312
inkişaf etdiyini təsdiq edir, həm də Azərbaycanın dünya ticarətin-
də əhəmiyyətli strateji mövqeyini təsdiqləyir. Araşdırmalar və
tədqiqatlar təsdiq edir ki, orta əsrlərdə Roma, Bizans, Hindistan,
Çin, Misir, Şimali Qafqaz kimi ərazilərlə ticarət əlaqələri
saxlanılmışdır (23, 110).
Bildiyimiz kimi, orta əsrlərin tədqiq olunan dövründə yam
sistemi (rabitə məqsədli dayanacaq məntəqələri) mövcud olmuş-
dur. Tarixdən məlumdur ki, «Qazan xana kimi yam sistemi bər-
bad vəziyyətdə idi. Bu sahədə keçirilən islahat onun nisbətən can-
lanmasına səbəb oldu. Qazan xanın göstərişi ilə əsas yollarda 3
fərsəngdən (təxminən 20 – 21 km-dən) bir yam təşkil olundu, hər
birinə 150-yə qədər minik atı verildi, yam əmiri təyin olundu, on-
lara xüsusi torpaq sahəsi ayrıldı və s.» (24, 343). Bu da həm təh-
lükəsizliyin təminatı, həm də şəhərlər və bölgələr arasındakı
məsafələrin dəqiqləşdirilməsi üçün zəruri şərt idi.
Azərbaycanın Bərdə şəhəri haqqında qeydlərində hətta Bala-
zuri əvvəlki dövrlərdə ticarətdə istifadə edilən çəki daşları və
tərəzilər haqqında məlumat vermişdir (25, 16). Azərbaycan şəhər-
ləri içərisində orta əsrlərdə ticarətdə mühüm rol oynayan Bərdədə
beynəlxalq ticarətin rolu müxtəlif mənbələrlə təsdiq olunur. Say-
sız-hesabsız sikkələrin aşkar olunması da deyilənlərə sübutdur.
Şəhər xüsusən «Kürki» adlı bazarı ilə məşhur olmuşdur.
Ticarət bu işlə məşğul olan, qarşılıqlı mənfəət əlaqələrini
möhkəmlədən tacirlərin əlində cəmləşmişdi. Dükanların və bazar-
ların olması, əhalinin gündəlik tələbat malları ilə təminatı, yar-
markaların təşkil edilməsi, bütün bunlar ticarətin inkişafına dəla-
lət edir. Aydındır ki, ticarətin və sənətkarlığın inkişaf etdiyi yer-
lərdə də müxtəlif çəki vahidlərindən istifadə olunması labüddür.
Azərbaycanın ölçu vahidləri haqqında danışmazdan əvvəl
onun müəyyən olunmuş təsnifatını vermək yerinə düşər. Bu xü-
susda H.Quliyev Azərbaycanda xalq ölçü vahidlərinin bölgüsünü
belə verir: həcm, sahə, uzunluq, maye, sənətkarlıq və qiymət
vahidləri (26, 74).
Çoxsaylı orta əsr mənbələrinin məlumatlarına əsaslanaraq de-
yə bilərik ki, tədqiq olunan dövrdə adları çəkilən ölçü vahidləri-
313
nin ən əsasları bunlardan ibarət olmuşdur: fərsəng, xalvar, gəz,
misqal, çanaq, tağar, batman, arpa, mən, arşın, mil, ağac, addım,
mənzil və s. Belə mənbələr içərisində Ə. Q. Fərəcovun da haqlı
olaraq qeyd etdiyi kimi, Azərbaycanın XII əsr ictimai-iqtisadi və-
ziyyəti haqqındakı ən qiymətli materialı xalqın həyat və yaşayı-
şını özünün «Xəmsə»sində əks etdirən Nizami Gəncəvidən alırıq
(27, 13). Dahi şair «Nizaminin əsərlərində tez-tez adları çəkilən
ölçü vahidləri bunlardır: çanaq, arşın, addım, batman, misqal, xal-
var, ağac, mil, mənzil, arpa, mən və s. Bunlar həm məsafə, həm
də çəki ölçüləridir» (14, 145). Tədqiqatçı Ş. Bünyadova göstərir
ki, həmin ölçü vahidlərindən demək olar ki, böyük əksəriyyəti
sonrakı dövrlərdə də istifadədə olmuş və XIX əsrin axırları, eləcə
də XX əsrin əvvəllərində eyni əhəmiyyət kəsb etmişdir (14, 145).
