Xalq ta’limi vazirligi s amarqand viloyati xalq ta’limi xodimlarini qayta tayyorlash va ularning malakasini oshirish hududiy markazi sattarova Adashoy Amonovna

2.2 Interfaol metodlarning pedagogik va psixologik xususiyatlari

Interfaol metodlarning pedagogik-psixologik asosi konstruktivizm nazariyasi (D.Dyui), bola intellektining rivojlanishi (J.Piaje), eng yatsin rivojlanish soqasi (L.S.Vigotskiy), intellektning ko'p turliligi (G. Gardner) hamda yuqorida bayon etilgan o'quv maqsadlari taksonomiyasi (B.bBlum) haqidagi ma'lumotlardan iborat bo'lib, ularni bilish va amalda foydalanish dar bir o'qituvchiga o'z pedagogik mahoratini takomillashtirish uchun zarur.

Pedagogika fanida konstruktivizm nazariy va amaliy yo'nalishlarga ega. Konstruktivizm nuqtai nazaridan ta'lim - bu fikrlash faoliyati yordamida va shaxsiy tajriba asosida bilimlarni shakllantirib boriladigan faol jarayondan iborat deb hisoblanadi. Bunda haqiqatni bilishga tomon harakat jarayoniga asosiy e'tibor qaratiladi.

Interfaol metod – ta’lim jarayonida o’quvchilar hamda o’qituvchi o’rtasidagi faollikni oshirish orqali o’quvchilarning bilimlarni o’zlashtirishini faollashtirish, shaxsiy sifatlarini rivojlantirishga xizmat qiladi. Interfaol metodlarni qo’llash dars samaradorligini oshirishga yordam beradi. Interfaol ta’limning asosiy mezonlari: norasmiy bahs-munozaralar o’tkazish, o’quv materialini erkin bayon etish va ifodalash imkoniyati, ma’ruzalar soni kamligi, lekin seminarlar soni ko’pligi, o’quvchilar tashabbus ko’rsatishlariga imkoniyatlar yaratilishi, kichik guruh, katta guruh, sinf jamoasi bo’lib ishlash uchun topshiriqlar berish, yozma ishlar bajarish va boshqa metodlardan iborat bo’lib, ular ta’lim-tarbiyaviy ishlar samaradorligini oshirishda o’ziga xos ahamiyatga ega.