101
təmin edilən ermənilər avqustun 9-da Oxçu-Şəbədək kəndlərinə
hücum edirlər. Köhnə silahlarla silahlanan azərbaycanlılar 4 gün
ermənilərə müqavimət göstərmiş, onları mövqelərindən çıxararaq
Kecalan erməni kəndinə qovmuş və nəhayət, erməniləri məğlub
etmişlər. Erməni komandirləri Qatardakı ehtiyat hissələrini və ətraf
erməni kəndlərindəki silahlıları da cəlb edərək avqustun 14-də
Oxçu-Şəbədək kəndlərini işğal edirlər. Silah-sursatı tükənən
azərbaycanlılar Saqqarsu dağına çəkilirlər. Kəndi tərk edə
bilməyənlərin hamısını ermənilər qətlə yetirib bir-birlərinin üstünə
qalaqlamışdılar. Tək-tək sağ qalanlar çıl-çılpaq Ordubada və Cəbra-
yıl qəzasının kəndlərinə pənah aparmışdılar. Bu qanlı cinayətin
təsvirindən aydın olur ki, XX əsrin sonlarında Xocalıda törədilən
soyqırımının analoqu həmin əsrin əvvəllərində Saqqarsuda
törədilmişdir. Ordubaddan Yelizavetpol qubernatoruna vurulan
yüzlərlə teleqramdan sonra general-qubernator Ordubada bir rota
draqun süvarisi göndərir. Saqqarsuda toplaşan 800 nəfərə yaxın
ordubadlı könüllülərin də köməyi və 1000 nəfərə yaxın Oxçu-
Şəbədək silahlılarının iştirakı ilə sentyabrın 16-17-də Oxçu-Şəbədək
kəndləri ermənilərin işğalından azad edilir. Sağ qalan əhalinin
yenidən öz kəndlərinə qaytarılması prosesi başlanır. Ordubad
tərəfdən gələn silahlı dəstələrdən ağır zərbə alan ermənilər
qırğınlara ara verməyə məcbur olmuşdular [156, s.138-140].
Zəngəzurda yaşanan hadisələrə, erməni quldurlarının
törətdikləri vəhşiliklərə dövrün müəlliflərindən heç kəs laqeyd qala
bilmirdi. Zəngəzurda törədilən qırğınlar Mirzə Rəhim Fənanın
«1905-ci il hadisəsi» kitabında, qısa da olsa, işıqlandırılmışdır. O,
yazırdı ki, Şuşa qalasındakı dava xəbəri ildırım sürətilə elatlara
çatdıqdan sonra onlar dağlardan arana enmək qərarına gəlirlər. Şuşa
köçərilərinin bəziləri dağdan enən zaman Minkənd kəndinin erməni
məhəlləsində yaşayanlar arasında toqquşma baş verir. Bu hadisənin
sədası Gorus məntəqəsinə yetdikdə, minlərlə erməni hərəkətə gəlib
dağlar döşündə, dərələr küncündə məskunlaşan yerli ac-susuz və
silahsız azərbaycanlıların üzərinə tökülərək qarışqa kimi onları
dağıdıb, birinə də aman vermədən uşaqlı-böyüklü hamısını
102
vəhşicəsinə qətlə yetirib sonradan yandırırlar. Ermənilər Malıbəyli,
Qarıqışlaq, müsəlman Minkəndi, Bozlu, Sümüklü, Türklər, Sultanlı,
Əcəbli, Qarz, Qazı, Qurdəli və s. kimi kəndlərə hər yerdən hücum
edib onları viran qoyurlar. M.R.Fəna daha sonra yazırdı: «Atmağa
bir silahı belə olmayan əliyalın camaatın üzərinə düşmən coşmuş
dəniz kimi tökülüşür. Bu günahsız insanlara qarşı göstərilən zülm
və vəhşət ancaq mənfur ermənilərə xas xüsusiyyətdir ki, onun
şərhini qələmə almaq üçün daş ürəkli və polad təbiətli olmaq
gərəkdir. Hadisə bir bununla bitmir, Sisian mahalına, Bərgüşad və
Həkəri dərəsinə qədər yayılır... Bu zavallıların can və mal itkiləri
həddindən artıq çox olur. Bununla yanaşı, qaladərəli ermənilər
saylarının, yaraq-yasaqlarının çox və yerlərinin möhkəm olmasına
güvənərək islam ümmətinin yollarını bağlamağa başlayıb, zəif
müsəlman qonşularına həmlələr edib, ələ düşən müsəlmanı
öldürmüşlər. Bu biçarə müsəlmanlar saylarının az və silahlarının
olmaması səbəbindən müqavimət göstərə bilməyib məğlub
olmuşlar. Lakin Bağırbəyli davasında müsəlmanlar çoxsaylı
ermənilərin böyük əksəriyyətini qətlə yetirib onların hücumunu dəf
etməyə müvəffəq olmuşlar. Qaladərəlilər müsəlmanlara vurduğu
zərərə və törətdikləri cinayətlərə görə lazımi qisasa məruz
qalmadılar. Belə ki, onlardan ciddi hesab istənilmədi. Həkəri
dərəsində Əliquluuşağı deyilən erməni kəndinin sakinləri öz yerləri-
ni boşaldıb qaçsalar da, zərərsiz keçinə bilmədilər [153, s.91-92].