Tarixi Azərbaycan əraziləri barədə məlumat verən orta əsr
(XII-XV yüzilliklərin) müəllifləri burada tətbiq olunan ölçülər
barədə də yazmağı unutmamışlar. Onlardan orta əsr müəllifi
Yaqut Həməvi öz məlumatlarında fərsəngin adını çəkmişdir (28,
7). Əbu Bəkr əl–Oütbi əl-Əhəri də fərsəngdən söz açmışdır (29,
56). Nizami Gəncəvi isə «yüz fərsəng məsafəyə ləl və almaz
saçır» – deyir (30, 292).
Bəzi mənbələrdə (məsələn, Nizaməddin Şaminin əsərində)
fərsəngin adı fərsah (6-7 km) kimi verilmişdir (31, 36). Hələ IX
əsrdə fərsəngin adına (fərsah kimi) İbn Xordadbeh tərəfindən
yazılan «Yollar və ölkələr haqqında kitab»da rast gəlinir (32, 25).
Bu, həmin uzunluq ölçüsünün daha əvvəlki dövrlərdən tətbiq
olunduğunu göstərir.
Mənbələrdə gəzin adı çəkilir. Məsələn, Əfzələddin Xaqani
gəzdən bəhs etmişdir (2, 233). Bununla bərabər, Sadiq bəy Əfşar
da uzunluq ölçüsü gəz və vəzn ölçüsü mən haqqında yazmışdır
(33, 22-23).
Nizami yazır :
Nizəsi düz otuz ərəş idi (34, 95).
314
Ərəş uzunluq ölçüsü dedikdə, əsasən əlin orta barmağından
dirsəyə qədər olan hissəsi nəzərdə tutulur. Nizami yazır:
Beləliklə, hər mənzil başında bəxşişlər verdi (34, 32).
Mənzil məsafə ölçüsüdür. Nizami milin də adını çəkmişdir
(35, 27). Bu da bəllidir ki, «mil – qədim yollarda hər min addım-
dan bir yerə sancılmış konusşəkilli sütun, təqribən bir kilometr»-
dir və həmin məsafənin ölçü vahididir (35, 191).
Daha sonra Nizami yazır :
Bu kəhrəbanın cövhərinin hər misqalı
Bir batman iksirə dəyər (35, 87).
Qeyd etmək lazımdır ki, orta əsrlər dövründə Yaxın Şərq öl-
kələrinin əksəriyyətində eyni adlı ölçü vahidləri işlənmişdir. Qə-
dim türk ölçü vahidləri içərisində barmaq, xətt, nöqtə, qulac, qara
mili, fərsah, berid (mənzil), mərhələ, rubu, kirah, əndazə, arşın,
dönüm, ayaq (addım), dirsək, urup və s. göstərmək olar (36). Hə-
min adların əksəriyyətinə orta əsr mənbələrində rast gəlinir. Bu
bir daha Şərqin ayrı-ayrı ölkələrinin ölçü vahidlərində oxşarlığın,
yaxınlığın olduğunu göstərir. Maraqlıdır ki, Strabonun əsərində
də dirsək (444.0 mm), mil (1480 m) və dirhəm (341 q) kimi ölçü
və çəki vahidlərinin adları sadalanır (37, 836). Deməli, adları çə-
kilən ölçü və çəki vahidləri daha qədim zamanlardan məlum
olmuşdur.
Məşhur «Oğuznamə» əsərində də ölçü ilə əlaqədar olaraq yer
alan bəzi mövcud məqamları qeyd etmək yerinə düşər. Əsərdə
aqça, qiymət anlamına gələn bəha, ölçü və çəki vahidi olan dəng
haqqında bəhs edilir (38, 214, 216). Bununla bərabər, əsərdə mə-
zad kəlməsi də işlənir ki, bu, satılması üçün mala qoyulan qiymət
və yaxud başqa sözlə desək, hərraca qoyulma anlamı verir.
«Oğuznamə» əsərində eyni zamanda ölçü mənasını verən şar kəl-
məsi də işlənmişdir (38, 219, 222).
Dostları ilə paylaş: |