720
istifadə edib Qafqazda, mümkündürsə, hətta Bakı da daxil olmaqla
azərbaycanlıların yaşadıqları bu məkanda erməni dövlətini yarada
bilərlər.
Hacı Zeynalabdin dedi:
– Vallah, əgər məsələ siz dediyiniz kimidirsə, bu quldurların
hamiləri ruslardırsa, bizim işimiz çox çətin olacaq.
Həsən bəy:
– Hacı, tam haqlısınız, məsələnin çətinliyi də elə bu halla
bağlıdır. Neçə illərdir, biz bunun qarşısını almağa çalışırıq. Mən
hələ Tiflisdə olarkən bir gün Vorontsov-Daşkovla söhbətimdə
rusların bu mövqeyini, Cənubi Qafqazda, ilk növbədə ermənilərə
üstünlük verdiklərini hiss etdim, açığı söyləyim ki, çox pərişan
oldum.
Əli bəy:
– Ermənilərin böyük imperiyanın gücündən istifadə edib
özlərinə ayrıca dövlət yaratmaq ideyası bu günün məsələsi deyil.
Bilirsiniz, onlar bu ideyanı neçə illərdir, ərazisində yaşadıqları
Osmanlının hesabına da həyata keçirməyə çalışırlar. Düşünürlər
ki, əgər Osmanlı ərazisində bunu edə bilməsələr, o zaman Cənubi
Qafqazda, xüsusən, İrəvan xanlığında, əgər alınarsa, həm də Bakı-
da da edə bilərlər. İndiki Azərbaycan ərazisində erməni dövləti
yaratmaq, bəzi Osmanlı torpaqlarını da həmin dövlətin tərkibinə
qatmaq həm də ruslara sərf edir. Onlar müsəlmanlara qarşı mü ba-
rizədə ermənilərə əsl müttəfiq kimi baxırlar.
Baxın, Tiflisdə, Bakıda imperator dəftərxanasının hər on mə-
murundan səkkizi ermənidir. Halbuki hamıya bəllidir, er mə ni-
lər ordan-burdan Qafqaza köçürülüblər, onlar bu torpaqlara gəl-
mədirlər. 1903-cü ildə knyaz Qolitsin bu faktı açıq bəyan etmişdi.
Amma ruslar yenə erməniləri silahlandıraraq yerli müsəlmanların,
xüsusən də, biz azərbaycanlıların üzərinə qaldırır.
Fərrux Vəzirov:
– Bilirsiniz, bütün bunlar bir yana qalsın, biz dünənki qırğınların
cavabını ilk növbədə hökumətdən soruşmalıyıq. Buradan birbaşa
qubernatorun yanına gedərək, bu işi törədənlərin cəzalandırılmasını
tələb etməliyik. Dünənki cinayətkarlar ciddi cəzalanmasalar, sabah
721
yeni qırğınların olmayacağına kimsə zəmanət verə bilməz. Elə bu
gün biz mərkəzi hakimiyyətin fikrini öyrənməliyik.
Hacı da N.Vəzirovun fikrini dəstəkləyərək, müzakirəni ya-
rım çıq dayandırdı, qubernatorun yanına adam göndərdi ki, onu və
azərbaycanlı Duma üzvlərini qəbul etsin.
Qubernatorluğa gedən adam dərhal da qara xəbərlə geri
qayıtdı, hövlnak içəri girərək, dili dolaşa-dolaşa:
– Hacı Ağa, ermənilər bir saat öncə şəhər qubernatorunu
öldürüblər, – söylədi.
Həsən bəy:
– Vay-vay! Bu ermənilər nə murdar, qansız millətdir. Yazıq
Nakazidze. O, yaxşı, ədalətli qubernator idi. İrəvan quberniyasında
işləyərkən azərbaycanlıları öldürdüklərinə görə bir neçə quldur
daşnakı həbsə saldırmışdı. Onların davamçıları da yazıq Nakazid-
zeyə: “Səni sağ buraxmayacağıq,” deyib hədələmişlər. Demək, bu
yaramazlar dediklərini etdilər.
Hacı Zeynalabdin:
– Yaxşı, görək neyləyirik. Bu qaniçənlərin hamısı silahlanıblar.
Hökumət, demək olar, fəaliyyət göstərmir. Deməli, özümüz təcili
bəzi müdafiə tədbirləri görməliyik.
