70
ellərin igidləri döyüşə gedirdilər [210, s.37]. Qarabağ xanlığı Rusi-
ya tərəfindən işğal edildikdən sonra regionda xristianlar əhalinin cə-
mi beşdə birini təşkil edirdilər. Ancaq 1823-cü ildə çar məmurları
tərəfindən tərtib edilmiş “Qarabağ əyalətinin təsviri”ndə verilən mə-
lumatlara görə, Qarabağ xanlığında 90 min əhali, 1 şəhər, 600 kənd
(onların 150-si artıq xristian erməni kəndi kimi qeydə alınmışdır –
H.A.) olmuşdur. Şuşada təxminən 1.948 azərbaycanlı, 474 xristian
ailəsi yaşayırdı. Kəndlərdə bu rəqəmlər müvafiq surətdə belə idi:
12.902 müsəlman və 4.331 xristian. Məlumdur ki, XIX əsrin ortala-
rından XX əsrin əvvəllərinədək Zəngəzur qəzasının əhatə etdiyi əra-
zidə zaman-zaman müxtəlif inzibati-ərazi vahidləri yaradılmışdır.
Bunların içərisində ilk diqqəti cəlb edən Püsyan mahalıdır. Hələ
XVI əsrdən etibarən Püsyan elinin – mahalının adı Qarabağın tərki-
bində çəkilir. 1823-cü ilə aid rus mənbəyində yazılırdı ki, Püsyan
mahalı Qafan çayının sahilində yerləşir və Məhəmmədhüseyn sultan
tərəfindən idarə olunur. Bu qaynaqda Püsyanın 35 obasının adı, hər
obada yaşayan vergi ödəyicilərinin sayı göstərilir. Sənədlərdə vergi
ödəyənlər içərisində «ödəməyən kasıblar» qeydi ilə yanaşı, vergidən
azad olunmuş kəntxuda, molla və b. imtiyazlı silk nümayəndələrinin
sayı da ayrılıqda göstərilib, «qeyri-müsəlman tüstü»lərin sayı da ve-
rilib [84, s.67]. Püsyan mahalı 1840-cı ildə ləğv edilərək Zəngəzur
sahəsinə qatılmışdır. Romanovlar imperiyasının müstəmləkəçilik,
xristianlaşdırma siyasətinə uyğun olaraq həyata keçirdiyi köçürmə-
lərdən sonra Qarabağın dağlıq hissəsinin milli tərkibi ilbəil dəyişil-
məyə başlamışdı. XIX əsrin 80-ci illərinin sonunda Şuşa qəzasında
ermənilər əhalinin artıq 38 faizini təşkil edirdilər. N.Şavrov yazırdı
ki, 1804-1813 və 1826-1828-ci illər Rusiya-İran müharibələrinin
gedişində və onlardan sonra ermənilərin Cənubi Qafqaza, o cümlə-
dən Qarabağa kütləvi surətdə köçməsi başlanır. Biz ruslar 1828-ci
ildən 1830-cu ilədək Zaqafqaziyaya (Cənubi Qafqaza – H.A.) 40
mindən çox İran, 84 min türk (osmanlı – H.A.) ermənisi köçürmü-
şük. Onları erməni əhalisinin az olduğu Yelizavetpol və İrəvan qu-
berniyalarındakı ən yaxşı dövlət torpaqlarında yerləşdirmişik. Bu
məqsədlə 200 min desyatin dövlət torpağı ayrılmış, müsəlmanlardan
71
2 milyon manatlıqdan çox torpaq satın alınmışdır. Bu ermənilər Ye-
lizavetpol quberniyasının dağlıq hissəsində və Göyçə gölünün sahil-
lərində yerləşdirilmişlər. Köçənlərin sayının rəsmi məlumata görə
124 min nəfər olmasına baxmayaraq, əslində onların sayı 200 mini
keçmişdir [219, s.64]. Lakin bu yeganə və son kütləvi köçürmələr
deyildi. Ermənilərin Cənubi Qafqaza, o cümlədən Qarabağa köçü-
rülməsi sonrakı illərdə də davam etdirilmiş və böyük vüsət almışdı.
