsən bəyin Rəşid
adlı oğlan nəvəsi, Əlimərdan bəyin ikinci oğlu dünyaya gəlib.
Hamılıqla sizə gözaydınlığı veririk, atalı-analı böyüsün, xeyirli
övlad olsun!
Məclisdəkilər Əlimərdan bəyi, Həsən bəyi, Hənifə xanımı
təbrik etdilər.
Sonda Əbulsalam Axundzadə gimnaziyada təhsil alacaq qız-
ların islam mənəviyyatını unutmamaları tövsiyəsini qeyd edərək
məktəbə Qurani-Kərim hədiyyə etdi.
Mirzə Abuturab söhbət əsnasında öz qızı və Molla Ruhullanın
qızlarının da bu məktəbdə təhsil alacağını söylədi.
Əlimərdan bəysə ətrafındakılara söylədi ki, Abuturab Mirzənin
qəbul etdiyi bu qərar Bakıdakı çox cahilləri yerində oturdacaq. Bu,
çox cəsarətli bir addımdır. Tarix boyu mütərəqqi yeniliklər həm də
xüsusi cəsarət tələb edib. O, bu gün həmin tarixi və cəsarətli addımı
atdı. Zaman gələcək, gələcək nəsillər bu hadisəni qəhrəmanlıq
kimi qiymətləndirəcək. Onu da deyim, hər adam yox, ancaq tarixi
şəxsiyyətlər belə cəsarətli qərar verə bilərlər.
Şeyxülislam Axundzadə məclisdə Həsən bəyə yaxınlaşaraq:
– Həsən bəy, etiraf edin, sizin on altı il Zərdabda yaşamağınız
təh sili çox geri atdı. Mən üç-dörd il öncə sizin Bakıya qubernatorun
qəbuluna gələrək ondan Dumada müsəlmanların say məsələsinə ye-
nidən baxılması təklifinizi eşidəndə çox sevindim. Altı-yed di il öncə
Dostları ilə paylaş: |