Xabar ha'm jamiyet. Xabar, mag'luwmat ha'm bilim haqqında tusinik. Xabarlı protsesler. Xabardı su'wretlew, saqlaw, islew beriw ha'm jetkerip beriw. Xabardın' sıpat korsetkishileri. Ja'miyette xabar protsessleri

Kompyuter xanasinda talaplar.
Xananin’ patologi aq-ko’k fon menen aqlaniwi, diywallari bolsa jasil ren’de aqlaniwi kerek. Bul ren’ler ha’m ku’n nurlaniwi bizge kerekligi ren’ ortalig’in jaratip beredi.
Elektr qa’wipsizligi.
Kompyuter xanasinda ha’mme mebeller elektr tokta isleydi, sonin ushin elektr ziyanlaniwina ushirawi mu’mkin. Ashiq jayi bar kabellerden paydalaniw kerek emes.
Kompyuterlerdi jerge jalg’aw ha’m jerge jalg’aw qa’wipsizligi talaplari.
Ha’mme kompyuterlerde elektr tarmag’ina jalg’aw ushin arnawli sistema isletiledi ha’m onda "0" jalg’aw qa’wipsizligi qollanilg’an. "0" ge jalg’aw qorg’awi bul "0" simin korpuslarg’a baylaw ha’m ha’r tu’rli issiliqta isleytug’in avtomatlardi iske tu’siriwshi sistemalar.
Jeke kompyuterden paydalaniw kag’iydalari.
Jeke kompyuterdi iske tayarlaw ha’m o’shiriw ta’rtipleri bar. Birinshiden kompyuterdin’ tarmaq ku’shleniwine sa’ykesligin tekseriw kerek. Jeke kompyuterler 220 yaki 110 ku’shleniwi elektr tarmaqlarinda islewi mu’mkin.
Jeke kompyuterler ushin ku’shleniwdin’ o’zgeriwi, a’sirese keskin o’zgeriwler qa’wipli boliwi mu’mkin. Sonin’ ushin arnawli stabilizatorlardan yaki elektr quwatlilig’inin’ u’zliksizligin ta’miyinlewshi-URS qurilmasinan paydalaniw usinis etiledi. Arnawli URS qurilmasi elektr quwatin o’zgermes halda uslap turadi, ha’mde elektr deregi o’shirilgennen keyin belgili bir waqit dawaminda kompyuter islewdi ta’miyinlep turadi. Bul waqit kompyuterde orinlanip atirg’an islerdi tamamlaw ushin jetkilikli boladi. Ma’selen, kerekli mag’liwmatlardi diskke jazip qoyiw yamasa programmalar jumisin tamamlaw ushin ha’m t.b.
Jeke kompyuter ja’rdeminde qanday islerdi a’melge asiriw mu’mkin ekenligi ha’m bunin’ ushin paydalaniwshi ta’repinen neler lazimlig’in biliw ushin, aldi menen jeke kompyuterdin’ du’zilisi ha’mde onin’ jumisi nelerge tiykarlang’anlig’i menen tanisip shig’iw kerek boladi.
Kompyuter informaciyalar u’stinde is alip bariw ushin qollaniladi. Bul informaciyalar u’stinde is alip bariw qag’iydalari bolsa kompyuterge jazilg’an tu’rli programmalar arqali belgilenedi. Sonin’ ushin jumisti aldi menen informaciya tu’siniginen baslag’animiz maqul.


ZAMANAGOY JEKE KOMPYUTERLER HA’M OLARDIN’ PROGRAMMALIQ TA’MIYNATI