Cənubi Qafqazda yaşayan 1 milyon 300 min nəfərin 1 milyondan
çoxu yerli sakinlərə mənsub deyil və bizim tərəfimizdən köçürül-
müşdür. Son 13 ildə köçürülən ermənilərin sayının çoxluğu aşağıda-
kı müqayisədən aydın görünür: 1896-cı ildə general-adyutant Şere-
metyev Cənubi Qafqazda yaşayan ermənilərin sayının 900 minə ya-
xın olduğunu, 1908-ci ildə isə 1 milyon 300 minə çatdığını qeyd
edir [219, s.64]. N.Şavrov göstərirdi ki, bu müddətdə ermənilərin
sayı 400 min nəfər artmışdı [219,s.66]. Ermənilərin İran vilayətlə-
rindən Rusiya ərazilərinə, yəni bizim torpaqlara köçürülməsi ilə
bağlı S.N.Qlinkanın məlumatları da tarixi həqiqəti düzgün əks etdi-
rən mənbələrdir [107, s.35]. Bu köçürmələrə qədər xristian əhalisi
bütün qəza boyunca dağlarda, çox çətin gediş-gəlişi olan kəndlərdə,
azərbaycanlılar isə adətən çay kənarlarında, əkin-biçin üçün yararlı
sahələrdə məskunlaşmışdılar. Məskunlaşma tarixinə görə Zəngəzur
erməniləri yerli sakinlərə və köçkünlərə bölünürlər. Ermənilərin bö-
yük əksəriyyəti çar Rusiyasının Qafqazı işğalından sonra Qacarlar
imperiyasının Qaradağ, Gərmalı, Xoy və Səlmas əyalətlərindən bu-
raya köçüb gəlmişdilər [107, s.35]. Bu ermənilər həm xəzinə kənd-
lərində məskunlaşmış, ya da yeni kəndlər yaratmışdılar. Qaradağ
əyalətindən gələnlər əsas etibarilə Qafan sahəsinin boş yerlərində və
boşalmış kəndlərində qərar tutmuşdular.
Son onilliklərdə, ilk növbədə də dövlət müstəqilliyimizin bər-
pasından sonra ermənilərin Azərbaycan torpaqlarına haradan, nə
vaxt köçürüldükləri haqqında qaynaqlar aşkar edilmiş, əsərlər yazıl-
mışdır. Elə bu köçürülmələrin nəticəsi idi, Zəngəzurun müxtəlif yer-
lərində yaşayan ermənilər arasında ciddi ləhcə fərqləri mövcud idi.
72
Burada az qala mahalların və ya ayrı-ayrı kəndlərin sayı qədər ləhcə
vardı [205, c.1, s.10].
Çarizmin Şimali Azərbaycanı işğal edəndən sonra da Zəngə-
zur Qarabağın tərkibində qaldı, 1861-ci ildə Zəngəzur qəzası yara-
dıldı, 1867-ci ilin dekabrında yeni yaradılan Yelizavetpol quberni-
yasının tərkibinə Zəngəzur da qatıldı. Bu qəza quberniyanın ən bö-
yük ərazi-inzibati vahidi olub dörd dairəyə bölünmüşdü: Hacısamlı,
Əlyanlı, Bərgüşad və Həkəri dairələri. Bu qəzanın mərkəzi Gorus
idi. Tezliklə əvvəllər ayrıca ərazi vahidi olan Qaraçorlu mahalı da
Zəngəzura qatıldı. 1886-cı ilin statistik məlumatlarına görə, Zəngə-
zur qəzasının 326 kəndindən yalnız 81-də ermənilər yaşamışdır.
Özü də bu hal Rusiyanın imperiya planlarına uyğun sistemli şəkildə
İran və Türkiyədən minlərlə erməni əhalisi Qarabağa-Zəngəzura kö-
çürüldükdən sonra meydana çıxıb bərqərar olmuşdu. 1881-ci ildə
Tiflisdə nəşrə başlamış Qafqaz Tədris İdarəsi tərəfindən çap olun-
muş Qafqaz əraziləri və xalqlarının təsvirinə dair materiallar toplu-
sunun 1904-cü il buraxılışında Qarabağ regionunun Zəngəzur qəza-
sının sərhədləri belə göstərilmişdir; şərqdən və şimal-şərqdən Şuşa,
Cəbrayıl qəzaları, şimaldan Cavanşir qəzası, Ərəş qəzası Nuxa,
Göyçay, qərbdən və cənub-qərbdən Naxçıvan və Şərur–Dərələyəz
qəzaları, İrəvan quberniyası, Yelizavetpol qəzaları və Zaqatala, cə-
nub və cənub-şərqdən Araz çayına bitişik Rusiya və İran dövləti
arasında [90, s.86]. 1873-cü ildə Yelizavetpol quberniyasında təsis
olunmuş qəza mərkəzi Gorus məntəqəsi idi. Qəza 3212, 5 kv. km
sahəyə malik idi. Fəaliyyətinə 1929-cu ildə son qoyuldu [90, s.89].
Çarizm yerli müsəlman kadrlara bir o qədər də etibar etmədiyindən,
xristianlardan rəhbərlər təyin edirdi. Zəngəzur qəzasının başçısı
N.Pivaroviç olmuşdur [90, s.91]. Qəzanın idarəçiliyində azərbay-
canlılardan qəza başçısının baş köməkçisi Hüseyn bəy Behbudbə-
yoğlu Mahmudbəyov, tərcüməçi Şamxal bəy Məlikhüseynov, Hü-
seyn bəy Məlikabasov, Paşa bəy Səyadbəyov, polis sistemində Hə-
bib xan Şəkinski, Bəylərbəy Həsənbəyov çalışmışlar [90, s.90]. Qa-
rabağın digər qəzası Zəngəzurda dörd kənd şöbəsi [90, s.90], beş
polis məntəqəsi olub [90, s.32-33]. 1905-1906-cı illərdə çarizmin
Dostları ilə paylaş: |