Həmin müəllif daha sonra ac-yalavac Zəngəzur qaçqınlarının vəziy-
yətini belə təsvir edirdi: «Noyabr ayının ikinci günündə [1636-cı il]
öz yerlərindən didərgin düşən Zəngəzur, Malıbəyli əhli payızın
şiddətli sazağı yetdikcə, Zəngəzur məntəqələrində qalmağa imkan
bulmayıb ac və üryan övrət-uşaqla bir yerə yığılıb köç edərkən
Xocalı postunda duran kazaklar qarşısından keçdikləri zaman yolun
alt və üstündə pusquda duran ermənilər küçə tərəf atəş açırlar (bu
məqam 1992-ci il aprelin 26-da ermənilərin Xocalıda törətdikləri
qırğınların ssenarisini xatırladır – H.A.). Kazaklarla söhbət edən
quldurların başçısı naxçıvanikli Hatəm bəy Pirimov açılan atəşin
köç tərəfindən, guya kazaklara tuşlandığını söyləyir. Bu sözdən
103
sonra kazaklar heç nə söyləmədən köç əhlinə hücum edərək onları
gülləboran edirlər. Zavallılardan bir ölür və dördü isə yaralanır.
Məzlumların naləsi göyə ucaldıqda, onların günahsız olduqları
kazaklara məlum olur». M.R.Fəna daha sonra qeyd edirdi ki, həmin
Hatəm bəyi Daşnaksutyun partiyasına etdiyi xəyanətə görə
ermənilərin özləri qətlə yetirirlər, onun qardaşı Şəmir bu hadisədən
sonra ermənilərdən üz döndərib müsəlmanların tərəfinə keçmiş,
ailəsi ilə birgə Muğanlı kəndinə köçür və Kərbəlayı Kazımım evinə
sığınmışdı [153, s.131-132]. Rəsmi hakimiyyət orqanlarının
cinayətkar laqeydliyi, bəzi hallarda isə dəstəyi ilə müşayiət olunan
erməni
vəhşiliklərinə
qarşı
tədricən
azərbaycanlıların
təşkilatlanması, «Difai» partiyasının ermənilərin terroruna tutarlı ca-
vab verməsi də onların silahlı qarşıdurmadan əl çəkmələrinə səbəb
olmuşdu. Lakin bunlara baxmayaraq qırğınlara son qoyulanadək
Zəngəzurda və Qarabağda yüzlərlə kəndi ermənilər viran
qoymuşdular. Ümumiyyətlə, ermənilər təkcə həmin ilin iyul
ayından başlamış avqust ayının axırına kimi Zəngəzurun Xələc,
Karxana, Qatar, İncəvar, Çöllü, Yeməzli, Saldaşlı, Mollalar,
Batman, Oxçu, Şəbədək, Atqız, Pirdavdan, Zurul, Guman, İyilli,
Sənəli, Minənəvur, Fərcan, Qalaboynu, Əcəbli, Buğacıq kəndlərini
viran qoymuş, əhalisini qətlə yetirmişdilər. Milli münaqişələr böl-
gədə genişmiqyaslı dağıntılara, çoxsaylı qətllərə səbəb olmuşdur.
Erməni müəllifi S.Zavaryanın verdiyi məlumata görə, 1905-1906-cı
illərdə Zəngəzur qəzasında 43 müsəlman, 14 erməni kəndi
dağıdılmışdı [156, s.136]. Digər erməni müəllifi A-do dağıntılara
məruz qoyulmuş aşağıdakı 43 azərbaycanlı kəndinin adlarını çəkir:
Bayandur, Hələk, Binəyeri, Kosalar, Malıbəyli, Cağazur, Çaylı,
Kalavalax, Novruzlu, Cecimli, Hacılar, Bağırbəyli, Qarahunc,
Unanav, Kürdlər, Ağvani, Danzaver (Armudlu), Sisian, Ağdü,
Dərəbas, Pul, Ərikli, Şükar, Məliklər, Yeməzli, Xəştap, Almalı,
Karxana, Qatar, Cibilli, Xələc, Keçi-Şabadin, İncəvar, Çullu, Oxçu,
Atqız, Pirdavdan, Əclıli, Buğaçıq, Kollu-Qışlaq və b. [223a, s.305-
306]. Bir çox tarixi qaynaqlardan məlum olur ki, qanlı-qadalı 1905-
1906-cı illər ərəfəsində Zəngəzur qəzasında mövcud olmuş 406
Dostları ilə paylaş: |