Bu an Fərrux Vəzirov bir neçə şəxslə Hacının evinə daxil oldu,
həyəcanlı şəkildə məlumat verdi ki, silahlı erməni quldurları bir
ucu İrəvan, Naxçıvan, Salyan, bir ucu Quba, Qusarda müsəlman
kəndlərinə hücuma keçiblər, yüzlərlə, minlərlə dinc sakini qətlə
yetiriblər, qadın və körpələrə, qocalara belə rəhm etmədən qətlə
yetiriblər.
Həsən bəy:
– Görürsünüz, bu, bir günün işi deyil, illərlə aparılan hazırlığın
nəticəsidir.
Ermənilərin Bakıda, Azərbaycanın bölgələrində törətdiyi qır-
ğınlar hökumət orqanlarının laqeyd müdaxiləsilə dörd gün sonra,
fevralın 10-da dayandırıldı.
Elə həmin gün Əlimərdan bəy ermənilərin müsəlmanlara
qarşı törətdiyi qırğınları Dumada müzakirəyə çıxarmağa nail ol-
du. O, bu mövzuda təsirli bir nitq söyləyərək erməni-daşnak
722
quldur dəstələrinin Bakıda, Azərbaycanın bölgələrində törətdikləri
vəhşilikləri ifşa etdi. Daşnakların rəsmi hakimiyyət dairələrinin
biganəliyindən, bəzən də açıq dəstəyindən bəhrələnərək dinc insan-
lara qan uddurduqlarını tənqid etdi. Bu haqda əlahəzrət imperatora
məktub yazdığını məclisdəkilərin diqqətinə çatdırdı.
Əlimərdan bəy əlinə keçən bəzi məxfi sənədləri də Dumada
açıqladı. O, erməni-daşnak dəstələrinin silahlanmasına yardım
göstərənlərin siyahısını oxudu. “Baxın və tanış olun! Bakıda qazan-
dıqları pulların bir qismini daşnaklara köçürən, dinc sakinlərin
qətlinə bais olanları tanıyın – Pavel Qukasov
168
100 min, Lalayev
150 min, Mantaşev
169
100 min, Ambarsum Melikyan 50 min və
başqaları. “Daşnak”, “Droşşak”, “Qnçak” və b. terror təşkilatlarına
pul köçürən insanlar cəzalandırılmalıdırlar!
İclasda çıxış edən Həsən bəy xüsusi vurğuladı ki, mən
bu fəlakətin olacağı haqqında bir neçə ay öncə bəzi hökumət
orqanlarına yazılı və şifahi məlumatlar vermişdim. Amma o faktları
ciddiyə alan olmamışdı. Bəzən belə məlumatları verdiyimə görə,
mənə “təxribatçılıq edirsiniz” deyənlər də olurdu.
Həsən bəy faktlar əsasında ermənilərin bir-iki gün ərzində
Azərbaycan ərazisində dinc insanlara qarşı törədilən quldur bas-
qın larının, vəhşiliklərinin ümumi nəticələrini açıqladı, hakimiyyət
orqanlarından onların təcili cəzalandırılmasını tələb etdi.
Məsələlərin bu şəkildə açıq müzakirəsi ermənilərin neçə
müddətdir ki, yerli hakimiyyət orqanlarının dəstəyi ilə Bakıda, ətraf
ərazilərdə törətdikləri vəhşiliklər və terror fəaliyyəti haqqında çox
şeyləri ortaya çıxardı. Məlum oldu ki, Türkiyədən qaçan “Xeso”
ləqəbli terrorçu Karmir Aqbyur terror təşkilatı yaradaraq silahlı
erməniləri silahlandırmaqla məşğuldur. Hətta Bakının özündə
ermənilərin neçə-neçə terror təşkilatı və onları maliyyələşdirən
milyonçuları var. Bir də ilk dəfə idi, Duma səviyyəsində Bakıdakı
erməni quldurlarının məhz ruslara arxalanması faktı müzakirəyə
168
Pavel Osipoviç Qukasov (1858-1937) – Rusiya neft sənayeçisi, mühəndis,
iqtisadçı
169
Aleksandr İvanoviç Mantaşev – (1842-1911) Rusiya neft maqnatı. Zəma-
nəsinin ən varlı adamlarından biri
Dostları ilə paylaş: |